Cantares 3:8 - La'aqtaqa Ñim Lo'onatac 'Enauacna 2013

⁸ 'Enauac namayepi ỹaỹaten na ỹeelonec da do'ogoxona qataq ỹaỹaten da nalaataxac, ñi 'oonolec nshettañi na lainec nache lhuotta'a da huo'o ca lchec ye pe.

Cantares 3:8 Referans Kwoze

Salmos 45:3

¡Ñaq 'auo'ogoxona da 'ara'amaqchec qataq da 'ayo'oxoyec, da 'ana'achigui ca 'ainec 'am 'añaxaic! ¡Cha'aye nachera da ỹo'ot da 'ayo'oxoyec!

Isaías 27:3

Aỹem Nataxala', nache aỹem maye ñeteltega, qataq saishet da she'emaxat da secottalec. Ñepaxattalec ye na'a'q qataq ye pe, da yaqto' saishet da qaỹo'otec qauem.

Salmos 91:5

Nache saishet qome da 'aye'etega na lcheeguesat ye pe, qataq ana checnapi maye huaỹotega't ye na'a'q,

Cantares 3:7

¡Nachena na nta'a Salomón netangui ana nso'onaxaqui maye qanallaguisheeta! Coleesop na sesenta nalleppi ndotec na ỹataqta la'añaxanec na Israel le'ecpi.

Cantares 3:9

So nta'a Salomón damaxasoxoolec da qaỹo'ot aso nso'onaxaqui ỹachegoxotaigui na ỹoqta no'on qo'oipaq ye Líbano.

Jeremías 50:9

Cha'aye so'ot qome da huo'o ca anac shiỹaxauapi cam 'añaxaicpi nhuo' le'ecpi maye chegaqa'ague da sheu' da iloquiaxan ye Babilonia. Camayepi naloguiñi qome nache loxonec yemaye. Cha'aye que'eca alleppi ỹataqta ỹaỹaten da nalaataxac, da ỹaỹenec ana lchecnapi qalaq saishet da depe'enaxan.

Jueces 3:16

Qaq so Aod ỹo'ot co'ollaxa so lainec maye dos naua llaqa'ate, maye ivi' medio metro nache ỹauo'o so lasot alaxa da na'achigui ipa'axana'ague da aloic, nache ỹapotelec naqa'en soua alogo.

Nehemías 4:16

Qaq huaña se'eso na'a'q, nache seỹoracache so ñalleppi, huo'o so do'onataxaatac ñaqa'en, qaq so laỹepi qalaq ỹauota'a so lo'ogoxonaxat, taquiaxai, lpaqtaxanaqte, lchecnec qataq aso ltogue lapoqte. Qaq so nataxala'pi ỹataqta ỹa'añaqchettac 'enauac so shiỹaxauapi maye lma' ye Judá,

Nehemías 4:17

qaq so no'oxootapiguisheguem so npaqtaxanaxat, qataq so deỹoxosoxootac saishet da 'enauaque naua lhuaxaye da do'onataxanalo cha'aye na 'oonolec lhuaq do'onataxaatega, qaq na lỹa lhuaq huetaigui nataqa'en so lo'ogoxonaxat.