Daniel 1:21 - La'aqtaqa Ñim Lo'onatac 'Enauacna 2013

²¹ Qaq so Daniel, nache hueta'a co'ollaxa yemaye, ivitta'a da inoxonec so 'oonolec vi'i da lo'onataxanaxac da nta'a so Ciro.

Daniel 1:21 Referans Kwoze

Daniel 6:28

Qaq so Daniel, nache queto'ot da ỹataqta huo'o da la'amaqchec da huetaua'a da lo'onataxanaxac so nta'a Darío, qataq da lo'onataxanaxac so Ciro maye nta'a ye Persia.

Daniel 10:1

Qaq co'ollaq mashe ivi' soua tres vi'iye da lo'onataxanaxac so Ciro da nta'a ye Persia, nache so Daniel maye nataqa'en le'enaxat Beltsasar, huo'o co'ollaxa so lauanaqchec, qalaxaye ỹataqta qalaqaic da qaỹaỹaten cam naigui somaye. Qalaxaye so Daniel ỹataqta deuennataxaalec co'ollaxa somaye, nache ishet da ỹaỹaten dam naigui se'eso lauanaqchec.

Esdras 1:1

Qaq so la'auaxanec vi'i da lo'onataxanaxac so Ciro, maye nta'a ye Persia, Ñim Nataxala' ỹanem da lhuennataxac somaye, da yaqto' ỹamaxalec 'enauac so hueta'a so ilotague' 'alhuapi da qaỹa'axatec so ỹan la'aqtac. Huaña nache ipacchigui da la'aqtac Ñim Nataxala', maye ỹanem co'ollaxa so la'aqtaxanaxanec Jeremías, nam nasaxauec la'aqtacpi somaye qataq nam qoỹettañipi, maye 'eeta':

Esdras 1:2

«Qaq 'era da la'aqtac ñi nta'a Ciro, maye nta'a ye Persia, 'eeta': Ñim Lo'onatac 'Enauacna maye neto'ot na piguem, Ñimaye lalamaxat 'enauac na huetalec ana 'alhua, qaq Ñimaye aỹem ỹanem da aỹem lta'a 'enauac na nta'alpi naua 'aleu'. Ñimaye aỹem ỹamaxalec, da ño'oxoosheguem aca atamnaxaqui ye Jerusalén, maye huaigui ye 'alhua Judá.