Cantares 3:11 - La'aqtaqa Ñim Lo'onatac 'Enauacna 2013

¹¹ Qami' 'alpi maye qarma'ai na Sión, ¡ña qampa'aiuec qome qaualliguet na nta'a Salomón! ¡Ten mashe qoỹanaxanaxangui ana naro'o da nta'a, maye lo'onata aso late'e co'ollaq ivita so na'a'q da huaron, so na'a'q maye ỹataqta machiguiñi da lquiyaqteỹaxac.

Cantares 3:11 Referans Kwoze

Isaías 62:5

Cha'aye da 'eetec cam nsoqolec da huaroneguet aca nauonaxaua, qaq nache 'eetec qome Ñim Lo'onatac 'Enauacna da 'am ỹaconeua'a da ỹauo'o 'am lhua, qaltaq 'am no'oxoosheguem qome nache Ñimaye ỹataqta machiguiñi qom 'am hueta'aguet, 'eeta'am ca nhua da ỹataqta machiguiñi da hueta'aguet aca lhua.

Jeremías 2:2

«Qojec qome, nache 'aua'aqtaxanem na hueta'a ye Jerusalén, qoneta': Da la'aqtac Ñim Nataxala' 'eeta': ‹Aỹem seuennate 'am, qataq da 'aralaxayec co'ollaq saxanaxa da 'am ỹe, qataq da 'arauotaxanaqtaic maye 'eeta'am aca auonaxaua co'ollaq aỹem 'auca'attague' da qoquetalec ye toolec 'alhua qataq yem 'alhua maye qaica ca ñaxaalec›»,

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

Hebreos 13:13

Qaq ỹoqo'oye nataqa'en qomi' iuen da qarỹatec So Jesús da ñeuanaqaua'a de'era ne'enaguec maye qaỹo'otec co'ollaq qaiuaxaneguet so npe'enaxaqui.

Mateo 12:42

Aso nate'e maye neta'ague da taguiñi nataqa'en nachaañi qome da detaqa da qami' dataỹa'agueta. Cha'aye asomaye chegoqta'a co'ollaxa yem ỹataqta qaỹoqta 'alhua da na'axaỹaxana dam laỹaanec so nta'a Salomón. Qalaxaye qami' saishet da qauaỹamaxayiñi da qana'axaỹaxañiỹa da ỹapaxaguenataxanaxac, na'aictaxa da ñapacalec da la'amaqchec so Salomón.

Sofonías 3:17

Cha'aye Ñim Nataxala' maye 'Anatamnaxala' qami' netanguilo; ¡Ñimaye ỹataqta 'añaxaic, nache 'am nca'alaxatec qome! Ñim Nataxala' ỹataqta machiguiñi qome souaxat da qoneta. Qaq do'ogoxona qome da lsoxoyec da naralaxat da 'anachaalataxac; Qaq souaxat da ntonaxac, nache do'onaxaatac

Salmos 9:14

Yaqto' da huaña ñi lasom ye Jerusalén, nache sa'axattac qome da 'año'oxonnataguec, cha'aye samachiguiñi souaxat da aỹem 'anca'alaxatec.

Apocalipsis 19:12

Qaq naua la'ai'te 'eeta'ama na le'eraxa na norec; qaq na lqaic netagui ana ỹataqta qalota naro'o na nta'a, qataq nanettalec so ne'enaxat maye chaqsota Somaye da ỹaỹaten.

Apocalipsis 19:7

Qaq ỹoqo'oye ỹataqta samaqtapiguiñi qome, qataq qomi' nlaqchiguilo da qantonaxac, qataq sho'oxorenaq Ñimaye, cha'aye mashe ivita ye laloqo' da huaron Ñi Qagueta Llalec. Añi lhua mashe sogote da naỹamaxattai', maye nachena nam 'amqaanataxanaxaicpi;

Hebreos 2:9

Qalaxaye Ñim Lo'onatac 'Enauacna qomi' ỹauoteque, nache namaxalec ana 'alhua So Jesús da qomi' nca'alaxatre'c, chegoqchigui da l-leuaxa. Ỹoqo'oye na'aictaxa da Ñim Lo'onatac 'Enauacna da cara'ac co'ollaxa da ỹasheeteguet So Jesús da nquicchiguiñi da la'amaqchec saq 'ena'am na lamaxashecpi piguem le'ecpi, qalaxaye nagui Somaye nachaqsota da qaỹo'oxoreetac souaxat da qaica ca 'ena'am la'amaqchec.

