Cantares 5:1 - La'aqtaqa Ñim Lo'onatac 'Enauacna 2013

¹ 'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Cantares 5:1 Referans Kwoze

Cantares 6:2

So ỹauotaxat mashe huetaigui na lañiguishe lma', ana lañiguishe maye ỹataqta ama da laitaỹaxac ana lauoxo. Qataq nqopita da nqapaxaataigui nam nañiguishe lma' nache napoctac ana lauoxo anamaye.

Cantares 4:16

'Am la'at quenaquiaxaic, ¡ña 'anlouec! 'Am la'at nte, ¡ña 'auanac! ¡Ña 'auasheerelec ye ỹañiguishe lma' nache huaỹoxonec 'anqa'en na ama laitaỹaxac! ¡Anac qome ca ỹauotaxat da nauga ye lañiguishe lma', nache chec ana ala maye qaica ca 'ena'am da lamaic!

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Proverbios 9:5

«Qauanaqui da sacheguenaq na anoq, qataq qanỹomiigui na no'on lataxa maye seqataxaatai'.»

Hechos 11:29

Nache nam 'amqaanataxanaxaicpi maye netaña ye Antioquía detaxaỹapigui da ỹauo'o aca ltaunaxanaqte da ỹamaxa so 'amqaanataxanaxaicpi maye netaña ye 'alhua Judea. Qalaxaye ñi 'oonolec ỹan cam nalota'ai' da ỹan.

Juan 3:29

Da huo'otaq huo'o ca naronaxac, qaq cam ỹataqta huaroneguet aca auonaxaua, nacheca cam nauonaxaua. Qaq cam nauochaxaua que'eca auonaxaua, camaye ỹataqta machiguiñi da choche hua'aqtega da lvilỹaxac. Qaq nache 'eetec nataqa'en nagui aỹem ỹataqta aỹem nlaqchigui da ñetonaxac, cha'aye ca Lca'aguishec Ñim Lo'onatac 'Enauacna mashe hueta'a ne'ena.

Lucas 12:4

Qami' ñauochaxau' ỹaqaỹa't, saishet da qayi'iitega na shiỹaxauapi maye ishet da nqat da qanachaalataxaqui, qalaxaye saishet da huo'o ca lỹa ỹo'ot.

Isaías 66:14

Qaq qami' qom qauloỹa'a de'era, nache ntonapigui' qome da qarquiyaqteỹaxaqui, qataq dam qaro'ocỹaxaqui dasovi qome 'eeta'am aca huoue da dasovi. Ñim Nataxala' ỹachaxan qome da la'añaxac qom ỹalectaigui na lamaxashecpi, qataq ỹachaxan qome da lalemataic qom dataỹa'aguet nam ipa'agueetac Ñimaye.

Isaías 65:13

Qaq ỹoqo'oye Ñim Nataxala' nataqa'en, 'eeta' da la'aqtac: Nam ỹamaxashecpi huo'o qome na aloq, qalaxaye qami', qanque'etaxañiigui qome na qarqouaqai, nam ỹamaxashecpi saishet qome da iueetaique ca laquip, qalaxaye qami' qanque'etaxañiigui qome da qarhuenaxanaxai ca qaraquipi, nam ỹamaxashecpi machiguiñi qome, qami' qalaq qami' qane'eetapiguilo qome,

Isaías 61:11

Cha'aye da 'eetec ana 'alhua da ñaxatsheguem naqa'en ana nañiguishe, qataq ñaxatec naqa'en ana dalaxai llaxataxa na nanaxanaqa'piolec, qaq nache 'eetec qome Ñim Nataxala' da ñaxat naqa'en da lauegaxanaxac, qataq 'enauac nam ỹotta'a't shiỹaxauapi ỹo'on qome ca no'onec da yo'oxonnataxan.

Isaías 58:11

Qaq Aỹem, nache shecto'ot qome da 'am selotague', qataq qalota ñaqa'en na 'oq qom qoueta'a ye toolec 'alhua, qataq sanem da la'añaxac da 'aro'ocỹaxac, nache qoneta'am ca nanaxanaqa' maye qaicottalec, qataq qoneta'am aca mpa'axaatasheguem 'etaxat laỹe' maye saimeuo na 'etaxat.

Isaías 51:3

Aỹem sa'añaqchet qome ye Sión, yem huaqta'a't nỹecpi maye nlachiguiñi co'ollaxa. Yem toolec 'alhua maye deqaqta qalaq she'eguelaxata qome da no'on nanaxanaqa', 'eeta'am som lanaxanaqa' Ñim Nataxala' maye huaña ye Edén. Qaq yemaye qome huo'o da namaicỹaxac qataq da tonaxac, qataq hueta'a da no'onaxanaxac qataq da l-lamaxa ana nvique.

