Cantares 2:7 - La'aqtaqa Ñim Lo'onatac 'Enauacna 2013

⁷ Qami' 'alpi, maye qarma'ai na Jerusalén, qami' ñachoxoreetoiguilo souaxat ana ñi'imshepi qataq ana chegaxangopi maye huetauga na no'onaxa, da saishet da sa qaualemaxache da do'ocheta aye ỹauotaqte. ¡Qauaqaita'a da do'ocheta yaqto' maicheye da nlouec!

Cantares 2:7 Referans Kwoze

Cantares 3:5

Qami' 'alpi, maye qarma'ai na Jerusalén, qami' ñachoxoreetoiguilo souaxat ana ñi'imshepi qataq ana chegaxangopi maye huetauga na no'onaxa, da saishet da sa qaualemaxache da do'ocheta aye ỹauotaqte. ¡Qauaqaita'a da do'ocheta yaqto' maicheye da nlouec!

Cantares 8:4

Qami' 'alpi maye qarma'ai na Jerusalén: Aỹem qaỹa'añim ca qara'aqtaqui. Saishet qome da sa qaualemaxache da lo'ochaxa ye ỹauotaqte. ¡Qaua'aqaita'a da do'oche maicheye da nlouec!

Cantares 1:5

Qami' 'alpi maye qarma'ai na Jerusalén, aỹem lairaxaale qalaxaye aỹem 'onaxai, da ỹaueraxa 'eeta'am da laueraxa na lpe'lpi na Quedar le'ecpi, da iyacỹaxac qalaq 'eeta'am da lyacỹaxac na lapoxonaxatpi so Salomón.

Proverbios 5:19

acam 'eeta'am aca ñi'imshe maye huotaxanaqtaqai! ¡Acam nache 'eetai' da lauotaxanaqtaic! ¡Qataq nache 'eetai' da lauoche da qoneta!

Cantares 5:16

Ỹataqta huo'o da lamaic na alap, qataq imauec somaye huo'o da lyacỹaxac. Nache 'eetec da lataxac so ỹauotaxat, 'era da 'eetec so ỹoqopitaxat, qami' 'alpi maye qarma'ai na Jerusalén.

Cantares 2:9

Na ỹauotaxat 'eeta'am ana ñi'imshe, qataq na chegaxango llalec. ¡'Ena mashe hueta'a na pa'aueegue da laỹe' na qarma'. Nalletauoigui na nalloxoqui, choche nalletapegueuo!

Mateo 26:63

Qalaxaye So Jesús saishet da ỹasat, nache so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'enapega So Jesús, 'eeta': –'Am serolec da le'enaxat Ñim Lo'onatac 'Enauacna maye nca'altauec, da ñaq 'anasaxauec ca 'eesa. 'Aua'axat da nache 'am maye 'am Lca'aguishec Ñim Lo'onatac 'Enauacna qataq 'am Llalec Ñimaye.

Génesis 49:21

Qaq da Neftalí qalaq 'eeta'am aca ñi'imshe maye ỹataqta huesochiguiñi, qataq ỹataqta 'onaxaiqa naua llalqa.

Salmos 18:33

qataq ỹo'ot da sailaua'aguelo naua ichel, 'eeta'am naqa'en ana chegaxango, qataq ỹo'ot da aỹem qaramchiguiñi da shectalec na qaỹoqotcheguema 'alhua,

Proverbios 6:5

'auatauec qome qoneta'am aca ñi'imshe da dataueeguesop ca 'ipiaxaic, 'auatauec qome qoneta'am ca qoỹo da dataueeguesop aca nqoina.

Cantares 2:17

Da ñaq napaltañi qataq natomchiguiñi, nache 'avi'eguelaq, 'am ỹauotaxat, 'auỹalapigui' qoneta'am ana ñi'imshe qataq na chegaxango llalec da quetalec ana qasoxonaxapi ye Beter.

Cantares 8:14

¡'Am ỹauotaxat, ñaq 'analoxo qome, qoneta'am ana ñi'imshe qataq na chegaxango llalec da nqalgoqtapeguelec ana qasoxonaxapi maye ỹoqta nlaqtelec na ama da laitaỹaxac!

Habacuc 3:19

Cha'aye Ñim Nataxala', aỹem ỹanem da ỹa'añaxac, qataq sa ilaua'aguelo naqa'en naua ỹapia'ate 'eeta'am aca ñi'imshe, qataq aỹem ỹaviguisheguema yem ỹataqta qaỹoqotcheguema.»