Cantares 8:2 - La'aqtaqa Ñim Lo'onatac 'Enauacna 2013

² Qataq nache ishet da 'am sauegueua'a ye lma' aso ỹate'e, nache 'eco' taxa da 'am ñapaxaguenaxala'. Nache aỹem 'am sami' na lli'i ana ỹañiguishe granadapi qataq da 'am ñeỹomaxangui na 'onaxaic lataxa.

Cantares 8:2 Referans Kwoze

Cantares 3:4

Qaq can choche sheca'ai somayepi, nache sanata som lauotaxat da ñachaalataxac. Nache sacona na lhuaq somaye, nache saishet da saxanec, nache sauegueua'a ye lma' aso ỹate'e, yem lo'ochaqa' asomaye, nache huaña da ỹataqta ỹalamaxat.

Cantares 7:12

Qaq da nte'etom nache saxauga ye lma' ana nañiguishe uvapi, da yaqto' semetenaq da mashe huo'o ana llaxataxa, qataq da mashe dasovi ana lauoxo, qataq da mashe huo'o ana lauoxo ana granadapi. ¡Nache huaña qome da 'am sami' da ỹauotaxanaqtaic!

Cantares 4:10

'Am ỹaqaỹole maye 'am ñauonaxaua. Ỹataqta huo'o da lamaic da 'arauotaxanaqtaic. Damaye napacalec da lamaic na lataxa, qataq na 'ancoraxat maye ama da laitaỹaxac, qataq 'enauac na laỹe 'amnaxatpi.

Gálatas 4:26

Qalaxaye aso Sara naigui da dalaxaic aỹamaxataxac, qaq ỹoqo'oye qomi' qaralamaxat ye Jerusalén maye hueta'ague da piguem, qomi' maye ỹataqta qomi' huesochiyiñi.

2 Timoteo 3:15

nataqa'en iuen da 'antoueeta'ac da co'ollaq ñaq 'am nogotolec, qaq nache 'eetai' da 'autaxaỹaxaata'ape naua ñiyigui'she la'aqtaqa Ñim Lo'onatac 'Enauacna, qaq naamaye nachenaua naua ivira'a naqa'en da 'am ỹaanaxanaxaic, da yaqto' 'auaỹaten da ỹoqta 'aupi'iỹa'a So Jesucristo, ime, nache 'anca'alec.

Juan 5:39

Qami' ỹataqta huo'o da qanaquitaxaqui da qanapaxaguiñeetegalo naua nanettrañi la'aqtaqa Ñim Lo'onatac 'Enauacna, cha'aye qaua'amaqchiñi da nache qoñiitec de'era, nache qami' taỹoto da nca'alaxa maye chochaq tatec. Qalaxaye ne'enaua na'aqtaqa maye nanettrañi, naamaye Aỹem ỹa'axatta'ape,

Cantares 7:9

Da lamaic na 'ap 'eeta'am na lataxa, da quigui na qorap qataq naua qarhue.

Proverbios 9:2

Ime, nache ỹalauat so na'atetpi da yaqto' ỹo'ot so lquia'axac qataq ỹauo'o so no'on lataxa, nache ỹaỹamaxaañi so lquia'axala',

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

2 Pedro 1:19

Qaq aỹem ỹataqta 'eesa ñaqa'en de'era la'aqtaxanaxac Ñim Lo'onatac 'Enauacna maye ỹa'axattac co'ollaxa so la'aqtaxanaxanecpi Ñimaye. Qaq ỹoqo'oye qami' ñachoxoreetoiguilo da ỹataqta qana'axaỹaxañiỹa de'era na'aqtaxanaxac, cha'aye damaye nachera da qami' da'aqtaxanema da 'eetec da qanachaalataxaqui, choche ivitta'a que'eca na'a'q qom ñe'eguelaq So Cristo, nache naralaxat da qanachaalataxaqui.

Cantares 8:1

¡Qaico' co'ollaxa da maiche 'am ỹaqaỹa, llaqtac naua lche' aso ỹate'e! Yaqto' da huo'o ca huaña da 'am ñatena'aguet na nqa'aic, nache ỹataqta 'am ñapigoxoi' qataq qaica ca aỹem ỹe'eetac.