Cantares 8:12 - La'aqtaqa Ñim Lo'onatac 'Enauacna 2013

¹² Ana'ana mil anom plata 'am qoỹami' Salomón, qaq ana doscientos qalaq qoỹami' na ilotague' na nañiguishe lma', qalaxaye aỹem maiche selotague' ana maiche ỹañiguishe lma'.

Cantares 8:12 Referans Kwoze

Cantares 1:6

Saishet qome da qaualleetagui da ỹaueraxa, na'aictoxo' da ỹavigaxat na ỹo'oc añi nala'. So ỹaqaỹañicpi aỹem dalemataỹa co'ollaxa nache aỹem ỹamaxalec da selo'ogue so nañiguishe uva lma'pi, ¡qaq nache secoua'ai da selo'ogue ana maiche ỹañiguishe!

1 Ts 2:19

Huo'o da qaryaxa da qami' ñauanaxato, cha'aye So Qarataxala' qom ñe'eguelaq, nache qomi' iỹaxanoto qome da sanaxaua'a da qaro'onataxanaxac, nache qomi' qome huo'o da qana'amqaanaxac, qataq da qantonaxac souaxat da qaro'onataxanaxac da qoñiita.

2 Corintios 5:15

So Cristo qomi' ileualeguete, ỹoqo'oye nagui saishet da maiche qaralamaxat da qanachaalataxac. Nachaqrata da lalamaxat Somaye, maye ileu co'ollaxa qataq nca'aleeguesop da nleuaxa da yaqto' qomi' ỹanema da nca'alaxa.

1 Corintios 6:20

Cha'aye Ñim Lo'onatac 'Enauacna co'ollaq qami' nca'alaxatre'c, nache qami' desheenaxanalo, qaq aso lasheue co'ollaxa da qami' desheenaxanalo ỹataqta late'erai. Ỹoqo'oye iuen da ỹataqta qaumachiỹo'ot Ñim Lo'onatac 'Enauacna da qaro'ocỹaxaqui da qavio'oxoyiñi, yaqto' Ñimaye huo'o da ntonaxac.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Proverbios 4:23

Qataq ỹataqta 'antela'a da 'antoonaxac, cha'aye damaye qaica ca lỹa 'eeta'am, damaye nache chegaqaigui da achaalataxac.

Proverbios 27:18

Ca ntela'a aca higo lcheyec camaye chec qome ana ala acamaye, qataq ca ntela'a ca na'aco' camaye huo'o da ño'oxonnataguec.

Cantares 2:3

So ỹauotaxat da ỹalectaigui na laỹe ỹalleppi, nache 'eeta'am ana qo'oipaq da huo'o ana ala da ỹalectaigui ana laỹe huauec qo'oipaqpi. Ỹataqta 'onaxaic ñaqa'en da ñeso'oto'ot na lpaqal, qataq ỹataqta ñaman ana ala.

Cantares 8:11

So Salomón huo'o co'ollaxa so maiche lañiguishe lma' naña ye Baal Gamón. Nache huo'oi soua ỹanema da iloregue se'eso nañiguishe lma', qaq naxa da ivita ye laloxoqui da qanqat ana ala somaye, nache qoỹami' ñi 'oonolec somayepi ana mil anom plata.

Cantares 8:13

¡Ñaq aỹem 'aua'aqta'a da sa'aqtega da 'arvilỹaxac 'am maye qoneta'am na nañiguishe lma'! ¡Na ỹaỹepi iuatta'a da 'am na'axaỹaxana!