Cantares 2:9 - La'aqtaqa Ñim Lo'onatac 'Enauacna 2013

⁹ Na ỹauotaxat 'eeta'am ana ñi'imshe, qataq na chegaxango llalec. ¡'Ena mashe hueta'a na pa'aueegue da laỹe' na qarma'. Nalletauoigui na nalloxoqui, choche nalletapegueuo!

Cantares 2:9 Referans Kwoze

Cantares 8:14

¡'Am ỹauotaxat, ñaq 'analoxo qome, qoneta'am ana ñi'imshe qataq na chegaxango llalec da nqalgoqtapeguelec ana qasoxonaxapi maye ỹoqta nlaqtelec na ama da laitaỹaxac!

Cantares 2:17

Da ñaq napaltañi qataq natomchiguiñi, nache 'avi'eguelaq, 'am ỹauotaxat, 'auỹalapigui' qoneta'am ana ñi'imshe qataq na chegaxango llalec da quetalec ana qasoxonaxapi ye Beter.

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Hebreos 10:1

Na namaxasoxonaxacpi maye chegoqo'ot co'ollaxa so Moisés, namayepi 'eeta'am da ỹachaxaatac cam no'on maye taỹa'a da qomi' ỹanema Ñim Lo'onatac 'Enauacna, qalaxaye saishet da nachera da ỹoqta 'eesa da lataxac. Qaq ỹoqo'oye ne'ena namaxasoxonaxacpi saishet da ỹañoxot da nalochiguiñi naqa'en da lataxac nam ima'ape naua vi'iye da irotegueua'a ñim npe'l na lachetaqtaxanaxat, da yaqto' ỹanot Ñim Lo'onatac 'Enauacna.

Colosenses 2:17

'Enauac ne'enapi choche 'eeta'am ca lpaqal cam ñaq naỹa'acna, qalaxaye dam ỹoqta 'eesa, nacheso So Cristo.

1 Corintios 13:12

Nagui da qarauattonaxanaxac Ñim Lo'onatac 'Enauacna, damaye saxanaxa da yo'oqoolec, 'eeta'am da seloqtalec aca tannaxai da 'omalec. Qalaxaye da nauattonaxanaxac qom ivita da nalochiguiñi, huaña nache selaqa'a Ñim Lo'onatac 'Enauacna. Nagui da ỹauattonaxanaxac saxanaxa da nalochiguiñi. Qalaxaye qom ivita da nalochiguiñi, huaña nache sauattoota Ñimaye, 'eeta'am da 'eetec da aỹem ỹauattoota Ñimaye.

Juan 12:41

Qaq so Isaías 'enapec co'ollaxa de'era, cha'aye souaxat da ỹauaachigui da llo'oxoyec So Jesús. Huaña, nache ỹa'axattac Somaye.

Juan 5:46

Cha'ayectaxa da qami' qaua'amaqchiñi cam 'enapec so Moisés, nache nataqa'en taxa Aỹem qaua'amaqchiñi, cha'aye so Moisés Nachaỹem maye Aỹem ỹiyiñi co'ollaxa.

Juan 5:39

Qami' ỹataqta huo'o da qanaquitaxaqui da qanapaxaguiñeetegalo naua nanettrañi la'aqtaqa Ñim Lo'onatac 'Enauacna, cha'aye qaua'amaqchiñi da nache qoñiitec de'era, nache qami' taỹoto da nca'alaxa maye chochaq tatec. Qalaxaye ne'enaua na'aqtaqa maye nanettrañi, naamaye Aỹem ỹa'axatta'ape,

Lucas 24:35

Nache soua dos ỹale't nataqa'en da'aqtaxaata'ape, ỹa'axattrac da 'eetec da hueraigui co'ollaq quetrague' so nqa'aic maye taỹa'a ye nỹecpi le'enaxat Emaús, qataq co'ollaq ỹauatto'n So Jesús chegoqchigui co'ollaq ncolaxattapiguiñi aso nauole 'ayiiña.

2 Samuel 2:18

Nataqa'en ỹalectrauo soua tres llalqa aso Seruyá: Joab, Abisay qataq Asael. Qaq so Asael ỹataqta ayaqaic, 'eeta'am ana ñi'imshe da nqalgoqteguelec na no'onaxa,

Jueces 5:28

Qaq aso late'e so Sísara qalaq huo'o da lachetataic nache ỹalletapoigui so lalloxoqui, nache 'enapec: ‹¿Chaq ta'ainco' da qaỹaloqteguet aca laigona ca ỹalec? ¿Chaq ta'ainco' da saishet da sa'axaỹa da l-lamaxa naua lasaxanna aca nalaataxaqui?›

Proverbios 5:19

acam 'eeta'am aca ñi'imshe maye huotaxanaqtaqai! ¡Acam nache 'eetai' da lauotaxanaqtaic! ¡Qataq nache 'eetai' da lauoche da qoneta!

Proverbios 6:5

'auatauec qome qoneta'am aca ñi'imshe da dataueeguesop ca 'ipiaxaic, 'auatauec qome qoneta'am ca qoỹo da dataueeguesop aca nqoina.

Proverbios 7:6

Cha'aye aỹem huo'o so na'a'q semeenaxaatac, salletaviigui ñi ỹalloxoqui ñi ima',

Cantares 1:16

¡Ỹataqta 'am 'onaxaicolec, 'am ỹauotaxat, ỹataqta 'am 'onaxaicolec! ¡Na darala 'auaqpi nache qaracanec!

Cantares 2:7

Qami' 'alpi, maye qarma'ai na Jerusalén, qami' ñachoxoreetoiguilo souaxat ana ñi'imshepi qataq ana chegaxangopi maye huetauga na no'onaxa, da saishet da sa qaualemaxache da do'ocheta aye ỹauotaqte. ¡Qauaqaita'a da do'ocheta yaqto' maicheye da nlouec!

Cantares 3:5

Qami' 'alpi, maye qarma'ai na Jerusalén, qami' ñachoxoreetoiguilo souaxat ana ñi'imshepi qataq ana chegaxangopi maye huetauga na no'onaxa, da saishet da sa qaualemaxache da do'ocheta aye ỹauotaqte. ¡Qauaqaita'a da do'ocheta yaqto' maicheye da nlouec!