Cantares 3:3 - La'aqtaqa Ñim Lo'onatac 'Enauacna 2013

³ Qalaxaye aỹem ilalec so nauaatalec na huaqta'a't nỹecpi, nache senattac, sheeta': «¿Meca da qauloỹa'ague cam lauotaxat da ñachaalataxac?»

Cantares 3:3 Referans Kwoze

Cantares 5:7

Qalaxaye aỹem ilalec so nauaatalec na huaqta'a't nỹecpi, nache aỹem iuaxaatac nache aỹem ique'emaqchet. Ỹataqta ncolaxatauec so ipo' nam nauaatalec ñi lasom yem mpaqtaxanaxat.

Hebreos 13:17

Ỹataqta qaualaqaiguet na qarataxala'aipi maye ilotague' nam ỹa'amaqten So Jesús, cha'aye namayepi qaica ca nmataqa' da qami' ilotegueto, qataq namayepi ỹaỹateeta da Ñim Lo'onatac 'Enauacna ipataxalec da qami' ilo'oguelo. Qaq qami' iuen da qautauañi namayepi qataq qanpogoxoiñiỹapegue' da yaqto' saishet da qami' chegoqchiguilo ca qauem, yaqto' da lo'onataxanaxac namayepi ỹataqta ỹaỹamaqchiguiñi.

Juan 20:15

Nache So Jesús inattac asomaye, 'eeta': –'Am 'alo, ¿ta'ainco' ye 'anỹeetac? Qataq ¿negue't ca 'anmittaique? Nache asomaye ipi'itaxaatega da somaye nacheso som ilotague' se'eso nañiguishe lma'. Nache 'eetego', 'eeta': –'Am ỹale, da huo'otaq nache 'am maye 'auache ca Ỹataxala', qaq no'on da aỹem 'aua'axatem cam 'auacha'ague yaqto' aỹem she'eguena'a camaye.

Ezequiel 3:17

«'Am shiỹaxaua, Aỹem 'am sanagui da 'am lauanaxanaxanec na nhuo' Israel le'ecpi. Qaq da ivita da 'am sanem ca ỹa'aqtac nache 'aua'aqtaxanem namayepi da aỹem ỹa'aqtac, yaqto' namayepi ỹaỹaten cam ỹo'ot.

Isaías 62:6

'Am Jerusalén, na 'arpaqtaxanaxatpi sanalec na 'arauanaxanaxanecpi, maye ye na'a'q qataq ye pe saishet da vi'iiguet da 'eeta': «Qami' maye qauỹaxañiitacot Ñim Nataxala', saishet qome da qavi'imqaita,

Isaías 56:10

cha'aye nam lauanaxanaxanecpi nam ỹalamaxat nhuo' le'ecpi, 'eco' qanamaicpi nache qaica ca nanomaxa. Qataq 'enauac namayepi 'eeta'am ca pioq maye saishet da detoxon, nda'a't da nnanaxac qataq da lchoxonaxac, namayepi ỹataqta nqopita da do'ocheta.

Cantares 1:7

Ñaq aỹem 'aua'aqtaxanem, 'am maye 'arauotaxat da ñachaalataxac, ¿chaq hua'ague naxa ca lquia'aqa' 'anqa'en na 'ana'atetpi? ¿Chaq hua'ague naxa ca nmataqa' 'anqa'en ye na'a'q laiñi? ¿Ta'ainco' da 'anshetaique da sheeta'am aca queuoxoi, da salectaigui na na'atetpi na 'araỹepi?