Cantares 5:2 - La'aqtaqa Ñim Lo'onatac 'Enauacna 2013

² Aỹem so'ocheta, qalaxaye añi iquiyaqte saishet da do'oche. 'Eco' sa'aqtega so ỹauotaxat da deỹaxaatac, 'eeta': «¡Aỹem 'auauateguet, 'am ỹoqopitaqte ỹaqaỹole, 'am qoto'ole maye nalochiguiñi! ¡Ten na 'aỹa mashe ỹapapiaxatta na ỹaqaic! ¡Na 'aỹa maye anactañi da pe qalaq mashe queueegue na ỹaue nache ñettañi!»

Cantares 5:2 Referans Kwoze

Apocalipsis 3:20

Aỹem sootaigui na 'anasom, seuaxaatega't naua ihuaxaye. Qaq da 'aua'axaỹa da iỹaxanaxac, nache da Aỹem 'auauateguet, qaq Aỹem senoxonoigui na 'arma'. Ime, qaq qomi' nquia'axau' qome.

Cantares 2:14

«'Am ỹalamaqte qoto'ole, ¡saishet da 'anqañoxottaigui na qaỹoqotcheguemec 'anqañoxotaqa'! Aỹem ñeshetaique da sela'a da 'arashiguiỹaxac, sauotaique sa'axaỹa da 'arvilỹaxac. ¡Ỹataqta samachiguiñi da 'am ñauane'! ¡Ỹataqta huo'o da lamaic da sa'aqtega da 'arvilỹaxac!»

Zacarías 4:1

Huaña, nache so namaxashec piguem le'ec, maye aỹem na'aqtaxaatague' ñe'eguelaq, nache aỹem nquetoxon, 'eeta'am da 'eetec da qanquetoxon ca do'ocheta, nache aỹem inat, 'eeta':

Cantares 6:9

Qalaxaye aso ỹalamaqte qoto'ole maye nalochiguiñi ỹataqta 'oonole, asomaye 'oonole ñale maye ỹataqta nauotaqte lauotaqte aso 'alo maye deco'oic. Qaq ana lhuapi so nta'a da ila'a asomaye nache ỹo'oxoreetac, ivira'a ana ỹaqauga lamoxouapi ỹataqta huo'o da llo'oxonnataxanaxa.

Salmos 119:1

Ỹataqta machiguiñi qome cam quetague' so no'on nqa'aic, cam ỹataqta queteguelo naua lqataxaco Ñim Nataxala'.

Mateo 8:17

Qaq 'eetec de'era, yaqto' ỹataqta ipacchigui dam ỹachaxanapec co'ollaxa Ñim Lo'onatac 'Enauacna maye ỹa'axat so la'aqtaxanaxanec le'enaxat Isaías co'ollaq, 'eeta': «Camaye nataren 'enauac na qaralolaxasat, qataq qomi' nca'alaxateeguesopa na qanque'eenaxaguesat.»

Isaías 52:14

Qaq dam 'eetec da qalota nam ỹa'aalac ñimaye, co'ollaq ỹauaachigui da sa nateneuo da lasheguiỹaxac, qataq deqat 'enauac dam lataxac cam shiỹaxaua,

Isaías 50:6

San na ilaq da yaqto' aỹem qaỹalaqan qataq sa'aqta'a da qanapo'c naua iqa' laue. Qataq saishet da seltaxaneguet na ỹashec nam aỹem isheueetac qataq nam aỹem nqaigoqto'ot.

Cantares 8:7

Na 'etaxat maye huetangui 'enauac ana auaxai saishet da ỹalamat de'era nauotaxanaqtaic, qataq na talapi saishet da imeuo naqa'en damaye. Da huo'o ca nshetaique da ỹaneguet 'enauac da lsallaxa da nmeneguet naqa'en de'era nauotaxanaqtaic, camaye ndotec da ne'enaguec ỹaconeguet.

Cantares 7:9

Da lamaic na 'ap 'eeta'am na lataxa, da quigui na qorap qataq naua qarhue.

Cantares 5:11

Na lqaic qalaq 'eeta'am na ỹataqta no'on oro. Na laue nqotogoxoic qataq naue' 'eeta'am na teguesan laue.

Cantares 4:9

'Am ỹaqaỹole, maye 'am ñauonaxaua, ỹataqta 'anaueguela't añi iquiyaqte, so choche 'oonolec da aỹem 'auamata'a, qataq can choche sela'a so lquet aso 'arqola.

Cantares 4:7

¡Ỹataqta 'am 'onaxaale, 'am ỹoqopitaqte, ỹataqta ivirañi da 'aryacỹaxac, imauec da 'aro'ocỹaxac 'onaxaic! ¡Qaica da huo'otaq huo'o ca sa ỹaỹamaxañi!

Cantares 3:1

Da ñenaatalec ye imala' da pe qalaq ñepi'itaxaataique so lauotaxat da ñachaalataxac. Ñimittaique qalaq saishet da sanata.

