Cantares 2:5 - La'aqtaqa Ñim Lo'onatac 'Enauacna 2013

⁵ ¡Ñaq aỹem qaua'añaqchichi, aỹem qaỹa'añim qome ana deqaqta ala ana uvapi, qataq aỹem qauquia'axañec ana manzana, cha'aye huotaique selem da lamaic da ỹoqopitaxanaqtaic!

Cantares 2:5 Referans Kwoze

Cantares 5:8

Qami' 'alpi maye qarma'ai na Jerusalén, aỹem qaỹa'añim ca qara'aqtaqui: qom qauloỹalec ca ỹauotaxat, qalaq ỹataqta qoñiỹapega qome da selem da lamaic da ỹoqopitaxanaqtaic.

Oseas 3:1

Ñim Nataxala' qaltaq aỹem 'enapega, 'eeta': «'Aue qojec, nache 'aỹa'anem da 'arauotaxanaqtaic aca 'alo quisheguetaxai, maye lauatapiguiñi' nam nauochaxauapi. Cha'aye 'era da 'eetec Ñim Nataxala' da ỹauotec na Israel le'ecpi, na'aictaxa da ỹe'eguelaxa da ỹa'amaqteetac na ỹaqa'a atamnaxala'pi, qataq da naman da chectac anam nqaxaỹaqta uvapi maye qoỹanot naxa namayepi.»

2 Samuel 6:19

Ime, nache 'enauac somayepi da ỹanem ñi 'oonolec aso 'oonole nauole 'ayiiña, qataq na laỹe so lapat, qataq aso nqaxaỹaqta ala ana uva. Qaq co'ollaq imeta somayepi nache 'enauac da ỹe'eguelaxalo soua lma'ate.

Filipenses 1:23

Ỹataqta huo'o da lqalaic ñaqa'en cam ỹoqta lleca'ateua'alo ne'enaua dos. Cha'aye huo'o da lỹa iuennataxa maye 'eeta': Aỹem ñeshetaique da seleu yaqto' ñeqo'ona So Cristo. Cha'aye damaye ỹataqta ỹactec da 'onaxaic ñaqa'en.

Lucas 24:32

Nache soomaye detaqtega'to', 'eeta': –¡Qache ỹoqta 'eesa de'era ntonaxa'c naua qarquiyaqtel, quiye so ñanaguenaqtague' na nqa'aic, can qomi' da'aqtaxaatapeguema naua naiguilo naua ñiyigui'she maye nanettaleguete ana nere!

Cantares 7:8

Qaq aỹem sauotaique da shiguisheguemec aca chaic, nache sacona 'enauac ana ala. Qaq naua 'artetel qalaq 'eeta'ama ñaqa'en ana ltaxale ana ala ana uva, qaq na 'ara'at nache 'eeta'am na laita ana manzana.

Salmos 63:8

'Enauac da ñachaalataxac 'am hueto'ot, na 'oiguishec 'arhuaq qalaq nache 'eetai' da aỹem nasoqtañi.

1 Crónicas 16:3

Nache 'enauac so Israel le'ecpi, ỹalleppi qataq 'alpi da ñi 'oonolec somayepi ỹanem aso 'oonole nauole 'ayiiña, qataq aso ntoñiguishe maye lalegue na lapat, qataq aso nauole maye lalegue ana nqaxaỹaqta ala na nañiguishe.