Cantares 8:6 - La'aqtaqa Ñim Lo'onatac 'Enauacna 2013

⁶ Ỹataqta huetaigui qome 'anqa'en da 'arquiyaqteỹaxac da 'arhuennataxac da sheeta, qataq ỹataqta 'eeta'am da 'erelec na 'arhuaq. Da qarauotaxanaqtaic qaica ca npaxateguet, 'eeta'am da nleuaxa, da nqopitaxanaqtaic saishet da 'am ỹaxanec, 'eeta'am ca nleuqa'. ¡Da la'añaxac da nauotaxanaqtaic 'eeta'am ca chegaqasheguem saqcha'a norec!

Cantares 8:6 Referans Kwoze

Apocalipsis 12:11

Cha'aye da l-leuaxa Ñi Qagueta Llalec, qataq da na'aqtaguec Ñimaye, nachera da iqallem. So qarqaỹañicpi saishet co'ollaxa da ñe'etac, nachaqrata da ỹan da nachaalataxac da qaỹalauat.

Isaías 49:16

Aỹem, shettalec da 'are'enaxat na ihuaq lauel, qataq nache 'eetai' da saishet da secoua'ai nam 'arpaqtaxanaxatpi.

Hageo 2:23

Qaq que'eca na'a'q 'am Zorobabel, maye 'am ỹamaxashec, ỹataqta 'am ñetela'a qome, 'am 'eeta'am ñaqa'en añi ñechiguishaqte maye ỹa'anaxanaqte, cha'aye 'am lleca'aguishec co'ollaxa. Qaq 'era da ỹa'aqtac Aỹem Nataxala' maye Qaica ca Seqalanapec.»

Cantares 5:8

Qami' 'alpi maye qarma'ai na Jerusalén, aỹem qaỹa'añim ca qara'aqtaqui: qom qauloỹalec ca ỹauotaxat, qalaq ỹataqta qoñiỹapega qome da selem da lamaic da ỹoqopitaxanaqtaic.

Jeremías 22:24

Ñim Nataxala' 'enapega so Jeconías, som llalec so Joaquim, maye nta'a ye Judá 'eeta': «Aỹem san da ỹa'aqtac, da na'aictaxa da 'am qoneta'am aca chiguishaqte na'anaxanaqte, da netagui na aỹoic ihuaq, qalaxaye nache 'ena'am 'am ñeqat,

Proverbios 6:34

Cha'aye ca ỹale ca'alaxanaxaic 'eeta'am ca norec, sa dechoxonnataxan da ivita da ipalaique ca lvi',

Salmos 84:2

Ỹataqta huo'o da iyaxa qataq da ña'añaxataxac, da sauotaique da soota'a ye nqasoxoc añi atamnaxaqui maye 'aralamaqte. Qataq imauec da iquiyaqteỹaxac da so'onaxaato'ot, Ñim Lo'onatac 'Enauacna maye chegoqo'ot da nca'alaxa.

Deuteronómio 32:21

Namayepi ichoxoteua'a da seca'alaxan souaxat na atamnaxala'pi maye saq'en, qataq aỹem ỹayeloqchet souaxat na natamnaxala'pi, ¡qalaxaye aỹem nataqa'en sanem qome namayepi da deca'alaxana ca ỹaqa'a shiỹaxauapi, qataq denoỹa ñaqa'en ca shiỹaxauapi maye qaica ca ỹaỹaanapec!

Números 5:14

Qaq saiuena'a da choche deca'alaxaatac que'eca ỹale, da ica'altac aca lhua, ipi'itaxaatega da saỹalemaq, qalaxaye acamaye qaica ca lasouaxashet.

Hechos 21:13

Qalaxaye so Pablo 'enapec: –¡Saishet da qanỹiñiitac, cha'aye da nache qoñiita'ac de'era, nache aỹem qauaquicoqchichi! Aỹem ỹataqta sauotec So Qarataxala', qaq ỹoqo'oye aỹem lhuotta. Qaica ca shectega da aỹem qaicoñe', qataq na'aictaxa da seleualec Somaye da huaña ye Jerusalén.

Salmos 120:4

Qomye 'am qairolec qome aca ỹataqta shetteguet lchecna ca loquiaxaic, maye 'eeta'am aca 'ettaigui lpoqo aca retama.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

2 Corintios 11:2

Cha'aye aỹem huo'o da 'eco' ica'alaxanaxac da qoñiita. Qalaxaye de'era ica'alaxanaxac, damaye chegoqtot Ñim Lo'onatac 'Enauacna. Cha'aye aỹem sauotaique da qami' saronaxanaxanegueta So Cristo, qataq sauotaique da qami' sachaxaneua'alo Somaye, da 'eeta'am ñaqa'en aca qa'añole maye saxanaxa da huaron, da huaroneguet ca 'oonolec ỹale.

Romanos 12:20

Qataq nataqa'en 'eeta': «Ca 'am ipa'agueetac, da huo'otaq iqouat, qalaq 'auquia'axan. Qataq da huo'o na laquip, nache 'anỹomaxan. Cha'aye da nache qonetec de'era, nache camaye saishet da ỹe'eguelaxa da 'am ipa'agueetac.»

Hechos 20:24

Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

Zacarías 3:9

'Am Josué, ña 'aumeten nam coma' maye 'am sataxanot, namaye siete naua laỹel. Qaq nache Aỹem qome da sauo'o ca serelec namaye. Qaq ime qome nache huaigui ñaqa'en ca 'oonolec na'a'q da sapalaxat na lasouaxashetpi nam netalec ne'ena 'alhua.

Proverbios 25:22

cha'aye da 'auo'ot de'era nache camaye ishet da na'agui 'anqa'en na lashec da la'aloxo, nache Ñim Nataxala' ỹauo'o da 'ansheetenaguec.

Números 25:11

«Da Finés, maye llalec so Eleazar, qataq laual so Aarón, damaye ỹo'ot da vi'iiguet naqa'en da ỹayeloxo maye talec na Israel le'ecpi, cha'aye damaye 'eeta'am Aỹem da sa sesheteguet da qanatamnot ca ỹaqa'a atamnaxala'. Qaq nachera damaye, da huo'omshe saishet da ỹataqta imeuo ñaqa'en namayepi.

Éxodo 28:21

Qaq que'eca coma'pi, nache ivi' doce, cha'aye ivi' doce soua llalqa so Israel. Qaq ñi 'oonolec ca coma'piolec huetalec na le'enaxatpi se'eso nhuo' le'ecpi, 'eeta'am ana na'anaxanaqte.

Salmos 63:1

'Am maye 'Aro'onatac 'Enauacna, maye 'am Ñatamnaxala', ỹataqta huo'o da iyaxa da 'am ñimitaique, cha'aye ỹataqta huo'o da iuennataxa da qoneta, qataq 'enauac da ñachaalataxac 'am iuen, 'eeta'am ca 'alhua daqaqta maye iuen ca 'etaxat.

1 Crónicas 11:18

Qaq huaña nache se'esoua tres 'añaxaiqa, huenoxotraua'a so lanataqa' so filisteopi, nache nqatsheguem so 'etaxat ỹachegoxotrangui aso nshere maye naña ye ñegueuo ye Belén, nache ira'alo so David. Qalaxaye so David saishet da nỹomgui somaye, nacherata da icorec da yaqto' lachetaqtaxanaxat da ỹanot Ñim Nataxala',