Cantares 4:3 - La'aqtaqa Ñim Lo'onatac 'Enauacna 2013

³ Na 'ap qalaq togaxaraic 'eeta'am na nqo'oilliguishec, qataq huo'o da lamaic naua 'ara'aqtaqa. Naua 'aramelque tocaleguete 'eeta'ama ana ala ana granada, 'eco' nqañoxottaiguilo na lapoxot na 'arqaic.

Cantares 4:3 Referans Kwoze

Cantares 6:7

Naua 'aramelque tocaleguete 'eeta'ama ana ala ana granada, 'eco' nqañoxottaiguilo na lapoxot na 'arqaic.

Cantares 5:16

Ỹataqta huo'o da lamaic na alap, qataq imauec somaye huo'o da lyacỹaxac. Nache 'eetec da lataxac so ỹauotaxat, 'era da 'eetec so ỹoqopitaxat, qami' 'alpi maye qarma'ai na Jerusalén.

Josué 2:18

Qalaxaye qom mashe ñenoxonaxaua'a ne'ena 'alhua nache ne'ena nañec togaxaraic, 'acoñeraua'a qome ñi nalloxoqui maye saqtoigui 'anqa'en da senotaxauec. Huaña nache 'anauegueua'a na 'arma' ca 'arta'a, 'arate'e, 'arqaỹañecpi, qataq 'enauac ca 'aralamaxat 'arhuo' le'ecpi.

Hebreos 9:19

Da hua'auchiguiñi 'eeta': so Moisés da'aqtaxanem 'enauac so lauo' le'ecpi da lamaxasoxonaxac qataq na lqataxacpi. Ime, nache ỹacona so qagueta laue togaxaraic qataq aso lcoue ana huoue le'enaxat hisopo, nache ỹelchiingui so 'etaxat maye ỹaleegueta naua ltago'q so huaca llalec qataq so quetaq. Ime, nache ichegoxolec aso nere maye nanettaleguete naua la'aqtaqa Ñim Lo'onatac 'Enauacna, nataqa'en ichegoxolec 'enauac so Israel le'ecpi.

Colosenses 4:6

Naua qartaxaỹaxacolli' ỹataqta qaỹaỹamaxareete' qataq ỹataqta qanqopitalo. Ñi 'oonolec da qoñiita iuen da ỹaỹaten da ỹaỹamaqchiguiñi ca lasataxac da ỹasateguet ca 'oonolec namayepi.

Efesios 4:29

Qataq saishet da qauema naua qara'aqtaqalli'. Chaqrata da qano'onaxache' naua qara'aqtaqalli', yaqto' ishet da nquiguisheguem, qataq huo'o da na'achecỹaxac cam qami' na'axaỹaxaategalo.

Lucas 4:22

Nache 'enauac qaỹo'oxoreetac So Jesús, qataq ỹataqta qaỹa'aalatapeguec souaxat naua la'aqtaqa ỹataqta ỹaguec da ỹaỹamaqchiyiñi. Nache nnattega't somayepi, 'eeta': –De'era, ¿peta'a sa nachero' da llalec so José?

Ezequiel 16:63

Qaq qom sapalaxat 'enauac nam 'auo'otpi, nache 'am 'auennate qome nam qauempi maye 'auo'otpi co'ollaxa, nache ỹataqta huo'o da 'ara'agaxa, qataq souaxat da qaica ca qonec, nache saishet qome da qaltaq 'avi'eguelaxa da 'autaqtac. Qaq 'era da ỹa'aqtac, Aỹem Nataxala'.»

Cantares 7:9

Da lamaic na 'ap 'eeta'am na lataxa, da quigui na qorap qataq naua qarhue.

Cantares 5:13

Naua lamelque qalaq 'eeta'ama ca nañiguishe lma' maye ama da laitaỹaxac ana lauoxo. Da lamaic na alap 'eeta'am da lamaic na laita ana lauoxo da nlaqtelec ana mirra.

Cantares 4:11

'Am ñauonaxaua, da lamaic na 'ap 'eeta'am na dapic lli'i, dapic lli'i maye lalegue na huaca lche'. Da lamaic na lcoraxat naua 'ogo 'eeta'am na laita ana pino ye Líbano.

