Cantares 4:16 - La'aqtaqa Ñim Lo'onatac 'Enauacna 2013

¹⁶ 'Am la'at quenaquiaxaic, ¡ña 'anlouec! 'Am la'at nte, ¡ña 'auanac! ¡Ña 'auasheerelec ye ỹañiguishe lma' nache huaỹoxonec 'anqa'en na ama laitaỹaxac! ¡Anac qome ca ỹauotaxat da nauga ye lañiguishe lma', nache chec ana ala maye qaica ca 'ena'am da lamaic!

Cantares 4:16 Referans Kwoze

Cantares 6:2

So ỹauotaxat mashe huetaigui na lañiguishe lma', ana lañiguishe maye ỹataqta ama da laitaỹaxac ana lauoxo. Qataq nqopita da nqapaxaataigui nam nañiguishe lma' nache napoctac ana lauoxo anamaye.

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Ezequiel 37:9

Nache Ñim nataxala' aỹem 'enapega, 'eeta': «'Auachegoxotchigui da ỹe'enaxat da 'auỹaxanaique caua na'a'che maye ỹo'ot da nca'alaxa, qoneta': Da la'aqtac Ñim Nataxala' 'eeta': 'Am na'a'che, 'auanac qome 'auachegoqteguelo naua cuatro laỹel ana 'alhua, nache 'aỹa'anem ca lca'alaxa ne'ena no'ocỹaxacpi maye leuaxaicpi.»

Romanos 15:28

Qaq qom mashe semat de'era, qataq da mashe ime da sanem aye anom cam 'amqaanataxanaxaicpi maye hueta'a ye Jerusalén, huaña qome nache senoxonec da saigue da España, nache qami' saỹaleguete qome da qami' ñamaqtegalo.

Romanos 15:16

qataq aỹem lca'aguishec da so'onataxanot So Jesucristo da yaqto' setauan nam saishet da judiopi. Qaq aỹem sheeta'am ca ntaxaỹaxanaxanec da sa'axatem namayepi da no'on na'axaỹaxac maye chegoqo'ot Ñim Lo'onatac 'Enauacna, qataq seroua'a Ñimaye da 'eeta'am aca nachetaqtaxanaqte maye ỹaỹamaxareeta Ñimaye, cha'aye So Saqcha'a Na'añaxac Qui'itta iỹotauga da yaqto' lalamaqte.

Hechos 4:31

Nache co'ollaq ime da nqouagaxaunaxac somayepi, nache que'eca qanayeeta'a ỹataqta cholaxan. Nache 'enauac somayepi ỹataqta nlaqchigui So Saqcha'a Na'añaxac Qui'itta. Nache chegoqchiguiña da 'enauac somayepi da ỹa'axattac So Jesús ỹataqta qaica ca ñe'etaique.

Juan 5:8

Nache So Jesús 'enapega somaye, 'eeta': –Qoñisheguem, 'auacona na 'aracanec, ime, nache 'auqueuoỹapigui' nagui.

Juan 3:8

Na la'at da nashiiyisheguem, qalaq maiche ỹoiqueetac ca dataigue. Qaq 'am 'aua'aqtega na l-lamaxa, qalaxaye saishet da 'auaỹaten cam chegoqchiguiña qataq cam taỹa'ague. Qaq, nache 'eeta'am da lataxac 'enauac na chegoqo'ot da lañoxoc So Saqcha'a Na'añaxac.

Mateo 26:12

Ana'ana 'alo icorelec so coraxat na iqaic, qalaxaye saishet da ỹaỹaten da ỹaỹamaxattapiguiñi da ỹo'ocỹaxac maye taỹa'a da qailareñi.

Mateo 26:10

Nache So Jesús hua'aqchigui de'era, nache sa naỹaloxon da 'eeta' da la'aqtac: –Saishet da qoquiiteguelec ana'ana 'alo. Cha'aye de'era ỹo'ot anamaye, ỹachegoxotchigui da lta'araic lauotaxanaqtaic Aỹem.

Isaías 64:1

Qaq no'on taxa, da 'aucolaxata'ague na piguem nache 'aunotec, nache ana qasoxonaxapi cholaxan souaxat da 'arviraxac,

Cantares 8:12

Ana'ana mil anom plata 'am qoỹami' Salomón, qaq ana doscientos qalaq qoỹami' na ilotague' na nañiguishe lma', qalaxaye aỹem maiche selotague' ana maiche ỹañiguishe lma'.

Cantares 2:3

So ỹauotaxat da ỹalectaigui na laỹe ỹalleppi, nache 'eeta'am ana qo'oipaq da huo'o ana ala da ỹalectaigui ana laỹe huauec qo'oipaqpi. Ỹataqta 'onaxaic ñaqa'en da ñeso'oto'ot na lpaqal, qataq ỹataqta ñaman ana ala.

Cantares 1:4

¡Aỹem 'auauec! ¡Sa ñaỹaloxonaq qome! ¡'Am nta'a, ñaq aỹem 'auauegueua'a ca 'aro'ochaqa'! So'otaq ca qantonaxac da salegaqta'a't. She'eguelaxasoxolec da seuennaqte da 'arauotaxanaqtaic, de'era 'arauotaxanaqtaic maye napacalec da lamaic na lataxa. ¡Mañaxasaco' da ỹataqta 'am nqopita na qa'ampiolec!

Eclesiastés 1:6

Na la'at nashiiyesheguem, taigue da taguiñi, ime qaltaq ncolliiñi, nache ỹe'eguelaxague da sheu'. ¡Qaq nache queta, saishet da vi'iiguet! ¡Jec, ime qaltaq ñe'eguelaq!

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

Eclesiastés 2:5

Qataq so'o't soua ỹalamaqa'ate ỹanaxanqa'ate, nache saaleguete soomaye ana ỹotta'a't qo'oipaqpi maye huo'o ana ala.

Cantares 1:13

So ỹauotaxat 'eeta'am ana laỹe' na ña'amnaxat mirra da huetanguilo naua itetel.

Cantares 2:8

¡Na ỹauotaxat mashe anacta! Namaye anactalec ana qasoxonaxapi, nparenaxaata'ague ana comarelecpi.