Cantares 8:1 - La'aqtaqa Ñim Lo'onatac 'Enauacna 2013

¹ ¡Qaico' co'ollaxa da maiche 'am ỹaqaỹa, llaqtac naua lche' aso ỹate'e! Yaqto' da huo'o ca huaña da 'am ñatena'aguet na nqa'aic, nache ỹataqta 'am ñapigoxoi' qataq qaica ca aỹem ỹe'eetac.

Cantares 8:1 Referans Kwoze

Gálatas 4:26

Qalaxaye aso Sara naigui da dalaxaic aỹamaxataxac, qaq ỹoqo'oye qomi' qaralamaxat ye Jerusalén maye hueta'ague da piguem, qomi' maye ỹataqta qomi' huesochiyiñi.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Lucas 2:38

Qaq co'ollaq ime da la'aqtaxanaxac so Simeón, nache aso Ana nquigueuo, nache chegoqchiguiña da ỹo'oxoreetac Ñim Lo'onatac 'Enauacna, qataq ỹa'axattac se'eso nogotolec Jesús, da'aqtaxaatapeguem 'enauac nam iuattaique da Ñim Lo'onatac 'Enauacna huesochiguiñi naqa'en na hueta'a ye nỹecpi le'enaxat Jerusalén.

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Hageo 2:7

Qataq cholaxan ñaqa'en 'enauac na ỹotta'a't shiỹaxauapi, huaña qome nache namayepi ndouo 'enauac da lsallaxa, nache añi atamnaxaqui maye ỹalamaqte ỹataqta nlaqchigui qome da llo'oxoyec.» Qaq Ñim Nataxala' maye Qaica ca Ỹaqalanapec 'enapec:

Isaías 60:14

Nam llalaqpi na 'am ipataqta'a't co'ollaxa, qalaq 'am naỹa qome da yaqto' 'am nmanot, qataq 'enauac na 'am ỹo'otaatac co'ollaxa 'am ỹa'aroto qome naua l-llecte, nache da 'am detaxaỹa qome qalaq, 'eeta': ‹Nỹecpi maye lalamaxat Ñim Nataxala'›, ‹Sión maye lalamaxat Ñim Qui'itta Natamnaxala' na Israel le'ecpi.›

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Gálatas 6:14

Qalaxaye aỹem, nachaqrata da huo'o da ña'amqaanaxac souaxat da sa'amaqten da l-leuaxa So Qarataxala' Jesucristo. Ỹoqo'oye huo'o da ña'achec, cha'aye de'era l-leuaxa Somaye, chegoqchigui da naua lhuennataxaco maye qauema nam huetalec ana 'alhua mashe saishet da seqochetega; cha'aye ana'ana 'alhua 'eeta'am ñaqa'en da mashe seleu.

1 Corintios 1:28

Qaq nam qaỹamata'ac da qaica ca la'añaxac qataq na nqaigaxat qataq na qaica ca qoỹanapoigui, nachena na lca'aguishecpi Ñim Lo'onatac 'Enauacna yaqto' nam 'eetega 'amaqtaqaicpi maiche nauattoola't da qaica ca la'amaqchec. Qaq de'era 'eetec Ñim Lo'onatac 'Enauacna damaye ỹa'axat namayepi da ỹataqta qaica ca naigui,

Juan 16:28

Aỹem sachegoqtot co'ollaxa Ñim Ita'a da ñanaỹa ana 'alhua, qaq nagui qalaq Aỹem sheca'ai ana 'alhua da she'eguelaxa Ñimaye.

Juan 8:42

Nache So Jesús 'enapega somayepi, 'eeta': –Da ỹoqta 'eesactaxa da Qarta'ai Ñim Lo'onatac 'Enauacna, nache qami'ctaxa ỹataqta Aỹem qauauochec. Cha'aye Aỹem nache sachegoqtot Ñimaye. Aỹem saishet da maiche ñallegoxottela't da ñanac, cha'aye Ñim Lo'onatac 'Enauacna maye Aỹem namaq.

Juan 3:13

Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Lucas 18:9

Qaq souaxat nam ipi'itaxaatega da no'on shiỹaxauapi qataq ỹo'otan ca lỹa, nache So Jesús qaltaq ỹauo'o da daloqnaxana, 'eeta':

Lucas 12:8

Da qami' qaua'aqtaxañim na laỹepi shiỹaxauapi da Aỹem qoquiitague', nache Aỹem Shiỹaxaua Llalec, sa'aqtaxanem na lamaxashecpi Ñim Lo'onatac 'Enauacna da 'eesa da Aỹem qoquiitague'.

Lucas 10:16

Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

Lucas 9:26

Da huo'o ca Aỹem ncoxolec qataq da ỹapaxaguenataxanaxac, nache Aỹem Shiỹaxaua Llalec nataqa'en ñecoxolec camaye, qom ivita da ñe'eguelaq da ñanactaigui da ỹa'añaxac qataq da la'añaxac Ñi Ita'a qataq nam qui'itta lamaxashecpi.

Cantares 1:2

¡Sauotaique da aỹem 'anapigoxoi'! Ỹataqta napacalec da lamaic na lataxa da 'arauotaxanaqtaic.

Salmos 51:17

Cha'aye ca nachetaqtaxanaxat maye 'auaỹamaxareeta da 'am qoỹanot nachera da saqcha'a nca'alaxa maye huo'o nque'eenaxac, 'Am Ñatamnaxala', 'am saishet da 'auo'otan aca nquiyaqte maye ỹataqta huo'o da nqui'ic.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

Cantares 7:13

Ana lauoxo ana mandrágoras mashe huaỹoxon da laitaỹaxac. Qaq ñi qarma' huetaña ana ỹotta'a't ala ana qo'oipaq maye ishet da qanallec, huo'o ana hua'auñi ala qataq ana dalaxai, seỹotauga da yaqto' 'aralamaqte, 'am ỹauotaxat.

Cantares 8:2

Qataq nache ishet da 'am sauegueua'a ye lma' aso ỹate'e, nache 'eco' taxa da 'am ñapaxaguenaxala'. Nache aỹem 'am sami' na lli'i ana ỹañiguishe granadapi qataq da 'am ñeỹomaxangui na 'onaxaic lataxa.