Cantares 7:10 - La'aqtaqa Ñim Lo'onatac 'Enauacna 2013

¹⁰ Ỹataqta aỹem lalamaqte som ỹauotaxat. Da lqopitaxanaqtaic da sheeta ỹataqta aỹem naueguela't.

Cantares 7:10 Referans Kwoze

Salmos 45:11

cha'aye ñi'iñi nta'a ỹataqta nqopita da 'aryacỹaxac, qaq ñimaye nacheñi ñi 'arataxala', qaq no'on da 'aualaxaguet qome ñimaye.

Cantares 6:3

Aỹem lalamaqte so ỹauotaxat, qataq somaye ỹalamaxat. Somaye nqopita da ỹalectaigui ana lauoxo ana nañiguishe.

Cantares 2:16

So ỹauotaxat ỹataqta ỹalamaxat, qataq somaye aỹem lalamaqte. Da ilotague' ana lalo nache nqopita da ỹalectaigui ana lauoxo ana huouepi.

Gálatas 2:20

Cha'aye aỹem sogote nataqa'en da seleu, iỹatcheguem So Cristo co'ollaq qaiuaxaneguet so npe'enaxaqui. Qaq ỹoqo'oye nagui saishet da maiche ỹalamaxat da ñachaalataxac, cha'aye nacheso So Jesucristo som aỹem nachattaigui. Qaq nagui ñeca'altauec souaxat da ipi'iỹaxac som Llalec Ñim Lo'onatac 'Enauacna, cha'aye Somaye aỹem ỹauotec qataq nañaneguet da l-leuaxa da yaqto' aỹem nca'alaxatec.

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Salmos 147:11

Ñim Nataxala', ỹamaateguet cam huo'o naq 'enec naqa'en Ñimaye, qataq cam pi'iỹa'a da lta'araic lauotaxanaqtaic Ñimaye.

Da na'aqtaguec so Job 14:15

Qaq da aỹem 'aỹaxana, nache 'Am sasateguet qome, cha'aye 'anshetaique da 'aulo'ot nam lo'onatac naua 'arhuaxaye.

Hechos 27:23

Shecpe aỹem nachaxana so chegaqasheguem lamaxashec Ñim Lo'onatac 'Enauacna maye sooto'ot qataq so'onataxaatacot.

Cantares 7:11

¡'Aue, qolaq 'am ỹauotaxat, ñeqo'onaxauga na no'onaxa da qaro'ochaqa' sonaqtaigui ana lauoxo ana alheña!

Ezequiel 24:16

«'Am Ezequiel, Aỹem sacona qome asom 'arhua maye ỹataqta 'arauotaqte. Qalaxaye saishet qome da 'auaquico, qataq saishet da 'anỹen, saishet qome da 'aucolde'c naua 'arache'.