Cantares 2:8 - La'aqtaqa Ñim Lo'onatac 'Enauacna 2013

⁸ ¡Na ỹauotaxat mashe anacta! Namaye anactalec ana qasoxonaxapi, nparenaxaata'ague ana comarelecpi.

Cantares 2:8 Referans Kwoze

Juan 10:27

Qaq anam qagueta maye selotague', anamayepi ỹauatton da ivilỹaxac, qataq Aỹem sauatton anamayepi, qaq anamayepi Aỹem ca'attague'.

Apocalipsis 3:20

Aỹem sootaigui na 'anasom, seuaxaatega't naua ihuaxaye. Qaq da 'aua'axaỹa da iỹaxanaxac, nache da Aỹem 'auauateguet, qaq Aỹem senoxonoigui na 'arma'. Ime, qaq qomi' nquia'axau' qome.

Juan 3:29

Da huo'otaq huo'o ca naronaxac, qaq cam ỹataqta huaroneguet aca auonaxaua, nacheca cam nauonaxaua. Qaq cam nauochaxaua que'eca auonaxaua, camaye ỹataqta machiguiñi da choche hua'aqtega da lvilỹaxac. Qaq nache 'eetec nataqa'en nagui aỹem ỹataqta aỹem nlaqchigui da ñetonaxac, cha'aye ca Lca'aguishec Ñim Lo'onatac 'Enauacna mashe hueta'a ne'ena.

Isaías 52:7

¡Maye sa no'onolec da qailota'aguet da nactalec ana qasoxonaxapi cam nachetac da no'on na'axaỹaxac cam ỹa'axatec da nlagaxayec, qataq ỹa'axata'a da qaisouec na shiỹaxauapi qataq 'enapega na Sión, 'eeta': «Ñim 'Anatamnaxala' nacheñi Nta'a!»

Cantares 2:17

Da ñaq napaltañi qataq natomchiguiñi, nache 'avi'eguelaq, 'am ỹauotaxat, 'auỹalapigui' qoneta'am ana ñi'imshe qataq na chegaxango llalec da quetalec ana qasoxonaxapi ye Beter.

Hechos 14:10

Nache ỹataqta nlamaxaren da 'enapega, 'eeta': –'Anachaañi, nache 'auqueuoỹapigui'. Nache se'eso ỹale nparenaxaasheguem da nachaañi, nache queuoỹapigui'.

Hechos 3:8

Nache se'eso ỹale, somaye ỹataqta nparenaxaasheguem da nachaañi, nache jec da queuoỹapigui'. Nache lỹatreuo soomaye da taua'a aso no'onaxanaxaqui late'erai. Huaña, nache queuotapigui', dasottac, ỹo'oxoreetac Ñim Lo'onatac 'Enauacna.

Jeremías 48:27

'Am Moab, ¿peta'a saq 'avi'iitac naxa na le'ecpi Israel, qataq da 'autaqtega qalaq ỹataqta sa 'auaỹamaxatapec, 'eeta'am 'anqa'en ca cachaxaic?

Isaías 44:23

¡'Am piguem 'aua'alaq qome da 'antonaxac, souaxat dam ỹo'ot Ñim Nataxala'! ¡Qanlamaxareñi da qaua'alqai qami' maye qoviita'a na ỹataqta pa'aguiñi ana 'alhua! ¡Qami' qasoxonaxapi qataq aviaq, qataq 'enauac ana qo'oipaqpi, qaua'alqaitagui qome souaxat da lta'araic qantonaxaqui, cha'aye Ñim Nataxala' ỹachaxan da llo'oxoyec da isouec na Israel, maye chegoxoguet so Jacob!

Isaías 35:6

qaq na sara'añeeguelo naua lchel qalaq parenaxaatai' qome 'eeta'am aca chegaxango, qaq na 'apaicpi qalaq ỹa'alaqtagui qome. Qaq yem toolec qataq yem deqaqta 'alhua qalaq npaxaasheguem qome na 'etaxat.

Cantares 5:2

Aỹem so'ocheta, qalaxaye añi iquiyaqte saishet da do'oche. 'Eco' sa'aqtega so ỹauotaxat da deỹaxaatac, 'eeta': «¡Aỹem 'auauateguet, 'am ỹoqopitaqte ỹaqaỹole, 'am qoto'ole maye nalochiguiñi! ¡Ten na 'aỹa mashe ỹapapiaxatta na ỹaqaic! ¡Na 'aỹa maye anactañi da pe qalaq mashe queueegue na ỹaue nache ñettañi!»

2 Samuel 6:16

Qaq co'ollaq qaiviraxateua'a so huaqta'a't nỹecpi maye lalamaxat so David aso arca maye laỹe' soua lqataxaco Ñim Nataxala', nache aso Mical maye llale so Saúl dalletauec co'ollaxa, nache ỹalletauga so nta'a David da parenaxaatac, qataq dasotto'ot Ñim Nataxala', nache asomaye ỹataqta da'aguelec somaye.

Lucas 6:23

Qaq ỹataqta qauamaichiguiñi qome, qataq qauasocheetai' da qantonaxaqui, cha'aye Ñim Lo'onatac 'Enauacna mashe iqataxaatai' da lta'araic qansheetenaguiiqui. Cha'aye nataqa'en, nache 'eetec co'ollaxa so chegoxoguet namayepi da sa iyacnapec so hua'au la'aqtaxanaxanecpi Ñim Lo'onatac 'Enauacna.»

Cantares 4:16

'Am la'at quenaquiaxaic, ¡ña 'anlouec! 'Am la'at nte, ¡ña 'auanac! ¡Ña 'auasheerelec ye ỹañiguishe lma' nache huaỹoxonec 'anqa'en na ama laitaỹaxac! ¡Anac qome ca ỹauotaxat da nauga ye lañiguishe lma', nache chec ana ala maye qaica ca 'ena'am da lamaic!