Cantares 3:9 - La'aqtaqa Ñim Lo'onatac 'Enauacna 2013

⁹ So nta'a Salomón damaxasoxoolec da qaỹo'ot aso nso'onaxaqui ỹachegoxotaigui na ỹoqta no'on qo'oipaq ye Líbano.

Cantares 3:9 Referans Kwoze

Cantares 3:7

¡Nachena na nta'a Salomón netangui ana nso'onaxaqui maye qanallaguisheeta! Coleesop na sesenta nalleppi ndotec na ỹataqta la'añaxanec na Israel le'ecpi.

Apocalipsis 14:6

Ime, qataq sela'a so lỹa namaxashec piguem le'ec, huaỹotac, queto'ot na piguem. Ỹachetac da no'on na'axaỹaxac maye huo'o naq 'enec qataq qaica ca loga't, da yaqto' da'aqtaxanem 'enauac na ỹotta'a't shiỹaxauapi maye netalec na ỹotta'a't 'alhuapi qataq ỹotta'a't na la'aqtacpi.

2 Samuel 23:5

Qaq ỹoqo'oye Ñim Lo'onatac 'Enauacna, qaica naqa'en ca iraxaatapigui' na ỹalaqpi cha'aye Ñimaye aỹem ỹo'otec da qaica ca loga't naỹamaxataxac, ỹataqta ỹaỹamaxatchiguiñi qataq ỹataqta 'eesa. Qataq Ñimaye nañaxat naqa'en da ica'alaxa, qataq ipacchigui naqa'en na sheetapeguecpi.

Cantares 3:8

'Enauac namayepi ỹaỹaten na ỹeelonec da do'ogoxona qataq ỹaỹaten da nalaataxac, ñi 'oonolec nshettañi na lainec nache lhuotta'a da huo'o ca lchec ye pe.

Cantares 3:10

Naua lauoqtel nache ỹo'oxoolec na lcat plata, qaq so la'axasoxola' ỹo'oxoolec na oro, qaq so nso'onaxala' qaq ỹo'oxoolec na qagueta laue togaxaraic qataq 'enauac na pa'auo qalapaxalec na lo'oc na 'atet, lo'onatac na 'alpi maye lma' ye Jerusalén.