Cantares 6:4 - La'aqtaqa Ñim Lo'onatac 'Enauacna 2013

⁴ 'Am ỹoqopitaqte, 'am 'onaxaale qataq lta'araic da 'aryacỹaxac 'eeta'am ye huaqta'a't nỹecpi ye Jerusalén qataq ye Tirsa, qataq qoneta'am da llo'oxoyec ana huaqaañipi.

Cantares 6:4 Referans Kwoze

Cantares 6:10

¿Negue't ana'ana cha'aguet nnoxotcheguem maye 'eeta'am añi chi'ishe da nte'eta, qataq 'erangui 'eeta'am ñi ca'agoxoic, qataq da llo'oxoyec 'eeta'am ana huaqaañipi?

Salmos 48:2

Ỹataqta qaica ca 'ena'am da lyac ye lshequitcheguema añi qasoxonaxa Sión da huetaña na loga't da sheu', yemaye ỹo'ot da ntonaxac na netalec ana 'alhua. Yem lalamaxat nỹecpi ñim lta'araic Nta'a.

1 Reyes 14:17

Nache aso lhua so Jeroboán, ñisheguem co'ollaxa nache jec, taỹa ye Tirsa, qaq co'ollaq choche inoxoneua'a so lma' nache ileu so nogotolec.

Apocalipsis 21:2

Nataqa'en sela'a so dalaxaic nỹecpi ỹataqta qui'itta, som dalaxaic Jerusalén anacta chegoqo'ot na piguem maye hueta'a Ñim Lo'onatac 'Enauacna, se'eso nỹecpi sogote da 'enauac imeta, 'eeta'am da no'otaxac aca qa'añole da mashe huotaique da huaroneguet ca nauonaxaua.

Lamentaciones 2:15

Qaq da 'am ila'a nam quetague' so nqa'aic, nache iuaxaata'a't naua lhuaxaye da 'am ỹe'eetac. Yo'oxootagui, qataq iconnaxaatac na lqaic da le'enaxanaxac, da detaqtega nam huo'o da lyac Jerusalén qalaq, 'eeta'; «¿Peta'a nachena ne'ena, nam nỹecpi maye qaỹamata'ac qaica ca 'ena'am da lyac, nam ỹo'ot naxa da ntonaxac 'enauac nam netalec ana 'alhua?»

Cantares 4:7

¡Ỹataqta 'am 'onaxaale, 'am ỹoqopitaqte, ỹataqta ivirañi da 'aryacỹaxac, imauec da 'aro'ocỹaxac 'onaxaic! ¡Qaica da huo'otaq huo'o ca sa ỹaỹamaxañi!

Cantares 2:14

«'Am ỹalamaqte qoto'ole, ¡saishet da 'anqañoxottaigui na qaỹoqotcheguemec 'anqañoxotaqa'! Aỹem ñeshetaique da sela'a da 'arashiguiỹaxac, sauotaique sa'axaỹa da 'arvilỹaxac. ¡Ỹataqta samachiguiñi da 'am ñauane'! ¡Ỹataqta huo'o da lamaic da sa'aqtega da 'arvilỹaxac!»

Salmos 50:2

Ñim Lo'onatac 'Enauacna 'eroigui, chegoqchiguiña ye Sión na le'eraxa, yem huaqta'a't nỹecpi maye ỹataqta nalochiguiñi qataq 'onaxaic.

Efesios 5:27

Yaqto' qom ivita da nachaalataxaneuo Somaye na 'amqaanataxanaxaicpi, qalaq ỹataqta huo'o da lyacỹaxac, qataq qaica ca lshepaxanaxa, huo'otaq ca 'eco' lvigaxataxa, huo'otaq ca lỹa 'eeta'am de'era. Nachaqrata da ỹataqta qui'itta qataq nalochiguiñi.

2 Corintios 10:4

Cha'aye dam qaro'ogoxonaxat da huo'otaq seloquiaq, saishet da nachena na lo'ogoxonaxat nam shiỹaxauapi maye huetalec ana 'alhua. Cha'aye damaye nachera da la'añaxac Ñim Lo'onatac 'Enauacna, da yaqto' ishet da selaxataxagui nam ñe'eguenaxaquipi, nataqa'en nam mpa'aguenataxanaxacpi,

Zacarías 12:3

Qaq que'eca na'a'q, na Jerusalén 'eeta'am ñaqa'en ca qapa'atta coma' da talec 'enauac na ỹotta'a't shiỹaxauapi. Nache ique'emaqchet qome cam huotaique da nauaxaỹaxaasheguem. Qaq 'enauac na ỹotta'a't shiỹaxauapi, huaxaỹa't qome da dataỹa'aguet na Jerusalén,

Cantares 5:2

Aỹem so'ocheta, qalaxaye añi iquiyaqte saishet da do'oche. 'Eco' sa'aqtega so ỹauotaxat da deỹaxaatac, 'eeta': «¡Aỹem 'auauateguet, 'am ỹoqopitaqte ỹaqaỹole, 'am qoto'ole maye nalochiguiñi! ¡Ten na 'aỹa mashe ỹapapiaxatta na ỹaqaic! ¡Na 'aỹa maye anactañi da pe qalaq mashe queueegue na ỹaue nache ñettañi!»

Cantares 1:15

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! ¡Naua 'ara'ai'tolqa ỹataqta 'onaxaiqa 'eeta'ama caua qoto'olqa!

Cantares 1:5

Qami' 'alpi maye qarma'ai na Jerusalén, aỹem lairaxaale qalaxaye aỹem 'onaxai, da ỹaueraxa 'eeta'am da laueraxa na lpe'lpi na Quedar le'ecpi, da iyacỹaxac qalaq 'eeta'am da lyacỹaxac na lapoxonaxatpi so Salomón.

1 Reyes 15:33

Qaq co'ollaq mashe ivi' tres vi'iye da nta'a so Asá ye Judá, nache so Basá maye llalec so Ajías, ỹacoolec da lo'onataxanaxac da nta'a, huaña ye Tirsa, da ilo'ogue 'enauac so Israel le'ecpi, qaq nache ivi' veinticuatro vi'iye da nta'a somaye.

1 Reyes 15:21

Qaq co'ollaq ỹaỹaten de'era so Basá, nache ỹaxaañi da no'oxootapiguisheguem so lpaqtaxat ye Ramá, nache ỹe'eguelaxa ye Tirsa.

Salmos 48:3

Ñim Lo'onatac 'Enauacna, hueta'a ñim nma' lta'araic ye Jerusalén, Ñim Lo'onatac 'Enauacna nachaxan co'ollaxa da nacheñi ñim qaica ca 'ena'am da ñe'eguenaxala'.