Daniel 1:9 - La'aqtaqa Ñim Lo'onatac 'Enauacna 2013

⁹ Qaq Ñim Lo'onatac 'Enauacna, ỹo'ot co'ollaxa da som ilotague' so nma' lta'araic, ỹataqta ỹamaateguet so Daniel,

Daniel 1:9 Referans Kwoze

Génesis 39:21

qalaxaye nache 'ena'am Ñim Nataxala' hueta'aguet somaye, qataq nache queto'ot da ỹachaxaatega da lauotaxanaqtaic, qataq ỹo'ot da so ilotague' aso ncoñetaxanaxaqui ỹauotec somaye,

Proverbios 16:7

Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

Salmos 106:46

Nache ỹo'ot da ivira'a da 'enauac som mpa'aguenaxauapi somayepi, huo'o da lchoxonnataxanaxa somayepi.

1 Reyes 8:50

Qataq 'auapalaxat qome na 'am hueto'ot lasouaxashetpi ne'ena 'aralamaxat nhuo' le'ecpi, souaxat da 'am dataỹa'aguet. Qataq que'eca mpa'aguenaxauapi maye loxonec namayepi, 'aỹa'anem da ichoxoren qome namayepi.

Nehemías 2:4

Nache se'eso nta'a, 'enapec: ¿Qaq chaq negue't ca 'anshetaique da 'am setaunec? Huaña nache ỹataqta seỹaxanot Ñim Nataxala' da aỹem itauan.

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Salmos 4:3

Ña qauaỹachiñiita qome da Ñim Nataxala', ipactaique ca ỹale maye ỹataqta 'en da quetague' Ñimaye, qataq qauaỹachiñiita da Ñim Nataxala' aỹem ỹasateguet da seỹaxanot.

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Génesis 32:28

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»

Da na'aqtaguec so Job 5:15

Ñimaye nca'alaxatec ca choxoraq qataq ca huetaiya' naqa'en naua qauema na'aqtaqa, qataq nca'alaxateeguesop camaye da la'añaxac cam qaica ca iren.

Da na'aqtaguec so Job 5:16

Qataq Ñimaye ỹo'ot da naquitaxac ca choxoraq. ¡Qataq ỹapogui na alap na qauemaicpi!

Daniel 1:10

qalaxaye 'enapego' somaye, 'eeta': Aỹem ỹataqta huo'o da icolanaxa ñi ña'aco', maye nta'a. Cha'aye ñimaye mashe aỹem ỹamaxalec nam nallec qataq na lataxa maye iuen da qami' sanema, qaq ñimaye qom ila'a da qaica ca qaryaqui, saqanachiñiiguet na laỹepi nsoxoppiolec, qaq huaña qome nache qami' chegoqchiguilo da ñi nta'a aỹem ỹalauat.

Ester 2:9

Qaq so Jegay ỹataqta ỹaỹamaxareeta co'ollaxa asa'aso qa'añole, qataq ỹauotec, qaq ỹoqo'oye so Jegay saỹaỹaloxon co'ollaxa da ipicten asomaye, ỹanem so no'on nallec, qataq ipataxagueta da huapegue' asomaye soua siete maye ỹataqta no'oñi asom namaxashepi maye hueta'a so lma' lta'araic so nta'a, qaq nache lỹata'ape naqa'en soomaye, co'ollaq nquigaxata som ỹataqta 'onaxaic nỹec som lma' lta'araic som 'alpi.