Cantares 4:1 - La'aqtaqa Ñim Lo'onatac 'Enauacna 2013

¹ ¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! Naua 'ara'ai'tolqa 'onaxaiqa 'eeta'ama caua qoto'olqa, naamaye 'eco' nqañoxottaiguilo na lapoxot na 'arqaic. Na 'araue 'eeta'am na laue ana quetaq lairaxai, maye parenaxaata'ague ana qasoxonaxapi ye Galaad.

Cantares 4:1 Referans Kwoze

Cantares 1:15

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! ¡Naua 'ara'ai'tolqa ỹataqta 'onaxaiqa 'eeta'ama caua qoto'olqa!

Cantares 6:5

¡Nache a'aye da aỹem 'aualleto'ot, cha'aye naua 'ara'ai'te mashe aỹem naue'c! Na 'araue 'eeta'am na laue ana quetaq lairaxai, maye parenaxaata'ague ana qasoxonaxapi ye Galaad.

Cantares 6:7

Naua 'aramelque tocaleguete 'eeta'ama ana ala ana granada, 'eco' nqañoxottaiguilo na lapoxot na 'arqaic.

Miqueas 7:14

'Am Nataxala', ña 'alo'ogue qome ne'ena 'aralamaxat nhuo' le'ecpi, anam 'aralamaqte qaguetapi maye ndauec da huetaigui na aviaq, maye coleesop na no'on 'alhua, qaq ña 'auauega qome 'anamayepi ye 'auaqpisat ye Basán qataq ye Galaad, 'eeta'am soua hua'au' vi'iye.

Cantares 7:5

Na 'arqaic qalaq 'eeta'am ñaqa'en añi qasoxonaxa Carmelo. Na 'araue qashelec qataq tocalec da lo'oxoỹaxac, ana 'anamogue nache 'eeta'am da lcoñetegueshec ca nta'a.

Cantares 2:14

«'Am ỹalamaqte qoto'ole, ¡saishet da 'anqañoxottaigui na qaỹoqotcheguemec 'anqañoxotaqa'! Aỹem ñeshetaique da sela'a da 'arashiguiỹaxac, sauotaique sa'axaỹa da 'arvilỹaxac. ¡Ỹataqta samachiguiñi da 'am ñauane'! ¡Ỹataqta huo'o da lamaic da sa'aqtega da 'arvilỹaxac!»

Mateo 11:29

Qaualaqaiguet na ỹamaxasoxonaxacpi qataq qavi'inaxache Aỹem, cha'aye Aỹem hualaxauaic qataq ỹataqta 'eesa da saishet da llateela't. Da nache qoñiitec de'era nache ishet da qauanachiỹa ca qanmataxaqui.

Ezequiel 16:14

Qataq da no'on na'aqtaguec da 'aryac, ivira'a 'enauac nam ỹotta'a't shiỹaxauapi. 'Am ỹataqta 'am 'onaxai nalochiguiñi da 'arataxac, cha'aye Aỹem 'am seyaquen co'ollaxa. Qaq 'era da ỹa'aqtac Aỹem Nataxala'.

Cantares 2:10

So ỹauotaxat aỹem 'eetega, 'eeta': «¡'Am ỹoqopitaqtole, qoñisheguem, qolaq!

Salmos 45:11

cha'aye ñi'iñi nta'a ỹataqta nqopita da 'aryacỹaxac, qaq ñimaye nacheñi ñi 'arataxala', qaq no'on da 'aualaxaguet qome ñimaye.

Números 32:40

Nache so Moisés ỹanem ye 'alhua Galaad, som chegoxoguetpi so Maquir, maye nataqa'en chegoxoguet so Manasés, nache somayepi nalec co'ollaxa yemaye.

Números 32:1

Qaq so maiche nhuo' le'ecpi maye chegoxoguet so Rubén qataq so Gad, qalota co'ollaxa so na'atetpi, qaq co'ollaq ila'a da 'onaxaic ye 'alhua Jazer qataq ye Galaad, da taiguet da netaña na 'atetpi,

Jeremías 22:6

Cha'aye Ñim Nataxala' 'eeta' da la'aqtac maye talec ñi nma' lta'araic ñi nta'a ye Judá: «'Am 'eeta'am ñaqa'en añi qasoxonaxa ye Galaad, qataq añi lmilo añi qasoxonaxa ye Líbano, qalaxaye san da ỹa'aqtac da 'am she'eguelaxata qome da 'am toolec, nache qaica qome ca 'am netalec.