Daniel 1:20 - La'aqtaqa Ñim Lo'onatac 'Enauacna 2013

²⁰ Qaq 'enauac nam lataxacpi maye iuen ca naỹaanec, qataq naỹaanataxanaxac, maye denataxanec so nta'a, qaq somaye ila'a da ỹactec da laỹaane'c soomaye, napacalec som 'oiquiaxaipi, qataq som ilaviigui ca lỹa maye lo'onataxanaxanecpi somaye.

Daniel 1:20 Referans Kwoze

Éxodo 8:19

Nache so 'oiquiaxaipi 'enapega so faraón, 'eeta': «Nacheñi Ñim Lo'onatac 'Enauacna ñim ỹo'ottac 'enauac de'era.» Qalaxaye so faraón ñaqaiyeta ỹataqta qaramchigui da lquiyaqteỹaxac, qaq saishet da ỹoqocha'a de'era. Qaq ipacchigui dam 'enapec co'olloxocheye Ñim Nataxala'.

Isaías 19:3

Aỹem, she'eguelaxata qome da sa ntouen yemayepi, qataq sa ipaigui ñaqa'en nam lapaxañipi. Qaq huaña qome nache inat yem atamnaxala'pi, qataq ye conaxanaxaicpi, qataq na lqui'ipi so leuaxaicpi, qataq nam ilaviigui ca lỹa.

Da na'aqtaguec so Job 19:3

Qataq qavi'iguelaxacheetalec da aỹem qaunoxoqchichiitac, ¿Qalaq qaica ca qara'aloqoi da aỹem qoñiita'ac de'era?

Nehemías 4:12

Qalaxaye huo'o so judiiopi maye lauoreuapi somayepi, qaq nacheso so qomi' icoyegue'n naxa da huotaique da anac somayepi da qomi' iloquiaxa'n,

Números 14:22

nache qaica ca 'oonolec nam ỹauaachigui da ỹo'oxoyec, qataq na na'anecpi maye so'ot co'ollaq huaña ye Egipto, qataq so huaña ye toolec 'alhua, qataq nam qalota da Aỹem ỹe'eguen, qataq na saishet da aỹem ỹalaxaguet,

Éxodo 8:7

Qaq som 'oiquiaxaipi nataqa'en ỹo'ot da lo'oiquiaxac, nataqa'en nauegueua'alo naua 'aleu' ye Egipto ana miỹo.

Éxodo 7:22

Qalaxaye na 'oiquiaxaipi ye Egipto nataqa'en do'onataxana da lo'oiquiaxac, ỹe'enaxa't soomaye. Qaq ỹoqo'oye so faraón ñaq 'eetalec da qaramchigui añi lquiyaqte. Qataq saishet da ỹoqocha'a de'era, qaq ipacchigui da 'enapec co'ollaxa Ñim Nataxala'.

Génesis 41:8

Qalaxaye so nte'etom so lỹa na'a'q nache so faraón ỹataqta lta'araic da lhuogoxo, nache damaxasoxoneuga da qanauegueuo 'enauac som ilaviigui na lỹa, qataq so ỹaanaxanaxaicpi maye lma' ye Egipto. Qaq huaña nache so faraón da'aqtaxanem somayepi soua lchoxonaxaco, qalaxaye somayepi qaica ca ishet da ỹa'axat ca naigui.

Génesis 31:7

Qalaxaye ñimaye aỹem ỹatenachet, cha'aye naralaxatta'aguet da lataxac da ỹashiichiỹaxac. Qalaxaye Ñim Lo'onatac 'Enauacna, saishet da ỹashenem ñimaye, da aỹem ỹo'otec ca sa ỹaỹamaxañi.

Daniel 5:17

Qaq huaña nache so Daniel ỹasateguet so nta'a, 'eeta': 'Am nta'a, nache 'am hueto'ot qome cam huotaique da ñeme 'anqa'en, qataq 'aỹa'anem ca lỹa shiỹaxaua dam ño'oxoyec da do'onataxaneua'a na 'arma' lta'araic. Qaq aỹem qalaq choche 'am sa'aqtaxanem 'am nta'a, dam naigui yi'iyiua na'aqtaqa maye nanettaleguete na lque.

Daniel 2:21

Ñimaye naralaxa't naua na'axa'te qataq naua laloqo'ote, nqat ca nta'a qataq ỹauo'o ca nta'a, qataq ỹanem da laỹaanec nam ỹaanaxanaxaicpi, qataq ỹanem da laỹaanataxanaxac nam ỹaanataxanaxaicpi.

Daniel 2:13

Qaq co'ollaq qaỹa'axatec se'eso namaxasoxonaxac, nache qaỹe'eguenauga so Daniel qataq soua lỹa't, da yaqto' nataqa'en qaỹalaua't.

Salmos 119:99

Da ỹaỹaanataxanaxac napacalec 'enauac na ñapaxaguenaxala'pi, cha'aye ñapaxagueetegalo naua 'aramaxasoxonaxaco.

Ezequiel 28:3

¿'Aupettega peta'a da 'anapacalec da laỹaanec so Daniel? ¿'Aupettega peta'a da qaica ca ỹapoguiñi 'anqa'en?

Daniel 1:17

Qaq Ñim Lo'onatac 'Enauacna ỹanema se'esoua cuatro nsoxoye da laỹaane'c, qataq da laỹaanataxanaxa'c da ỹaỹateetegueta 'enauac ana nerepi, qataq 'enauac na laỹepi naỹaanecpi. Qaq so Daniel qalaq nataqa'en ỹaỹaten da ỹa'axategue da naigui na nauanaqchecpi, qataq na nchoxonaxacpi.