Cantares 6:8 - La'aqtaqa Ñim Lo'onatac 'Enauacna 2013

⁸ Ivi' sesenta ana ỹoqta lhuapi so nta'a, qataq ochenta ana ỹaqauga lamoxouapi, qataq qalota na qa'ampi.

Cantares 6:8 Referans Kwoze

Salmos 45:14

Qataq na no'on llo'oxoraxat naua alogo da qaỹauegueua'a ñi nta'a, nache ca'attaueegue na qa'ampi maye nauochaxauapi anamaye.

1 Reyes 11:3

Nache ivi' setecientos aso lhuapi maye llalepi so nta'alpi, qataq trescientos aso ỹaqauga lhuapi asom ỹashaxanec da lquiyaqteỹaxac somaye.

Salmos 45:9

Qaq ca 'aro'onataxanaqa' da 'am nta'a nache hueta'a ana llale na nta'alpi, qaq na pa'aỹa'ague na 'oic nache hueta'a aca nate'e, ỹaatañi ca no'otaxat maye chegaqaigui na oro.

1 Reyes 11:1

Qaq so nta'a Salomón, saishet da nachasota aso llale so faraón da lhua co'ollaxa, cha'aye huaroneguet nataqa'en aso qalota chegaqauec 'alpi, maye lma' ye Moab, Amón, Sidón qataq aso hitiitapi,

Apocalipsis 7:9

Qaq can ime de'era, nache aỹem sela'a so qalota shiỹaxauapi maye ỹotta'a't na chegaqa'a 'alhuapi, qataq ỹotta'a't da lo'oxoỹaxac, qataq ỹotta'a't naua la'aqtaqa. ¡Somayepi ỹataqta qalota, qaica ca ishet da naloqten! Qaq somayepi nachattaua'a ye hueta'a aso so'onaxaqui qataq So Qagueta Llalec, ỹaatrañi naua alogo lapagaxaiqa, qataq lasoqta'a ana chaic laue.

2 Crónicas 11:21

Qaq so Roboán, dieciocho aso lhuapi, qataq sesenta aso ỹaqauga lhuapi, qalaxaye somaye ỹataqta ỹauotec aso Macá, saishet da 'eeta'am da lauoche aso laỹepi lhuapi. Qaq somaye ivi' veintiocho so llalaqpi ỹalleppi qataq sesenta aso llalepi.

Cantares 1:3

Ỹataqta ama da laitaỹaxac na 'ancoraxat, qataq da qanasaxauec da 'are'enaxat nache 'eeta'am na coraxat da huaỹoxon na ama laitaỹaxac. ¡Ỹoqo'oye ỹataqta 'am nqopita na qa'ampiolec!