Cantares 4:7 - La'aqtaqa Ñim Lo'onatac 'Enauacna 2013

⁷ ¡Ỹataqta 'am 'onaxaale, 'am ỹoqopitaqte, ỹataqta ivirañi da 'aryacỹaxac, imauec da 'aro'ocỹaxac 'onaxaic! ¡Qaica da huo'otaq huo'o ca sa ỹaỹamaxañi!

Cantares 4:7 Referans Kwoze

Cantares 1:15

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! ¡Naua 'ara'ai'tolqa ỹataqta 'onaxaiqa 'eeta'ama caua qoto'olqa!

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Colosenses 1:22

qalaxaye ỹachegoxotchigui naqa'en da nque'eenaxac qataq da l-leuaxa So Cristo maye ỹacona da lataxac ca yo'oqchigui shiỹaxaua co'ollaxa. Qaq 'eetec de'era Ñimaye, cha'aye nshetaique da qami' nachaalataxaneua'alo cam hueta'a qalaq qami' qui'itte' qataq qaica ca qarshepaxanaqai qataq ca qarasouaxashechi.

Cantares 4:1

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! Naua 'ara'ai'tolqa 'onaxaiqa 'eeta'ama caua qoto'olqa, naamaye 'eco' nqañoxottaiguilo na lapoxot na 'arqaic. Na 'araue 'eeta'am na laue ana quetaq lairaxai, maye parenaxaata'ague ana qasoxonaxapi ye Galaad.

2 Pedro 3:14

Qaq ỹoqo'oye qami' ñauochaxau' ỹaqaỹa't, nagui da ña qauacheeta'aguet da yo'oq 'enauac de'era, qaq no'on da ỹataqta qanpogoxoiñiỹapegue' da qaulaquiichiguiñi da qoviito'ot Ñim Lo'onatac 'Enauacna, yaqto' Ñimaye saishet da qami' natenaleguete da huo'o ca qarasouaxashechi.

Salmos 45:13

Qaq ana llale ca nta'a mashe nnoxoneuo lỹateuo da lyacỹaxac, ỹaatrañi naua alogo maye chegaqaigui na oro.

Cantares 5:16

Ỹataqta huo'o da lamaic na alap, qataq imauec somaye huo'o da lyacỹaxac. Nache 'eetec da lataxac so ỹauotaxat, 'era da 'eetec so ỹoqopitaxat, qami' 'alpi maye qarma'ai na Jerusalén.

Salmos 45:11

cha'aye ñi'iñi nta'a ỹataqta nqopita da 'aryacỹaxac, qaq ñimaye nacheñi ñi 'arataxala', qaq no'on da 'aualaxaguet qome ñimaye.

Números 24:5

¡'Am Jacob, ỹataqta 'onaxaic na 'arpe'lpi! ¡Ỹataqta no'on na 'aranataqa' 'am Israel!

Apocalipsis 21:2

Nataqa'en sela'a so dalaxaic nỹecpi ỹataqta qui'itta, som dalaxaic Jerusalén anacta chegoqo'ot na piguem maye hueta'a Ñim Lo'onatac 'Enauacna, se'eso nỹecpi sogote da 'enauac imeta, 'eeta'am da no'otaxac aca qa'añole da mashe huotaique da huaroneguet ca nauonaxaua.

Cantares 5:2

Aỹem so'ocheta, qalaxaye añi iquiyaqte saishet da do'oche. 'Eco' sa'aqtega so ỹauotaxat da deỹaxaatac, 'eeta': «¡Aỹem 'auauateguet, 'am ỹoqopitaqte ỹaqaỹole, 'am qoto'ole maye nalochiguiñi! ¡Ten na 'aỹa mashe ỹapapiaxatta na ỹaqaic! ¡Na 'aỹa maye anactañi da pe qalaq mashe queueegue na ỹaue nache ñettañi!»