Cantares 8:13

¡Ñaq aỹem 'aua'aqta'a da sa'aqtega da 'arvilỹaxac 'am maye qoneta'am na nañiguishe lma'! ¡Na ỹaỹepi iuatta'a da 'am na'axaỹaxana!

Efesios 5:18

Qataq saishet qome da qami' taxaiqa, cha'aye damaye ỹaueca'a da nlaxaañi ca shiỹaxaua. Chaqrato' da ỹataqta qami' nlaqchiguilo So Saqcha'a Na'añaxac Qui'itta.

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Isaías 23:18

Qalaxaye ana laueque maye ỹachegoxotaigui da nmenaxac qoỹanot qome da yaqto' lalamaqte Ñim Nataxala', nache saishet da qaỹaỹamaxat qataq saishet da choche qalapootasheguem, nacherata da qoỹanem cam do'onataxaatacot Ñim Nataxala' da yaqto' desheenaxana ca ỹataqta qalota nallec qataq ca no'on logoxot.

Isaías 5:1

Nagui so'onaxan souaxat so ñauochaxaua, so'on dam no'onec maye ỹa'axat so lanaxanaqa' uva lma' so ñauochaxaua. So ñauochaxaua huo'o co'ollaxa so lanaxanaqa' uva lma', maye huaña so ỹataqta no'on 'alhua.

Cantares 8:1

¡Qaico' co'ollaxa da maiche 'am ỹaqaỹa, llaqtac naua lche' aso ỹate'e! Yaqto' da huo'o ca huaña da 'am ñatena'aguet na nqa'aic, nache ỹataqta 'am ñapigoxoi' qataq qaica ca aỹem ỹe'eetac.

Cantares 6:11

Saigui qome ye lma' ana nañiguishe nogalpi, semeten da mashe nsala ana lauepi ana qo'oipaqpi na no'onaxa ca'amapega't, qataq mashe huo'o ana llaxataxa ana nañiguishe uvapi qataq ana lauoxo ana granadapi.

Salmos 16:3

Na atamnaxala'pi maye huetalec ne'ena 'alhua ỹataqta 'añaxaicpi, cha'aye nache 'enapec na ỹo'oxoreetac namayepi,

Salmos 147:11

Ñim Nataxala', ỹamaateguet cam huo'o naq 'enec naqa'en Ñimaye, qataq cam pi'iỹa'a da lta'araic lauotaxanaqtaic Ñimaye.

Jueces 14:11

Qaq so filisteopi co'ollaq ila'a so Sansón, nache nauegueuo so treinta nsoxoppi da yaqto' lỹata'ape somaye.

Jueces 14:20

Nache aso lhua so Sansón qoỹanem da lhua so 'oonolec som nsoxoppi, maye ỹalecta'aguet co'ollaq ỹo'ot so laronaxac somaye.

Proverbios 24:13

'Am ỹalcolec, qollec qome na te'esaq lli'i maye ỹoqta no'on, cha'aye da lamaicỹaxac da taigui na 'ap qalaq ama naqa'en.

Eclesiastés 2:5

Qataq so'o't soua ỹalamaqa'ate ỹanaxanqa'ate, nache saaleguete soomaye ana ỹotta'a't qo'oipaqpi maye huo'o ana ala.

Cantares 1:13

So ỹauotaxat 'eeta'am ana laỹe' na ña'amnaxat mirra da huetanguilo naua itetel.

Cantares 4:8

'Aỹala 'am ñauonaxaua, ña senotaxaueeguesop na pa'asheguem ye Líbano. Ña qolqa'ai qome ana lmilo ana qasoxonaxa ye Amaná qataq ye Senir qataq ye Hermón. Nache qolqa'ai na lauac na quiyoc qataq na lma' na sauaxaic.

Génesis 37:25

Qaq ime co'ollaxa, nache soomaye nso'ooyiñi da deque'e'. Qaq co'ollaq namatrashegue'm nache ilora'aguet so nmenaxaicpi ismaeliitapi, maye chegaqa'a ye Galaad, qaq aso lalo cameellopi qalaq ỹachetac so coraxatpi, qataq so qo'oipaq lcha'q le'enaxat bálsamo, qataq so mirra, da yaqto' ira'a ye Egipto.