Cantares 4:5 - La'aqtaqa Ñim Lo'onatac 'Enauacna 2013

⁵ Naua 'artetel ñaq qapiole 'eeta'ama caua dos huayaye ñi'imshe llalole, da deque'eta'ape nache ỹalectaiguilo ana lauoxo ana huoue.

Cantares 4:5 Referans Kwoze

Cantares 7:3

Naua 'artetel 'eeta'ama caua dos ñi'imshe llalole huayaye.

Cantares 6:3

Aỹem lalamaqte so ỹauotaxat, qataq somaye ỹalamaxat. Somaye nqopita da ỹalectaigui ana lauoxo ana nañiguishe.

Cantares 2:16

So ỹauotaxat ỹataqta ỹalamaxat, qataq somaye aỹem lalamaqte. Da ilotague' ana lalo nache nqopita da ỹalectaigui ana lauoxo ana huouepi.

1 Pedro 2:2

Nachaqrata da qanmichiỹaique 'enauac na no'on maye itauan da saqcha'a qarca'alaqai, 'eeta'am ca nogotolec maye cheta'ague da ñiguiñi da lhuogoxo da nmitta'a na lche' aca late'e. Qaq da nache qoñiitec de'era, nache qami' no'o'n 'amqaanataxanaxaiqa, qaq Ñim Lo'onatac 'Enauacna nache qami' nca'alaxatre'c,

Cantares 8:10

Aỹem co'ollaxa sheeta'am ca mpaqtaxanaxat, qalaxaye nagui naua itetel qalaq 'eeta'ama caua nalloxolatel. Qaq so ỹauotaxat ỹo'ot da ỹataqta samachiguiñi.

Proverbios 5:19

acam 'eeta'am aca ñi'imshe maye huotaxanaqtaqai! ¡Acam nache 'eetai' da lauotaxanaqtaic! ¡Qataq nache 'eetai' da lauoche da qoneta!

Cantares 8:1

¡Qaico' co'ollaxa da maiche 'am ỹaqaỹa, llaqtac naua lche' aso ỹate'e! Yaqto' da huo'o ca huaña da 'am ñatena'aguet na nqa'aic, nache ỹataqta 'am ñapigoxoi' qataq qaica ca aỹem ỹe'eetac.

Cantares 7:7

Qataq ye lcata da 'arataxac 'eeta'am da lataxac ana chaic, qataq naua 'artetel 'eeta'ama ana ltaxale ana ala ana chaic.

Cantares 1:13

So ỹauotaxat 'eeta'am ana laỹe' na ña'amnaxat mirra da huetanguilo naua itetel.

Cantares 6:2

So ỹauotaxat mashe huetaigui na lañiguishe lma', ana lañiguishe maye ỹataqta ama da laitaỹaxac ana lauoxo. Qataq nqopita da nqapaxaataigui nam nañiguishe lma' nache napoctac ana lauoxo anamaye.

Cantares 7:4

Na 'arqosot 'eeta'am ana nalloxolate maye chegaqaigui na lpi'inec ana lhue ana qasoxonaxa. Naua 'ara'ai'te ỹataqta cherañi 'eeta'ama yeua lapelolel maye netraña ye Hesbón, huaqta'ai' ñi lasom ye Bat Rabín. Ñi 'armic 'eeta'am añi nalloxolate ye Líbano, maye ilotague' qataq datatta ye Damasco.