Daniel 1:5 - La'aqtaqa Ñim Lo'onatac 'Enauacna 2013

⁵ Qaq so Nabucodonosor nataqa'en damaxasoxoolec da que'eca nsoxoppiolec, iuen da 'enauaque naua na'axa'te da qaiquia'axaateguec nam nallec, qataq na lataxa maye qoỹaata'am naxa somaye, qataq tres vi'iye da qaỹapaxagueetac, qaq da ivildec caamaye, nache ishet da do'onataxanot so nta'a.

Daniel 1:5 Referans Kwoze

Daniel 1:19

Nache so nta'a detaxaỹapegueto soomaye, qaq so nsoxoppiolec maye ỹalectraigui soomaye, qalaq qaica ca 'eeta'ama soua Daniel, Ananías, Misael qataq so Azarías, qaq ỹoqo'oye soomaye nache do'onataxaarot so nta'a.

Daniel 1:8

Qalaxaye so Daniel, lhuennataxac co'ollaxa da saishet da nshepaxanaqcheela't, da chec so nallec qataq so lataxa maye qoỹaata'am naxa so nta'a, qaq ỹoqo'oye dequiguiỹo'ot som ilotague' so nma' lta'araic, da saishet da ỹamaqtalec da chec se'eso nallec da yaqto' saishet ishepaxanaqchet somaye.

1 Reyes 10:8

¡Qaq yo'oqta ñaqa'en da ỹataqta machiguiñi 'enauac na 'artauapi, maye nache 'eetai' da na'axaỹaxaatega na 'araỹaanecpi!

Lucas 21:36

Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Lucas 11:3

Ñaq qomi' 'aỹa'anema na na'a'q cam sacheguenaq maye seuenaqtac.

Mateo 6:11

Ñaq qomi' 'aỹa'anema na na'a'q cam sacheguenaq maye seuenaqtac.

Jeremías 15:19

Qaq huaña nache Ñim Nataxala' aỹem ỹasateguet, 'eeta': «Da Aỹem 'añe'eguelaxa, nache qaltaq 'am saconeguet, nache ishet da Aỹem 'auo'onataxanot. Da 'avita'aguet nam saq 'en ntaxaỹaxacpi, nache ndotec da 'aua'axat nam ntaxaỹaxacpi maye no'on na naigui, qaq nache 'am qome da 'aua'axattac Aỹem. Qaq namayepi nachena nam iuen da 'am ỹe'eguelaxaguet qome, qaq saishet da nache 'am da 'avi'eguelaxaguet namayepi

2 Crónicas 9:7

¡Qaq ỹataqta machiguiñi qome na 'analleppi, qataq na 'aramaxashecpi maye nache 'eetai' naxa da huetaua'a na 'araỹe da na'axaỹaxaatega nam 'araỹaanecpi!

2 Reyes 25:30

Qataq nache 'enauac de'era nachaalataxac so Joaquín, da so nta'a ye Babilonia, ỹaata'am ana alom ye na'a'q da yaqto' lasheue naqa'en na lhuenecpi somaye.

1 Samuel 16:22

Nache so Saúl ỹamaxa da la'aqtac so Yesé, nachoxoreetot da ỹasheeta so David da nache neto'ot somaye, cha'aye ỹataqta ỹauotec, nache ỹauo'o lamaxashec.

Génesis 41:46

Qaq so José mashe ivi' co'ollaxa soua treinta vi'iye da nachaalataxac, co'ollaq qaỹauegueua'a so faraón, som nta'a ye Egipto. Qaq so José co'ollaq ca'ai yem hueta'a so faraón, nache jec da nqo'onalo naua 'aleu' 'enauac ye Egipto.

Lucas 1:19

Nache so namaxashec ỹasateguet somaye, 'eeta': –Aỹem maye nachaỹem Gabriel, maye so'onataxaatacot Ñim Lo'onatac 'Enauacna. Qaq Ñimaye aỹem namaxa da 'am sa'aqtaxanem de'era no'on 'ara'axaỹaxac.

Proverbios 23:3

qataq saishet da 'auqopitta'a ne'ena no'on nallec, cha'aye ishet da choche 'am ipe'etaqchet.