Cantares 7:5 - La'aqtaqa Ñim Lo'onatac 'Enauacna 2013

⁵ Na 'arqaic qalaq 'eeta'am ñaqa'en añi qasoxonaxa Carmelo. Na 'araue qashelec qataq tocalec da lo'oxoỹaxac, ana 'anamogue nache 'eeta'am da lcoñetegueshec ca nta'a.

Cantares 7:5 Referans Kwoze

Isaías 35:2

qataq ñaxatec qome ana lauoxo 'eeta'am ana nañiguishe lirio, qataq nlaxagui qome da ntonaxac qataq da lamaicỹaxac. Cha'aye Ñim Lo'onatac 'Enauacna ỹo'otec qome da ỹataqta huo'o da lyac 'eeta'am ye Líbano, qataq ỹataqta no'on 'eeta'am ye Carmelo qataq ye ca'amegue ye Sarón. Qaq huaña qome nache 'enauac na shiỹaxauapi da ila'a da llo'oxoyec Ñim Nataxala' qataq da la'amaqchec Ñim Qanatamnaxala'.

Cantares 4:1

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! Naua 'ara'ai'tolqa 'onaxaiqa 'eeta'ama caua qoto'olqa, naamaye 'eco' nqañoxottaiguilo na lapoxot na 'arqaic. Na 'araue 'eeta'am na laue ana quetaq lairaxai, maye parenaxaata'ague ana qasoxonaxapi ye Galaad.

Apocalipsis 1:14

Qaq na laue somaye qaica ca 'ena'am da lapagaxa, 'eeta'am da lapagaxa na qagueta laue, qataq ivira'a da 'eeta'am da lapagaxa ana aloñi. Qaq naua la'ai'te qalaq 'eeta'am na le'eraxa na norec.

Colosenses 2:19

Cha'aye namayepi saishet da na'attaua'a So Cristo som ilotague' 'enauac nam ỹa'amaqten qataq nquigaxattauec da la'añaxac. Somaye ỹami' na 'amqaanataxanaxaicpi 'enauac na iueetac, qataq ỹataqta na'atta't naqa'en namayepi, ipagaqchiichigui dam ỹoqta 'eetapeguec Ñim Lo'onatac 'Enauacna.

Colosenses 1:18

Qataq So Cristo nacheso so ilotague' na ỹa'amaqten Somaye qataq ỹami' da lca'alaxa. Somaye nacheso so nqaic, qaq nam 'amqaanataxanaxaicpi qaq nachera da lo'ocỹaxac. So Cristo nacheso so la'auaxanec 'enauac nam huo'o. Qaq ỹoqo'oye nacheso so la'auaxanec da nca'aleeguesop da nleuaxa, da yaqto' nachaqsota 'oonolec Nataxala'.

Efesios 1:22

Nache Ñim Lo'onatac 'Enauacna ipataxalec da ilo'ogue naqa'en 'enauacna So Cristo, qataq ỹanem da nachaqsota 'oonolec lataxala' naqa'en 'enauac na 'amqaanataxanaxaicpi.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Mateo 18:20

Cha'aye cam huetra'a caua dos, huo'otaq tres da qoñiita da na'aqtaxaatapiguilo da ỹe'enaxat, nache Aỹem soota'agueta caamaye.

Miqueas 7:14

'Am Nataxala', ña 'alo'ogue qome ne'ena 'aralamaxat nhuo' le'ecpi, anam 'aralamaqte qaguetapi maye ndauec da huetaigui na aviaq, maye coleesop na no'on 'alhua, qaq ña 'auauega qome 'anamayepi ye 'auaqpisat ye Basán qataq ye Galaad, 'eeta'am soua hua'au' vi'iye.

Cantares 5:11

Na lqaic qalaq 'eeta'am na ỹataqta no'on oro. Na laue nqotogoxoic qataq naue' 'eeta'am na teguesan laue.

Cantares 1:17

Qaq ana qo'oipaq piinopi, nache l-llecnaxanaxatpi ca qarma', qaq ana qo'oipaqpi ciprés, nache qarhuoyec.

Salmos 87:2

Ñim Nataxala' ỹataqta ỹauotec na ñegueuopi ye Sión, da lauoche napacalec na lma'pi so Jacob.

Salmos 68:24

'Am 'Aro'onatac 'Enauacna, maye Ñatamnaxala' qataq Ita'a, añi 'aralamaqte atamnaxaqui qailota'a na inoicchiguiñi shiỹaxauapi maye ỹo'oxoreetac da 'ayo'oxoyec.

Génesis 32:26

Qaq huaña nache se'eso shiỹaxaua 'enapego' somaye, 'eeta': «Aỹem 'axanec, ten mashe yaqta'a da yo'oxoñi.» Nache so Jacob 'enapeco': «Saishet da 'am saxanec, da saishet da aỹem 'auasaxalec ca 'archoxonnataxanaxa.»

Proverbios 5:19

acam 'eeta'am aca ñi'imshe maye huotaxanaqtaqai! ¡Acam nache 'eetai' da lauotaxanaqtaic! ¡Qataq nache 'eetai' da lauoche da qoneta!

Números 21:26

Qaq yi'iye nỹecpi ye Jesbón, nacheye ye netaña co'ollaxa so Sijón som lta'a so amorreopi. Somaye nacheso so deloctague' co'ollaxa so hua'auñi nta'a ye Moab, nache deuotaxanec ye na'alhua somaye, ivitta'a so tala Arnón.

Cantares 4:4

Na 'arqosot logoraic qataq 'onaxaic, 'eeta'am aso lalloxolate so nta'a David, maye qano'oxoosheguem da coleesop na llo'oxoraxat coma'. Nache ntaxattañi ana llo'oxoraqtepi 'eeta'am ana ntaxattañi lpaqtaxanaqtepi na qalota 'añaxaicpi.