Cantares 7:12 - La'aqtaqa Ñim Lo'onatac 'Enauacna 2013

¹² Qaq da nte'etom nache saxauga ye lma' ana nañiguishe uvapi, da yaqto' semetenaq da mashe huo'o ana llaxataxa, qataq da mashe dasovi ana lauoxo, qataq da mashe huo'o ana lauoxo ana granadapi. ¡Nache huaña qome da 'am sami' da ỹauotaxanaqtaic!

Cantares 7:12 Referans Kwoze

Cantares 6:11

Saigui qome ye lma' ana nañiguishe nogalpi, semeten da mashe nsala ana lauepi ana qo'oipaqpi na no'onaxa ca'amapega't, qataq mashe huo'o ana llaxataxa ana nañiguishe uvapi qataq ana lauoxo ana granadapi.

Efesios 6:24

Qaq Ñim Lo'onatac 'Enauacna, ỹanem qome ca no'on 'enauac nam saishet da ỹalat da lauoche So Qarataxala' Jesucristo.

2 Corintios 13:5

Qaq maiche qanmicheela't qome, yaqto' ishet da qauaỹaañita qom ỹoqta 'eesa da qaua'amaqchiñiitac So Cristo. Qaq ỹataqta qañe'egueñiila't qome, qaq qom qauañoxoche, nache ỹoqta 'eesa da qami' hueta'agueta Somaye. Qalaxaye da saishet da 'eesa da qaupi'iỹa'ai So Cristo, nache damaye ỹa'axat da saishet da qami' hueta'agueta Somaye.

Cantares 7:6

'Am 'onaxaale, qaica ca 'ena'am da 'aryacỹaxac ỹataqta qaica ca 'ena'am da 'arauotaxanaqtaic.

Salmos 122:5

Qataq nache 'am naña ye no'onataxanaqa' da qaỹo'ot da nalochiguiñi lataxac, qataq nache lo'onataxanaqa' na nta'alpi maye chegoxoguetpi so David.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

Hebreos 4:16

Qaq ỹoqo'oye da huo'o ca qarhuenaxanaxa, nache no'on da maiche sauoqo'o da qanaquitaxac da ñequigaxaua'a ca hueta'a Ñim Lo'onatac 'Enauacna. Qaq Ñimaye qomi' itaua'n, cha'aye ỹataqta soxoraic, qataq qomi' lauotaqa'ate.

Hebreos 2:15

Qaq de'era l-leuaxa Somaye chegoqchigui da huesoueeguesop da lcolanaxa da nleuaxa nam ñaq nca'altauec nagui.

Hebreos 2:13

Nataqa'en 'eeta': «Aỹem ỹataqta sepi'iỹa'a Ñim Lo'onatac 'Enauacna.» Nataqa'en 'eeta': «Soota'a ne'ena, sootangui na ỹalaqpi maye Aỹem ỹanem Ñim Lo'onatac 'Enauacna.»

Romanos 5:11

Nataqa'en Ñim Lo'onatac 'Enauacna qomi' ỹo'oteque da lta'araic da qaramaicỹaxac, cha'aye mashe souaqtaigui da nlagaxayec da sonaqto'ot Ñimaye, chegoqchigui So Qarataxala' Jesucristo.

Hechos 15:36

Qaq huo'o so na'a'q, nache so Pablo 'enapego' so Bernabé, 'eeta': –Qomi' iuen da qaltaq ñamaxasoqtega 'enauac na qarqaỹañicpi maye neta'alo naua lta'araicpi nỹecpi maye souaqta'alo co'ollaq da sa'axataqtac da no'on na'axaỹaxac, da yaqto' saỹaanaq da saqca ca da nam quetague' So Jesús.

Isaías 18:5

Cha'aye qom saxanaxa da ivita da qanqat aca ala ana uva, qataq qom mashe naañi aca lauoxo qataq mashe ỹe aca ala, qalaq hua'auñi qome da qaicheguec aca lcouepi qairota'a ca ỹeelonec, qaicheguec qome nache qaỹasaxauec.

Cantares 4:16

'Am la'at quenaquiaxaic, ¡ña 'anlouec! 'Am la'at nte, ¡ña 'auanac! ¡Ña 'auasheerelec ye ỹañiguishe lma' nache huaỹoxonec 'anqa'en na ama laitaỹaxac! ¡Anac qome ca ỹauotaxat da nauga ye lañiguishe lma', nache chec ana ala maye qaica ca 'ena'am da lamaic!

Cantares 2:15

Ña qauacoñiiua'a ana huaxaỹaxapiole, cha'aye huotaique nlaxaañi ana qorañiguishi uvapi maye mashe dasovitac.

Cantares 2:13

Mashe ỹe ana ala ana higo, qataq ana nañiguishe uva mashe huaỹoxon da laitaỹaxac ana lauoxo. ¡'Am ỹoqopitaqtole, qoñisheguem, qolaq!»

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Proverbios 8:17

Aỹem sauotec ca aỹem ỹauotec, qataq ca aỹem nmittaique aỹem ỹanata.

Salmos 73:25

¿Negue'tom ca neto'ot ñaqa'en na piguem? ¡Ye nache 'amta! Qaq da 'am sooto'ot nache qaica ca lỹa ñeqopittega ana 'alhua.

Salmos 43:4

Yaqto' ishet da seviraua'a aca nca'atoxonaxalate maye 'aralamaqte 'am maye Ñatamnaxala', huaña nache sauota'a aca ivique arpa da 'am sho'oxoreetac, cha'aye 'am Ñatamnaxala' maye 'anlaxatchigui da ñachaalataxac da ñetonaxac.

Éxodo 25:22

Qaq nache huaña qome camaxa da 'am ñauane'. Qaq ne'ena l-laq que'eca lapoxot maye datatraña que'ecaua dos ne'enaqtaqa maye huo'oi naua laua't, maye netralec aca laỹe' caua nqataxaco, camaye nache huaña da 'am saỹaanaxanaxanec 'enauac na ỹamaxasoxonaxacpi maye sami' na Israel le'ecpi.»

Cantares 4:13

Qataq qoneta'am ca nañiguishe lma' maye ñaxaalec ana granada maye qaica ca 'ena'am da lamaic ana ala, nañiguishe lma' maye nlaqtelec ana lauoxo ana alheña.

Cantares 7:11

¡'Aue, qolaq 'am ỹauotaxat, ñeqo'onaxauga na no'onaxa da qaro'ochaqa' sonaqtaigui ana lauoxo ana alheña!