Cantares 4:10 - La'aqtaqa Ñim Lo'onatac 'Enauacna 2013

¹⁰ 'Am ỹaqaỹole maye 'am ñauonaxaua. Ỹataqta huo'o da lamaic da 'arauotaxanaqtaic. Damaye napacalec da lamaic na lataxa, qataq na 'ancoraxat maye ama da laitaỹaxac, qataq 'enauac na laỹe 'amnaxatpi.

Cantares 4:10 Referans Kwoze

Gálatas 5:22

Qalaxaye So Saqcha'a La'añaxac Ñim Lo'onatac 'Enauacna, qomi' ỹo'oteque da huo'o da qarsoxoyec, qataq nache 'eetai' da ñetonaqtapigui' qataq souaqtaigui da qarlagaxayec. Qataq qomi' ỹo'oteque nataqa'en da qarhualaxavic qataq da qarauotaxanaqtaic, qataq so'otaxac ca ỹaỹamaqchiguiñi ca qarỹa, qataq huo'o da qarpi'iỹaxac Ñim Lo'onatac 'Enauacna,

Cantares 7:6

'Am 'onaxaale, qaica ca 'ena'am da 'aryacỹaxac ỹataqta qaica ca 'ena'am da 'arauotaxanaqtaic.

Filipenses 4:18

So Epafrodito aỹem ỹami' aso aỹem qanamaqỹa, qaq asomaye ỹataqta ỹapacauec. De'era qartaunaxanaxaqui ỹataqta ama da laitaỹaxac, 'ena'am da alaitaỹaxac aca nachetaqtaxanaqte maye qoỹanot Ñim Lo'onatac 'Enauacna da ỹataqta ỹamaateguet.

Cantares 5:5

Huaña, nache soosheguem da sauateguet se'eso ỹauotaxat. Qaq naua ihuaxaye qataq naua ỹaxaata ñettrañi na mirra, nache ana llo'oxo taleguete so lvinaxat so lasom.

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Cantares 1:12

So nta'a da ñaq hua'aqtalec so la'axasoxola', nache na ñecoraxat huaỹoxon da ama laitaỹaxac.

Apocalipsis 5:8

Qaq co'ollaq chochaq ỹo'ot de'era, nache soua cuatro shiguiỹa'c maye nca'altraue'c qataq soua veinticuatro nqueroxonqa ỹa'aroto naua l-llectel Somaye. Qaq ñi 'oonolec se'esoua nqueroxonqa huo'o ana lvique, qataq lasoqta'a soua ỹomaxaqui' maye nlaqchigui na nchenaxanaxat ama na laita maye naigui da nqouagaxaunaxac na lalamaxatpi Ñim Lo'onatac 'Enauacna.

Cantares 4:9

'Am ỹaqaỹole, maye 'am ñauonaxaua, ỹataqta 'anaueguela't añi iquiyaqte, so choche 'oonolec da aỹem 'auamata'a, qataq can choche sela'a so lquet aso 'arqola.