Cantares 8:8 - La'aqtaqa Ñim Lo'onatac 'Enauacna 2013

⁸ Aso qarqaỹole ñaq na'asole qataq ñaq saxanaqcaua caua ltetel. ¿Chaq shenaqtec qome asomaye da ivita da qanaroneua'a?

Cantares 8:8 Referans Kwoze

1 Pedro 2:12

Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.

Salmos 2:8

Qaq aỹem 'auỹaxanot qome, nache 'am sanem na ỹotta'a't shiỹaxauapi da yaqto' 'aralamaxatpi, qataq ivira'alo qome naua loga'te ana 'alhua da 'am sanem da 'aralamaxat.

Hechos 22:21

Qalaxaye So Qarataxala' aỹem 'enapega, 'eeta': «'Aue qome, qojec, cha'aye ỹataqta qaỹoqtegue cam 'am samaxague, 'am samaxa qome nam saishet da judiopi.»

Hechos 16:9

Qaq huaña yemaye, nache so Pablo huo'o so lauanaqchec se'eso pe. Iloto'o' so ỹale maye naña ye 'alhua Macedonia. Somaye nachattañi, nache nachoxoreetacot somaye, 'eeta': «Ña 'ananaitactaxa na Macedonia, nache qomi' 'autaua'n.»

Hechos 10:1

Qaq yem nỹecpi ye Cesarea, nache netaña so ỹale le'enaxat Cornelio. Somaye lta'a na huataxanaq maye Roma le'ecpi, nache ilotague' som cien huataxanaqpi maye qaỹamata'ac chegaqa'ague da Italia.

Hechos 7:38

Qataq nacheso so Moisés som huetaigui som hua'au qarta'alpi co'ollaq huaña so toolec 'alhua. Qataq nacheso so detaqtague' so lamaxashec piguem le'ec Ñim Lo'onatac 'Enauacna co'ollaq huaña aso qaỹoqotcheguemec 'alhua le'enaxat Sinaí, qataq hueta'aguet som hua'au qarta'alpi. Qataq nacheso so ỹaconeguet co'ollaxa da na'aqtac maye chegaqaigui da nca'alaxa, da yaqto' qomi' ỹanema.

Juan 10:16

Nataqa'en huo'o anam ilopi qaguetapi maye saxanaxa da ỹalectaigui anam netaigui ana'ana laỹe', anamayepi iuen nataqa'en da ñauegueuo. Qaq anamayepi qome ỹataqta Aỹem ỹalaxaguet. Huaña, nache ishet da 'oonolec ca laponqa'. Ime, nache Aỹem 'oonolec da seuattague'.

Lucas 19:44

Nache qami' ilaxachiguilo ỹataqta qami' nmatchiyiñi. Saishet da huo'o ca 'oonolec da nachattañi na coma'pi maye qarpaqtaxanaxache. Qataq 'enauac da qoñiita qaullivi, qataq qanque'etaxañiigui 'enauac de'era, cha'aye saishet da qaua'amaqchiñi da Ñim Lo'onatac 'Enauacna Aỹem namaq da qami' ñeca'alaxatrec.

Ezequiel 23:33

qataq nlaqchigui da ntaxa qataq da qui'ic. Asa'aso ỹomaxaqui lalamaqte aso 'arqaỹa Samaria, asom 'am itaqchet qome qataq ỹo'ot qome da 'anqui'ic.

Ezequiel 16:61

Qaq qom 'am sanem da 'eeta'am aca 'aỹa'ale aso 'arqaỹa ỹe, qataq aso 'arqaỹa na'asa, qaq na'aictaxa da som qanaỹamaxataxac saishet da Aỹem ỹamaqtalec da so'oteque de'era soomaye, qaq huaña qome nache tachigui 'arhuel som hua'au 'arataxac, nache huo'o da 'ara'agaxa.

Ezequiel 16:46

Da sheu' qalaq neta'ague añi 'arqaỹa ỹe, maye nacheye yem huaqta'a't nỹecpi ye Samaria, qataq 'enauac nam salamai' nỹecpiolec maye coleesop yemaye, qaq da taguiñi qalaq neta'ague añi 'arqaỹa na'asa, maye nacheye yem huaqta'a't nỹecpi ye Sodoma, qataq 'enauac nam salamai' nỹecpiolec maye coleesop yemaye.

Ezequiel 16:7

Nache Aỹem, so'ot co'ollaxa da 'anañaxat qoneta'am aca qo'oipaq maye netalec na no'onaxa. Qaq huaña nache 'anquictasheguem, nache 'avira'a da 'am late'erai, qataq 'avira'a da ỹoqta 'am 'alo. Qataq yo'o'q naua 'artete, qataq ñaxat ana 'araso, qalaxaye ñaq 'eetalec da qouetauec.

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Cantares 8:10

Aỹem co'ollaxa sheeta'am ca mpaqtaxanaxat, qalaxaye nagui naua itetel qalaq 'eeta'ama caua nalloxolatel. Qaq so ỹauotaxat ỹo'ot da ỹataqta samachiguiñi.

Cantares 7:3

Naua 'artetel 'eeta'ama caua dos ñi'imshe llalole huayaye.

Cantares 4:5

Naua 'artetel ñaq qapiole 'eeta'ama caua dos huayaye ñi'imshe llalole, da deque'eta'ape nache ỹalectaiguilo ana lauoxo ana huoue.

Cantares 8:9

Qaq asomaye taxa da lpaqtaxat na huaqta'a't nỹecpi, nache ño'oxonaxasheguem taxa ca nma' lta'araic chegaqaigui na lcat plata, qaq taxa da lasom asomaye nache llapaxasoxoua'a na qo'oipaq cedro.