Cantares 5:9 - La'aqtaqa Ñim Lo'onatac 'Enauacna 2013

⁹ 'Am maye ỹataqta 'anapacalec da lyacỹaxac na laỹepi 'alpi, ¿peta'a qaico' ca 'eeta'am lỹa ỹale que'eca 'arauotaxat? ¿Peta'a qaico' ca 'eeta'am lỹa ỹale que'eca 'arauotaxat ye ỹataqta qomi' 'anachoxoreetacoto da 'am sanaxam ca qara'aqtac?

Cantares 5:9 Referans Kwoze

Cantares 6:1

'Am maye ỹataqta 'anapacalec da lyacỹaxac na laỹe 'alpi, ¿chaq taigo' cam 'arauotaxat? ¿Chaq hua'ague ca taigue camaye? ¡Qolaq, 'am ñenaigaqapegue' ñimitaqaique camaye!

Cantares 1:8

Da huo'otaq sa 'auaỹaten de'era, 'am, maye ỹataqta 'anapacalec da lyacỹaxac na laỹepi 'alpi, qaq 'am qome, no'on da qoquetegue na lapia' lliguiñi ana nlopi, nache 'aulotague' ana 'arelo quetaqpiole huaña ca naloteuga na lma'pi na laỹe qagueta lo'opi.

Isaías 53:2

Ñim Nataxala' maiche lhuennataxa co'ollaxa da ñim lamaxashec 'eeta'am da lañaxataxac aca nañiguishe da saxanaxa da da'añi maye naua lpa'aye taiguilo cam deqaqta 'alhua. Nache qaica ca lyac qataq ca llo'oxoyec, da lataxac qalaq saishet da qaiqopittaua'a,

Salmos 87:3

¡Qaq 'am Sión maye 'am lalamaxat Ñim Lo'onatac 'Enauacna, ỹataqta huo'o da 'ayo'oxoyec da 'am qaitaqtega!

Salmos 45:13

Qaq ana llale ca nta'a mashe nnoxoneuo lỹateuo da lyacỹaxac, ỹaatrañi naua alogo maye chegaqaigui na oro.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Mateo 21:10

Nache So Jesús co'ollaq mashe inoxoneua'a ye nỹecpi ye Jerusalén, nache 'enauac nam shiỹaxauapi maye netaigui yemaye ỹataqta huo'o da le'elaxa. Nache qalota na denataxaatac, 'eeta': –¿Negue't de'era ỹale?

Cantares 2:7

Qami' 'alpi, maye qarma'ai na Jerusalén, qami' ñachoxoreetoiguilo souaxat ana ñi'imshepi qataq ana chegaxangopi maye huetauga na no'onaxa, da saishet da sa qaualemaxache da do'ocheta aye ỹauotaqte. ¡Qauaqaita'a da do'ocheta yaqto' maicheye da nlouec!