Proverbios 31:26

Qataq ỹaanaxanaxaiqa naua la'aqtaqa da detaqa, qataq huo'o da lsoxoyec da dapaxaguenataxaatac.

Proverbios 10:13

Naua la'aqtaqa ca ỹaanaxanaxaic chegaqaiguilo da naỹaanec, qaq ca qaica ca ỹaỹaana'a qalaq taỹa'a da qaiuaxaalec na l-laq ca nhuaxanaxanaxat.

Salmos 119:13

Nache sa'axattac qome 'enauac na 'arqataxacpi, maye 'aua'axattac co'ollaxa.

Salmos 45:2

Da 'aryacỹaxac ỹataqta napacalec na laỹe ỹalleppi, qaq na 'ap qalaq chegaqaiguilo naua no'oñi na'aqtaqa, ỹoqo'oye Ñim Lo'onatac 'Enauacna nache 'eetai' da 'am huetalec naqa'en da lchoxonnataxanaxa.

Salmos 37:30

Na no'on da lataxac da detaqa, qalaq ỹaanaxanaxaiqa naua la'aqtaqa, qataq ỹaỹamaqchiyiñi naua la'aqtaqa.

Esdras 9:6

nache sheeta': «'Am maye 'Am Ñatamnaxala', aỹem sasaỹaten ca sheetec, qataq ỹataqta huo'o da ña'aloxonaxac da 'am seỹaxanot. Souaxat na qauemsat ỹataqta ỹaguisheguem, choche ivitta'a da qomi' ỹapoleguete, qataq ỹataqta iviro'ot na piguem.

Números 19:6

Qaq so ntaxaỹaxanaxanec ỹacona qome aca lcoue ana cedro, qataq ca nchegoxosoxonaxat, qataq ca hualoq laỹe togaxaraic, nache 'enauaque caamaye da ỹasaxayingui ca norec maye huetangui aca huaca maye ỹavictac.

Números 4:8

Ime, qataq lapaxalec camaye ca hualoq laỹe togaxaraic, qataq npa'atcheguem ca ỹataqta no'on lo'oc, ime nache ỹanaguilo caua lachoxola'ate da qaỹache.

Levítico 14:6

Ime, qaq ỹacona ca lỹa qoỹo maye ña nca'altauec, qataq ca laỹe ana qo'oipaq pino, qataq ca hualoq laỹe togaxaraic, qataq aca naqta nchegoxosoxonaqte le'enaxat hisopo. Nache ỹapapiaxa't 'enauaque caamaye, qataq ca qoỹo maye ña nca'altauec, nache iuomaxaayingui ca 'etaxat maye qaỹachegoxotangui ca npaxaatasheguem 'etaxat maye ỹaleeguet na ltago'q ca qoỹo maye ỹalauat.

Levítico 14:4

nache ca ntaxaỹaxanaxanec ỹamaxalec cam shiỹaxaua maye no'oita, da ndoreuo caua dos qoỹo ña nca'altrauec, qataq qui'itte', qataq ca laỹe aca qo'oipaq pino, qataq ca hualoq laỹe togaxaraic, qataq aca 'oonole naqta na nchegoxosoxonaxat le'enaxat hisopo.

Génesis 32:10

qaq aỹem, ỹataqta saq saiguet da 'arauotaxanaqtaic qataq 'artelaxa da sheeta, cha'aye co'ollaq sa'axasoxoolec aso tala Jordán, nache qaica ca lỹa sachetac, nachaqanata ana ỹashelte. Qaq nagui qalaq sevira'a da dos naua lma'ate na ñenaictague'pi.

Cantares 1:5

Qami' 'alpi maye qarma'ai na Jerusalén, aỹem lairaxaale qalaxaye aỹem 'onaxai, da ỹaueraxa 'eeta'am da laueraxa na lpe'lpi na Quedar le'ecpi, da iyacỹaxac qalaq 'eeta'am da lyacỹaxac na lapoxonaxatpi so Salomón.