Cantares 4:11 - La'aqtaqa Ñim Lo'onatac 'Enauacna 2013

¹¹ 'Am ñauonaxaua, da lamaic na 'ap 'eeta'am na dapic lli'i, dapic lli'i maye lalegue na huaca lche'. Da lamaic na lcoraxat naua 'ogo 'eeta'am na laita ana pino ye Líbano.

Cantares 4:11 Referans Kwoze

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Cantares 7:9

Da lamaic na 'ap 'eeta'am na lataxa, da quigui na qorap qataq naua qarhue.

Cantares 5:13

Naua lamelque qalaq 'eeta'ama ca nañiguishe lma' maye ama da laitaỹaxac ana lauoxo. Da lamaic na alap 'eeta'am da lamaic na laita ana lauoxo da nlaqtelec ana mirra.

Génesis 27:27

Qaq so Jacob, co'ollaq nquigueua'a so lta'a da napigoxoi', nache so Isaac ncoỹaxanalo soua alogo. Qaq huaña nache ỹasaxalec da lchoxonnataxanaxa, 'eeta': «Aja', de'era alaitaỹaxac nacheca ca ỹalec. Damaye, 'eeta'am da alaitaỹaxac ca no'onaxa maye Ñim Nataxala' ỹasaxalec da lchoxonnataxanaxa.

Hebreos 13:15

Da qarachetaqtaxanaxat maye samiaxai' Ñim Lo'onatac 'Enauacna, nachera da qana'achecỹaxac maye chochaq tatec da sanaqtacot Ñimaye, chegoqchigui So Jesucristo cha'aye mashe sasataxaguet da nacheso so 'oonolec Qarataxala'.

Oseas 14:2

Ña qavi'eguelaqaỹa qome Ñim Nataxala', qauacheetac da achoxonnaxac maye, 'eeta': «Ña 'auapalaxat qome nam qauempi maye so'otaq, nache 'auaconeguet qataq 'auamaateguet da qayo'oxonnataxanaxac maye 'am sanaqtacot.

Isaías 7:15

Nache camaye qaiquia'axaateguec qome ca isaxa't huaca lche', qataq ca dapic lli'i, choche ivitta'a da ỹaỹaten da lca'aua'a ca no'on, qataq da sa ỹaconeguet ca qauem.

Cantares 4:3

Na 'ap qalaq togaxaraic 'eeta'am na nqo'oilliguishec, qataq huo'o da lamaic naua 'ara'aqtaqa. Naua 'aramelque tocaleguete 'eeta'ama ana ala ana granada, 'eco' nqañoxottaiguilo na lapoxot na 'arqaic.

Proverbios 16:24

Naua 'onaxaiqa na'aqtaqa 'eeta'ama na te'esaq lli'i da lamaic, naamaye ỹo'ot da lamaic da achaalataxac, qataq ỹo'ot da la'añaxac da no'ocỹaxac.

Proverbios 5:3

Cha'aye naua la'aqtaqa aca 'alo 'etaxaloxoi ỹataqta huo'o da lamai'c, qataq da lavilỹaxac ỹataqta isotta,

Salmos 45:8

Qaq 'enauac na 'ogoxot ỹataqta quichigui da laitaỹaxac na coraxat maye chegaqaigui ana mirra, áloe, qataq ana canela. Qataq da l-lamaxa ana nviquepi maye huo'oi naua lque'ete, ỹo'ot da 'antonaxac da qouetaigui ca nỹec lta'araic maye llo'oxoraxat na marfil.

Salmos 19:10

qataq ỹataqta napacalec da lashiichiỹaxac ca no'on oro, qataq ỹataqta napacalec da lamaic na te'esaq lli'i maye huetagui ca lte'.

Cantares 4:10

'Am ỹaqaỹole maye 'am ñauonaxaua. Ỹataqta huo'o da lamaic da 'arauotaxanaqtaic. Damaye napacalec da lamaic na lataxa, qataq na 'ancoraxat maye ama da laitaỹaxac, qataq 'enauac na laỹe 'amnaxatpi.

Salmos 92:13

Qataq ñaxattalec ye lma' Ñim Nataxala', qataq dasovi da netaña ye nqasoxoc Ñim Qanatamnaxala'.

Proverbios 5:2

Yaqto' da 'autaqa qalaq 'aloteguelo naua 'ara'aqtaqa, qataq huo'o da 'arauattonaxanaxac.