Cantares 4:8 - La'aqtaqa Ñim Lo'onatac 'Enauacna 2013

⁸ 'Aỹala 'am ñauonaxaua, ña senotaxaueeguesop na pa'asheguem ye Líbano. Ña qolqa'ai qome ana lmilo ana qasoxonaxa ye Amaná qataq ye Senir qataq ye Hermón. Nache qolqa'ai na lauac na quiyoc qataq na lma' na sauaxaic.

Cantares 4:8 Referans Kwoze

Deuteronómio 3:9

maye so sidooniopi ỹanagui co'ollaxa da le'enaxat Sirión, qaq so amorreopi ỹanagui da Senir.

Cantares 2:13

Mashe ỹe ana ala ana higo, qataq ana nañiguishe uva mashe huaỹoxon da laitaỹaxac ana lauoxo. ¡'Am ỹoqopitaqtole, qoñisheguem, qolaq!»

Salmos 45:10

Ñaq aỹem 'ana'axaỹaxana 'am ỹalole, ñaq 'ana'axaỹaxaachigui da shenapec: Ñaq 'aucoua'aisalo qome caua 'arta'al qataq ca 'arhuo' le'ecpi,

1 Crónicas 5:23

Qaq som llalaqpi som laỹe so maiche nalamaxat nhuo' le'ecpi maye chegoxoguetpi so Manasés, somayepi ỹataqta qalota co'ollaxa, qaq somayepi nache nalec ye 'alhua maye chegoqchiguiña ye Basán, nache ivitta'a ye Baal Hermón, Seír, qataq añi qasoxonaxa Hermón.

Juan 12:26

Qaq da huo'o ca nshetaique da Aỹem do'onataxanot, qaq no'on da Aỹem quegue, qaq ca Aỹem soota'ague, nache camaye nataqa'en hueta'a. Da huo'o ca Aỹem do'onataxanot, nache Ñim Ita'a ỹauo'o qome da llo'oxoyec camaye.

Isaías 62:5

Cha'aye da 'eetec cam nsoqolec da huaroneguet aca nauonaxaua, qaq nache 'eetec qome Ñim Lo'onatac 'Enauacna da 'am ỹaconeua'a da ỹauo'o 'am lhua, qaltaq 'am no'oxoosheguem qome nache Ñimaye ỹataqta machiguiñi qom 'am hueta'aguet, 'eeta'am ca nhua da ỹataqta machiguiñi da hueta'aguet aca lhua.

Cantares 7:11

¡'Aue, qolaq 'am ỹauotaxat, ñeqo'onaxauga na no'onaxa da qaro'ochaqa' sonaqtaigui ana lauoxo ana alheña!

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Proverbios 9:6

Qaỹa'axañiiuec qome da qane'enaxaqui yaqto' qarca'alleeuec, qataq qoquiigue da llec da naỹaanataxanaxac.

Salmos 76:4

'Am, ỹataqta 'am ỹo'oxoraic, da 'ara'amaqchec qalaq napacalec ana choche tatec qasoxonaxapi.

Salmos 76:1

Na lma' ye Judá ỹataqta ỹauattoota Ñim Lo'onatac 'Enauacna, qataq na lma' ye Israel ỹataqta ỹo'oxoraq naqa'en da le'enaxat Ñimaye.

1 Reyes 4:33

Nataqa'en ỹa'axattac ana qo'oipaqpi, chegoqtot naqa'en ana cedro maye naña ye Líbano, nache ivitta'a ana hisopo maye ñaxaalec so npaqtaxanaxat coma'. Nataqa'en ivira'a da ỹa'axattac na shiguiỹacpi, maỹopi, qataq nam hualectapigui'pi, qataq na nỹaqpi.

Josué 12:1

Qaq 'eso so nta'alpi maye loxonecpi co'ollaxa so Moisés qataq so Israel le'ecpi da yaqto' ỹacona so na'alhuapi, som pa'aỹa'ague da yo'oxoñi so tala Jordán, qataq som chegoqchiguiña so tala Arnón, nache ivitta'a añi qasoxonaxa Hermón, qataq 'enauac som pa'aỹa'ague da nala' lliguisheguem ye ca'amapega't so tala Jordán.

Deuteronómio 3:25

Qaq ỹoqo'oye 'Am ñachoxonnot, da aỹem 'auasheetem da sa'axasoxoolec ye tala Jordán, da saitague da le'ego yaqto' semeten da lyac ye 'alhua maye huaña aye qasoxonaxapi, qataq ye Líbano.»

2 Reyes 5:12

¿Qaq saisheto' peta'a da ỹactec da lyac na 'etaxat, som talapi ye Damasco, Abaná, qataq ye Farfar, da napacalec 'enauac na talapi maye huaña na Israel? ¿Peta'a saisheto' da aỹem no'oita da seuomñigui yemaye? Qaq ỹataqta dalemata co'ollaxa somaye, nache jec.

Salmos 72:16

Qataq chochaq huañi qome na trigo 'enauac ana 'alhua, qataq imattalec qome na trigo na pa'asheguem ana qasoxonaxapi. Qataq ana ala ñaxat qome 'eeta'am na huetalec ye Líbano, qataq ỹataqta qalota ana ala, 'eeta'am ana huoue maye no'onaxa lashe.

Salmos 89:12

Nataqa'en 'aro'onatac da sheu' qataq da la'añaxa. Qaq añi qasoxonaxa Tabor qataq añi Hermón, ỹataqta machiyiñi qome da ỹo'ootrac da 'are'enaxat.

Ezequiel 27:5

'Enauac na 'epaqpi maye 'ano'onataxatpi qalaq qaỹachegoxota'a co'ollaxa ye aviaq Senir, qaq aso 'arhuoqte late'erai qalaq qaỹachegoxotaigui ana cedro ye Líbano,