Cantares 8:5 - La'aqtaqa Ñim Lo'onatac 'Enauacna 2013

⁵ ¿Chaq negue't ana chegoqtelec na toolec 'alhua, hua'aqtalec na lallac na lauotaxat? Hua'asop aso nañiguishe manzano da sa salemaxat na 'aro'ochaxa, yem huaña caillaye da aso 'arate'e nanomteguet da naỹallaxa, nache huaña co'ollaxa da 'am ñiguiñi.

Cantares 8:5 Referans Kwoze

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Isaías 40:3

Huo'o so na'alaxac 'eeta': Qauqataxañeetai' ca nqa'aic maye taalec ye toolec 'alhua da yaqto' llec qome Ñim Nataxala' qauauo'oi ca 'eetegue nqa'aic maye taalec yem qaica ca ñaxaalec 'alhua da yaqto' llec Ñim Qanatamnaxala'.

Cantares 2:3

So ỹauotaxat da ỹalectaigui na laỹe ỹalleppi, nache 'eeta'am ana qo'oipaq da huo'o ana ala da ỹalectaigui ana laỹe huauec qo'oipaqpi. Ỹataqta 'onaxaic ñaqa'en da ñeso'oto'ot na lpaqal, qataq ỹataqta ñaman ana ala.

Salmos 63:8

'Enauac da ñachaalataxac 'am hueto'ot, na 'oiguishec 'arhuaq qalaq nache 'eetai' da aỹem nasoqtañi.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

Cantares 6:10

¿Negue't ana'ana cha'aguet nnoxotcheguem maye 'eeta'am añi chi'ishe da nte'eta, qataq 'erangui 'eeta'am ñi ca'agoxoic, qataq da llo'oxoyec 'eeta'am ana huaqaañipi?

Cantares 3:4

Qaq can choche sheca'ai somayepi, nache sanata som lauotaxat da ñachaalataxac. Nache sacona na lhuaq somaye, nache saishet da saxanec, nache sauegueua'a ye lma' aso ỹate'e, yem lo'ochaqa' asomaye, nache huaña da ỹataqta ỹalamaxat.

1 Pedro 1:21

Chegoqchigui So Cristo da qami' qaua'amaqchiñi Ñim Lo'onatac 'Enauacna, ñim ỹe'eguelaxalec da nca'alec naqa'en Somaye, nache ỹami' da llo'oxoyec da lo'onataxanaxac. Qaq ỹoqo'oye qami' qauacheeto'ot da qanaquitaxaqui Ñim Lo'onatac 'Enauacna qataq ỹataqta 'itchiguiñi qanqa'eñi da Ñimaye qami' ỹanema cam qami' ỹachaxanapeguema.

Juan 13:23

Qaq huo'o so 'oonolec soua lapaxaguenataqa So Jesús, som ỹataqta nauochaxaua, qaq somaye nache netaua'a na laỹe da lquia'axaua.

Oseas 12:4

Nalaqaatague' co'ollaxa somaye, nache ivira'a da nauec, huaña, nache nỹeeto'ot qataq nachoxoreetacot somaye da ichoxoren. Qaq huaña ye Betel nache Ñim Lo'onatac 'Enauacna nauane' somaye, qaq huaña yemaye nache detaxaỹapegue' somaye.

Jeremías 2:2

«Qojec qome, nache 'aua'aqtaxanem na hueta'a ye Jerusalén, qoneta': Da la'aqtac Ñim Nataxala' 'eeta': ‹Aỹem seuennate 'am, qataq da 'aralaxayec co'ollaq saxanaxa da 'am ỹe, qataq da 'arauotaxanaqtaic maye 'eeta'am aca auonaxaua co'ollaq aỹem 'auca'attague' da qoquetalec ye toolec 'alhua qataq yem 'alhua maye qaica ca ñaxaalec›»,

Isaías 43:19

Qaq Aỹem, huo'o ca so'ot dalaxaic, nache qauauañiichigui nagui da yo'oq camaye. Sauo'o qome ca nqa'aic, taalec ye toolec 'alhua qataq so'ot ca tala ye 'alhua maye qaica ca ñaxaalec.

Cantares 8:1

¡Qaico' co'ollaxa da maiche 'am ỹaqaỹa, llaqtac naua lche' aso ỹate'e! Yaqto' da huo'o ca huaña da 'am ñatena'aguet na nqa'aic, nache ỹataqta 'am ñapigoxoi' qataq qaica ca aỹem ỹe'eetac.

Cantares 3:11

Qami' 'alpi maye qarma'ai na Sión, ¡ña qampa'aiuec qome qaualliguet na nta'a Salomón! ¡Ten mashe qoỹanaxanaxangui ana naro'o da nta'a, maye lo'onata aso late'e co'ollaq ivita so na'a'q da huaron, so na'a'q maye ỹataqta machiguiñi da lquiyaqteỹaxac.

2 Crónicas 32:8

Namaye nteetacot da la'añaxac nam ỹalleppi, qomi' qalaxaye ñetenaqtacot Ñim Nataxala' maye Qanatamnaxala', Ñim qomi' itaua'n da seloquiaxai' namayepi.» Qaq co'ollaq qaỹa'axaỹa da la'aqtac so nta'a Ezequías, nache so shiỹaxauapi nomteguet da la'añaxac.

Apocalipsis 12:6

Qaq asa'aso 'alo qalaq datauec, taỹa cam toolec 'alhua, qaq huaña da Ñim Lo'onatac 'Enauacna ỹami' ca lma' qataq ilo'ogue, iviraxattre'c caua tres vi'iye qataq ca laiñi ca lỹa vi'i.

Gálatas 4:19

Aỹem ỹataqta qami' sauoteque, qalaxaye da saxanaxa da qoñiỹa'am So Cristo, nache qauo'ocheetac da ñequi'ic, 'eeta'am da nqui'ic aca 'alo da huotaique da deco'o.

Romanos 7:4

Qaq nache 'eetec nataqa'en qami' ỹaqaỹarolqa maye qana'ayeetaua'a da lo'ocỹaxac So Cristo, chegoqchigui da l-leuaxa Somaye, qaq qami' mashe saishet da qami' huetaleguete da la'añaxac na namaxasoxonaxacpi. Cha'aye nagui mashe qami' lalamaqa'ate So Cristo, maye Ñim Lo'onatac 'Enauacna nca'alaxateeguesop da l-leuaxa. Qaq ỹoqo'oye qomi' ishet da so'onataxanaqot Ñim Lo'onatac 'Enauacna da so'otaq ca no'on.

Isaías 36:6

¡Aỹem sela'a da 'ape'etega ye Egipto da 'am itauan! Qalaxaye ye Egipto 'eeta'am aca coqta poxoỹaxai da huo'o ca ỹashel-lec, nache icolaxat qataq ỹapacaviigui na lhuaq. Qaq 'era da lataxac ñim Faraón, maye nta'a ye Egipto, da ique'emaqchet 'enauac nam pe'etega ñimaye.

Cantares 4:8

'Aỹala 'am ñauonaxaua, ña senotaxaueeguesop na pa'asheguem ye Líbano. Ña qolqa'ai qome ana lmilo ana qasoxonaxa ye Amaná qataq ye Senir qataq ye Hermón. Nache qolqa'ai na lauac na quiyoc qataq na lma' na sauaxaic.

Salmos 63:9

Qaq nam ỹauotaique da aỹem ỹalauat qalaq huañi qome, nache taigui na pa'aguiñi na 'alhua.