Daniel 1:15 - La'aqtaqa Ñim Lo'onatac 'Enauacna 2013

¹⁵ Qaq co'ollaq inoxoorec soua diez na'axa'te, nache da lashiguiỹaxa'c soomaye ỹataqta 'onaxaiqa qataq sansatte', qaq saishet da 'ena'am som laỹepi nsoxoppiolec maye deque'etegueua'a na aloq so nta'a.

Daniel 1:15 Referans Kwoze

Éxodo 23:25

Nacherata da Aỹem qanatamñiitacot, Aỹem Nataxala' maye Qanatamnaxala'ai, yaqto' qami' sechoxonneque ca ỹotta'a't nallec qataq ca qaraquipi. Qataq aỹem seỹotauga qome nam nalolaxapi,

Mateo 4:4

Nache So Jesús ỹasateguet 'eeta': –Naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Saishet da nachaqacata aca nauole 'ayiiña da ỹa'añaqchet ca shiỹaxaua, nataqa'en iuen da ỹalaxaguet 'enauac na lamaxasoxonaxacpi Ñim Lo'onatac 'Enauacna.»

Proverbios 10:22

Da lchoxonnataxanaxa Ñim Nataxala' ỹo'ot da nsallaxa, damaye saishet da ỹo'ot ca naquicoxo.

Malaquías 2:2

Qami', da saishet da Aỹem qaualaqaiguet, qataq da saishet da huo'o ca 'enec qanqa'eñi da ỹe'enaxat, nache sauo'o ca qauem qami' taleguete. Qauem ñaqa'en dam qanchoxonnataguiiqui. Qaq masheye da qami' sasaxaleguete da qauem, cha'aye saishet da ỹataqta 'eesa da huo'o naq 'enec qanqa'eñi Aỹem.» Qaq 'era da la'aqtac Ñim Nataxala' maye Qaica ca Ỹaqalanapec.

Hageo 1:9

Qami', lta'araic da qarmitaxanaxaqui, qalaxaye saq 'amaqtaq ca qauanachiỹa; qataq nam qauaỹamaxache maye qauachiỹaigui ca qarmaye, qalaq sauota'a na ỹa'at da sequetetec. ¿Ta'ainco'? qomye souaxat da ñi ima' ỹataqta nlatañi, qaq qami' qalaq nda'a't da qarhuogoqoi da qauo'ocheeta'ape naua qarma'achilli'. Qaq 'era da ỹa'aqtac Aỹem Nataxala'.

Hageo 1:6

Qami' ỹataqta qalota qome ca qa'añiguishequi, qalaxaye saq 'amaqtaq cam ala maye qanqachi; qataq qauqui'iitac, qalaxaye saishet da qami' comaraxaiqa; qanỹomiitac, qalaxaye ñaq 'eetalec da huo'o na qaraquipi; qaỹa'añiiñi na sansatta nogoxot, qalaq saishet da qami' napaqre'c, qataq ca do'onataxaatac qalaq qaica ca naigui aca lasheue da lo'onataxanaxac.

Salmos 37:16

Na saq 'amaqtaq lalamaxat ca ỹale no'on da lataxac, namaye ỹataqta 'onaxaic, qaq saq 'ena'am na qalota lsallaxa na qauemaicpi.

Daniel 1:14

Nache som ilotegueto soomaye ỹaỹamaxareeta de'era, nache ivittrec naqa'en soua diez na'axa'te da ỹe'egue'n soomaye.