Cantares 2:10

So ỹauotaxat aỹem 'eetega, 'eeta': «¡'Am ỹoqopitaqtole, qoñisheguem, qolaq!

Cantares 2:8

¡Na ỹauotaxat mashe anacta! Namaye anactalec ana qasoxonaxapi, nparenaxaata'ague ana comarelecpi.

Proverbios 23:26

'Am ỹalcolec, ỹataqta aỹem 'aualaxaguet qome, qataq 'aulotelec da 'am sachaxana ỹecỹaxac,

Salmos 81:10

Aỹem, nachaỹem Nataxala' maye 'Anatamnaxala', maye 'am ñeqateeguesop co'ollaxa ye 'alhua Egipto, ñaq 'auauachigui na 'ap, nache ỹataqta 'am comaraxaic ñaqa'en.

Génesis 29:20

Qaq 'era da 'eetec da so Jacob do'onataxaalec co'ollaxa aso Raquel soua siete vi'iye. Qaq somaye 'eeta'am da saqaỹaleguete naqa'en soua vi'iye, souaxat da ỹataqta ỹauotec asomaye.

Apocalipsis 14:4

Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,

Apocalipsis 3:4

Qalaxaye na nỹecpi na Sardis huo'o na netaña shiỹaxauapi na saishet da ỹo'ottac na qauem. Qaq ỹoqo'oye namayepi Aỹem hueta'aguet qome, ỹaatrañi caua alogo lapagaxaiqa maye naigui da dauegaxan, qataq da qui'itta lataxac. Qaq namayepi ỹataqta taiguet da qoỹami'.

Efesios 5:14

Qaq ỹoqo'oye huo'o so deraxan co'ollaxa 'eeta': «'Am maye 'auo'ocheta, ña 'anlouec; qoñisheguem, qoca'ai nam leuaxaicpi, cha'aye So Cristo 'am icoỹarelec.»

Gálatas 2:20

Cha'aye aỹem sogote nataqa'en da seleu, iỹatcheguem So Cristo co'ollaq qaiuaxaneguet so npe'enaxaqui. Qaq ỹoqo'oye nagui saishet da maiche ỹalamaxat da ñachaalataxac, cha'aye nacheso So Jesucristo som aỹem nachattaigui. Qaq nagui ñeca'altauec souaxat da ipi'iỹaxac som Llalec Ñim Lo'onatac 'Enauacna, cha'aye Somaye aỹem ỹauotec qataq nañaneguet da l-leuaxa da yaqto' aỹem nca'alaxatec.

Juan 10:4

Qaq da ime da nqatec 'enauac ana lalopi qaguetapi, nache camaye hua'auta. Qaq anam qaguetapi nca'ataxaatauo, cha'aye anamayepi ỹauatton da lavilỹaxac camaye.

Lucas 22:44

Qaq co'ollaq mashe ỹaguec da nque'eenaxac, nache qaltaq nquigaxattec da na'añaxataxac da nqouagaxaunaxac, nache na nchelchaxa maye anactac, 'eeta'ama naua ntago'q da ñeeleguete na 'alhua.]

Lucas 9:32

Qaq so Pedro qataq soua lỹa't napaxaguenataqa mashe do'ochete'. Qalaxaye saqaỹaloq da nlorec, nache ila'alo So Jesús da huetaigui da llo'oxoyec, huaqta'ato so Moisés qataq so Elías.

Lucas 6:12

Qaq se'esoua na'axa'te So Jesús tasheguemec aso saqaỹoqotcheguemec 'alhua da yaqto' nqouagaxauen, nache imattec se'eso pe da na'aqtaxaatague' Ñim Lo'onatac 'Enauacna.

Marcos 1:35

Qaq co'ollaq ña qaỹata'aguet so na'a'q, nache So Jesús ñesheguem, nache tauga ca toolec 'alhua da nqouagaxauen.

Daniel 8:18

Qaq so ñaq aỹem da'aqtaxaateguem somaye, nache aỹem secopche, nache sootaiya', qalaxaye somaye aỹem ỹacoosop, nache aỹem nachalataxaañi,

Mateo 7:8

Cha'aye cam pi'iỹa'a Ñim Lo'onatac 'Enauacna, qalaq ỹaconeguet cam iỹaxanaique; qataq ỹanata cam nmittaique, qataq da deỹaxan qalaq qailo'oguet.

Cantares 1:16

¡Ỹataqta 'am 'onaxaicolec, 'am ỹauotaxat, ỹataqta 'am 'onaxaicolec! ¡Na darala 'auaqpi nache qaracanec!

Cantares 5:6

Sauatoigui so lasom da sauateguet so ỹauotaxat. Qalaxaye somaye mashe saq hueta'a yi'iye. Nache ỹataqta nlleuchiguiñi na ỹo'oc ỹasouaxat da mashe jec. Ñimittaique qalaxaye saishet da sanata, seỹaxaataique qalaxaye aỹem sa ỹasateguet.