Cantares 8:10 - La'aqtaqa Ñim Lo'onatac 'Enauacna 2013

¹⁰ Aỹem co'ollaxa sheeta'am ca mpaqtaxanaxat, qalaxaye nagui naua itetel qalaq 'eeta'ama caua nalloxolatel. Qaq so ỹauotaxat ỹo'ot da ỹataqta samachiguiñi.

Cantares 8:10 Referans Kwoze

Lucas 1:30

Nache se'eso namaxashec 'enapeco': –María, 'am saishet da 'añi'i, cha'aye Ñim Lo'onatac 'Enauacna ỹataqta 'am tatelec da lqouagaxanaqtaic.

Ezequiel 16:7

Nache Aỹem, so'ot co'ollaxa da 'anañaxat qoneta'am aca qo'oipaq maye netalec na no'onaxa. Qaq huaña nache 'anquictasheguem, nache 'avira'a da 'am late'erai, qataq 'avira'a da ỹoqta 'am 'alo. Qataq yo'o'q naua 'artete, qataq ñaxat ana 'araso, qalaxaye ñaq 'eetalec da qouetauec.

Isaías 60:10

Qaq nam shiỹaxauapi maye chegaqauec nachena qome nam no'oxoosheguem na 'arpaqtaxanaxatpi, qaq na lta'alpi namayepi qalaq 'am do'onataxanot qome, qaq na'aictaxa da 'am iuaxan co'ollaxa Ñim Nataxala' souaxat da layeloxo, qalaxaye nagui 'am ichoxoren souaxat da lsoxoyec.

1 Timoteo 1:16

Qalaxaye ñaqaiyeta Ñim Lo'onatac 'Enauacna aỹem ichoxoren, cha'aye Ñimaye nshetaique da aỹem la'auaxanec da do'onataxana naqa'en So Jesucristo da ỹachaxana na shiỹaxauapi da lhualaxavic lta'araic. Cha'aye ỹauotaique da aỹem naloqnaxanaxat, yaqto' ca shiỹaxaua ishet da ỹa'amaqten So Jesús, qataq ỹaconeguet da nca'alaxa maye choche tatec.

Cantares 4:5

Naua 'artetel ñaq qapiole 'eeta'ama caua dos huayaye ñi'imshe llalole, da deque'eta'ape nache ỹalectaiguilo ana lauoxo ana huoue.

Proverbios 3:4

Yaqto' 'am huetalec da lqouagaxanaqtaic Ñim Lo'onatac 'Enauacna, qataq no'on da 'ana'aqtaguec da 'aualectaigui nam shiỹaxauapi.

Génesis 6:8

Qalaxaye Ñim Nataxala' nachesota so Noé da ỹaỹamaxareeta co'ollaxa.

Efesios 1:6

Ñim Lo'onatac 'Enauacna ỹo'ot 'enauac de'era da yaqto' sho'oxorenaq dam lta'araic qataq ỹo'oxoraq lsoxoyec. Qaq ỹoqo'oye huo'o da qana'achecỹaxac souaxat da lta'araic lsoxoyec qataq qomi' ỹanema da qarca'alaxa, ỹachegoxotchigui so lauotaxat Llalec.

Cantares 8:11

So Salomón huo'o co'ollaxa so maiche lañiguishe lma' naña ye Baal Gamón. Nache huo'oi soua ỹanema da iloregue se'eso nañiguishe lma', qaq naxa da ivita ye laloxoqui da qanqat ana ala somaye, nache qoỹami' ñi 'oonolec somayepi ana mil anom plata.

Cantares 4:4

Na 'arqosot logoraic qataq 'onaxaic, 'eeta'am aso lalloxolate so nta'a David, maye qano'oxoosheguem da coleesop na llo'oxoraxat coma'. Nache ntaxattañi ana llo'oxoraqtepi 'eeta'am ana ntaxattañi lpaqtaxanaqtepi na qalota 'añaxaicpi.