Cantares 3:1 - La'aqtaqa Ñim Lo'onatac 'Enauacna 2013

¹ Da ñenaatalec ye imala' da pe qalaq ñepi'itaxaataique so lauotaxat da ñachaalataxac. Ñimittaique qalaq saishet da sanata.

Cantares 3:1 Referans Kwoze

1 Pedro 1:8

Qami' na'aictaxa da saishet da qanmiỹa'ai' da qauloito'ot So Jesucristo, qalaxaye qauauochec qataq qaua'amaqchiñi Somaye, qataq huo'o da qantonaxaqui ỹataqta lta'araic qataq 'onaxaic, qaq damaye saishet da qaỹañoxot da ỹataqta qaỹa'axatta.

Cantares 5:6

Sauatoigui so lasom da sauateguet so ỹauotaxat. Qalaxaye somaye mashe saq hueta'a yi'iye. Nache ỹataqta nlleuchiguiñi na ỹo'oc ỹasouaxat da mashe jec. Ñimittaique qalaxaye saishet da sanata, seỹaxaataique qalaxaye aỹem sa ỹasateguet.

Cantares 1:7

Ñaq aỹem 'aua'aqtaxanem, 'am maye 'arauotaxat da ñachaalataxac, ¿chaq hua'ague naxa ca lquia'aqa' 'anqa'en na 'ana'atetpi? ¿Chaq hua'ague naxa ca nmataqa' 'anqa'en ye na'a'q laiñi? ¿Ta'ainco' da 'anshetaique da sheeta'am aca queuoxoi, da salectaigui na na'atetpi na 'araỹepi?

Isaías 55:6

Ña qanmichiỹaique Ñim Nataxala' nagui da ñaq ishet da qauanachiỹa, ña qauỹaxañiỹa nagui da ña sa qaỹapeque.

Isaías 26:9

Qaq ỹataqta imauec ye pe da 'am seuennatega, qataq yem ỹataqta pa'auo ivilỹaxac 'am nmittaique. Qaq qom 'anmit ana 'alhua, nache na shiỹaxauapi ỹaỹaten qome da nalochiguiñi lataxac.

Cantares 5:8

Qami' 'alpi maye qarma'ai na Jerusalén, aỹem qaỹa'añim ca qara'aqtaqui: qom qauloỹalec ca ỹauotaxat, qalaq ỹataqta qoñiỹapega qome da selem da lamaic da ỹoqopitaxanaqtaic.

Salmos 22:2

'Am Ñatamnaxala', ye na'a'q 'am seỹaxaatega qalaq aỹem sa 'auasateguet qataq ye pe, qaica ca ñemataxac da 'am seỹaxaatega.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Lucas 13:24

–Qana'añaxache qome da qaunoxoñiiua'a ñim lasom maye saq 'amaqtaq, cha'aye Aỹem shenapec da ỹataqta qalota qome na nshetaique da inoxoneuo, qalaxaye saishet da ỹañoxot.

Salmos 6:6

Aỹem ỹataqta ñasamiisop da ñenoinaxac, 'enauaque naua pesa'ache da ñeỹeetac, nache naua ỹache' ỹataqta dapapta naqa'en ye imala'.

Salmos 4:4

Da qaualematai qalaq saishet da qauauo'oi ca qarasouaxashichi, qaq qom qannañiitalec ca qarmala'ai ye pe nache qavi'imaqaitac, da qauennataxañiilec cam qarhuennataxaqui.

Juan 11:29

Qaq co'ollaq choche hua'aqchigui de'era aso María, nache sa naỹaloxon da ñesheguem, nache nqo'oneuga So Jesús.