Cantares 3:10 - La'aqtaqa Ñim Lo'onatac 'Enauacna 2013

¹⁰ Naua lauoqtel nache ỹo'oxoolec na lcat plata, qaq so la'axasoxola' ỹo'oxoolec na oro, qaq so nso'onaxala' qaq ỹo'oxoolec na qagueta laue togaxaraic qataq 'enauac na pa'auo qalapaxalec na lo'oc na 'atet, lo'onatac na 'alpi maye lma' ye Jerusalén.

Cantares 3:10 Referans Kwoze

Apocalipsis 3:12

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache Aỹem sami' ca ndaqa' maye ỹataqta ỹo'oxoraq añi lo'onaxanaxaqui Ñim Lo'onatac 'Enauacna, qataq saishet da ca'ai añimaye. Qaq camayepi serelec da le'enaxat Ñim Ita'a maye Lo'onatac 'Enauacna qataq ca le'enaxat ye nỹecpi maye neta'ague da piguem. Qaq yemaye nacheye yem dalaxaic Jerusalén maye anacta. Nataqa'en serelec camayepi ca dalaxaic ỹe'enaxat.

Romanos 5:8

Qalaxaye na'aictaxa da qomi' ñaq souaqtaigui co'ollaxa da qaye'etaxaloxo, qalaxaye Ñim Lo'onatac 'Enauacna ỹachaxan da lta'araic lsoxoyec, nache qomi' namaxalo So Jesucristo da yaqto' qomi' ileualeguete.

Cantares 1:5

Qami' 'alpi maye qarma'ai na Jerusalén, aỹem lairaxaale qalaxaye aỹem 'onaxai, da ỹaueraxa 'eeta'am da laueraxa na lpe'lpi na Quedar le'ecpi, da iyacỹaxac qalaq 'eeta'am da lyacỹaxac na lapoxonaxatpi so Salomón.

Salmos 87:3

¡Qaq 'am Sión maye 'am lalamaxat Ñim Lo'onatac 'Enauacna, ỹataqta huo'o da 'ayo'oxoyec da 'am qaitaqtega!

Cantares 3:9

So nta'a Salomón damaxasoxoolec da qaỹo'ot aso nso'onaxaqui ỹachegoxotaigui na ỹoqta no'on qo'oipaq ye Líbano.