Colosenses 1:18

Qataq So Cristo nacheso so ilotague' na ỹa'amaqten Somaye qataq ỹami' da lca'alaxa. Somaye nacheso so nqaic, qaq nam 'amqaanataxanaxaicpi qaq nachera da lo'ocỹaxac. So Cristo nacheso so la'auaxanec 'enauac nam huo'o. Qaq ỹoqo'oye nacheso so la'auaxanec da nca'aleeguesop da nleuaxa, da yaqto' nachaqsota 'oonolec Nataxala'.

Juan 15:11

Qami' sa'aqtaxanema de'era, yaqto' qami' ỹataqta qauamaichiguiñi, qoñiita'am Aỹem.

Juan 3:29

Da huo'otaq huo'o ca naronaxac, qaq cam ỹataqta huaroneguet aca auonaxaua, nacheca cam nauonaxaua. Qaq cam nauochaxaua que'eca auonaxaua, camaye ỹataqta machiguiñi da choche hua'aqtega da lvilỹaxac. Qaq nache 'eetec nataqa'en nagui aỹem ỹataqta aỹem nlaqchigui da ñetonaxac, cha'aye ca Lca'aguishec Ñim Lo'onatac 'Enauacna mashe hueta'a ne'ena.

Lucas 15:32

Qalaxaye nagui no'on da so'otaq ca qarquia'axac da ñetonaqtapigui'. Cha'aye ñi 'arqaỹa, ñimaye mashe saqca, qalaxaye qaltaq nca'alec; ñimaye deqat, qalaxaye mashe sanataxa.›»

Jeremías 32:41

Qaq Aỹem samachiguiñi qome da so'otec da no'on namayepi, qataq ỹataqta imauec da iquiyaqteỹaxac qataq da huesota iuennataxac da so'ot da nache netalec ne'ena 'alhua.»

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Isaías 4:4

Qaq Ñim Nataxala' qom ỹa'axat nam nasouaxashetpi, qataq ỹo'ot ca nhuaxanaguec na nhuo' le'ecpi, nache iỹouec qome na ltago'q so nalaatacpi maye huaigui ye Jerusalén, qataq iỹouec na lshepaxanaxa nam hueta'a ye Sión.

Cantares 8:5

¿Chaq negue't ana chegoqtelec na toolec 'alhua, hua'aqtalec na lallac na lauotaxat? Hua'asop aso nañiguishe manzano da sa salemaxat na 'aro'ochaxa, yem huaña caillaye da aso 'arate'e nanomteguet da naỹallaxa, nache huaña co'ollaxa da 'am ñiguiñi.

Cantares 7:11

¡'Aue, qolaq 'am ỹauotaxat, ñeqo'onaxauga na no'onaxa da qaro'ochaqa' sonaqtaigui ana lauoxo ana alheña!

Cantares 2:7

Qami' 'alpi, maye qarma'ai na Jerusalén, qami' ñachoxoreetoiguilo souaxat ana ñi'imshepi qataq ana chegaxangopi maye huetauga na no'onaxa, da saishet da sa qaualemaxache da do'ocheta aye ỹauotaqte. ¡Qauaqaita'a da do'ocheta yaqto' maicheye da nlouec!

Cantares 1:5

Qami' 'alpi maye qarma'ai na Jerusalén, aỹem lairaxaale qalaxaye aỹem 'onaxai, da ỹaueraxa 'eeta'am da laueraxa na lpe'lpi na Quedar le'ecpi, da iyacỹaxac qalaq 'eeta'am da lyacỹaxac na lapoxonaxatpi so Salomón.

Salmos 48:11

Qaq ỹataqta ntootapigui' qome añi qasoxonaxa Sión, qataq parenaxaatac qome da ntonaxac na lma' ye huaqta'a't nỹecpi ye Judá, souaxat naua ỹaỹamaqchiyiñi maye 'auo'o't.

Zacarías 6:11

Qaq cam lcat plata, qataq cam lcat oro, maye 'alapoñiguishec, nache 'auo'onataxana qome da 'auo'ot aca aro'o, qaq qom ime, nache 'aỹa'anaxanaxangui ñim Josué maye lataxala' nam ntaxaỹaxanaxanecpi, ñim llalec so Josadac.