Cantares 3:7 - La'aqtaqa Ñim Lo'onatac 'Enauacna 2013

⁷ ¡Nachena na nta'a Salomón netangui ana nso'onaxaqui maye qanallaguisheeta! Coleesop na sesenta nalleppi ndotec na ỹataqta la'añaxanec na Israel le'ecpi.

Cantares 3:7 Referans Kwoze

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Cantares 3:9

So nta'a Salomón damaxasoxoolec da qaỹo'ot aso nso'onaxaqui ỹachegoxotaigui na ỹoqta no'on qo'oipaq ye Líbano.

Cantares 1:16

¡Ỹataqta 'am 'onaxaicolec, 'am ỹauotaxat, ỹataqta 'am 'onaxaicolec! ¡Na darala 'auaqpi nache qaracanec!

2 Reyes 6:17

Nache so Eliseo, nqouagaxaunot Ñim Nataxala', 'eeta': «'Am Nataxala', 'am ñachoxonnot da nauachiguilo 'anqa'en naua la'ai'te da ỹamaxashec Guejazí, yaqto' nauaañi.» Nache Ñim Nataxala' ỹauachiguilo naua la'ai'te so lamaxashec so Eliseo. Nache somaye ila'a aye qasoxonaxapi da ỹataqta imattalec so qalota alleppi maye netalec na caaỹo, qataq na netangui aso nnaigonapi maye nalaataxaquipi maye 'ettaigui, nache coleesop ye hueta'a so Eliseo.

1 Reyes 14:27

Nache so nta'a Roboán, qaltaq ỹo'ot co'ollaxa aso dalaxai npaqtaxanaqtepi bronce, da yaqto' nmeneguet naqa'en asomayepi, nache ỹanem da ilo'ogue naqa'en so alleppi maye nauaatalec so ñegueuo so nma' lta'araic.

1 Reyes 9:22

Qalaxaye so Salomón, saishet da huo'o ca ỹaneguet da nlatac so Israel le'ecpi, nachaqrata da ỹauo'o nalleppi somaye, qataq huo'o so ltauapi, qataq ỹauo'o so huataxanaq lta'alpi, qataq so lataxala' so alleppi maye netangui aso alaataxaquipi naigonapi, qataq som netalec so caipi.

1 Samuel 28:2

Nache so David, 'enapeco': Aja' ỹaỹamaqchiguiñi, qaq nagui 'am nta'a, nache 'auaỹaten da ỹataqta ñalaua'a da so'ot de'era. Nache so Aquis, 'enapeco': Da 'eetec de'era, nache 'am sanem da nache 'eetai' da 'am lataxala' nam aỹem nauaatalec qome.

1 Samuel 14:52

Da nalaataxac so Saúl co'ollaq deloctague' so filisteopi ỹataqta lta'araic qataq qaỹoqtec, iviraxattrec soua vi'iye co'ollaq ña nta'a somaye. Ỹoqo'oye so Saúl da huo'o ñi ila'a nsoq da 'añaxaic, qataq sansatta nache ỹacona da ỹalecnoigui so nalleppi.

1 Samuel 8:16

Qataq ỹacona qome ca qaramaxashequi ỹalleppi, qataq 'alpi, qataq ca no'on qarauegaxanaxala'aipi huaca qataq ca 'ashenapi da yaqto' do'onataxaalec.

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Cantares 3:8

'Enauac namayepi ỹaỹaten na ỹeelonec da do'ogoxona qataq ỹaỹaten da nalaataxac, ñi 'oonolec nshettañi na lainec nache lhuotta'a da huo'o ca lchec ye pe.

Nehemías 4:13

ỹoqo'oye aỹem shenapega ñi 'oonolec da huaxaiguet ca maiche llalaqpi da naỹamaxat, ỹauo'o ca lainec, lchecna qataq lchecnec, nache nauanalec na pa'auo so saxanaxa da qano'oxoosheguem se'eso npaqtaxanaxat.