Cantares 2:3 - La'aqtaqa Ñim Lo'onatac 'Enauacna 2013

³ So ỹauotaxat da ỹalectaigui na laỹe ỹalleppi, nache 'eeta'am ana qo'oipaq da huo'o ana ala da ỹalectaigui ana laỹe huauec qo'oipaqpi. Ỹataqta 'onaxaic ñaqa'en da ñeso'oto'ot na lpaqal, qataq ỹataqta ñaman ana ala.

Cantares 2:3 Referans Kwoze

Cantares 8:5

¿Chaq negue't ana chegoqtelec na toolec 'alhua, hua'aqtalec na lallac na lauotaxat? Hua'asop aso nañiguishe manzano da sa salemaxat na 'aro'ochaxa, yem huaña caillaye da aso 'arate'e nanomteguet da naỹallaxa, nache huaña co'ollaxa da 'am ñiguiñi.

Isaías 32:2

Ñim 'oonolec camayepi qalaq 'eeta'am qome ca ñe'eguenaxaqui da huo'o ca la'at, qataq npaqtaxanaxat da huo'o ca la'at lta'araic, qataq 'eeta'am na la'auaxacpi da icorelec na 'etaxat ca deqaqta 'alhua, qataq 'eeta'am na lpaqal aca late'erai coma' maye naña ca toolec 'alhua.

Isaías 25:4

Cha'aye nache 'am da 'am lle'eguenaxala' na choxoraqpi, qataq 'am lpaqtaxanaxat nam huo'o da lhuenaxanaxa da huo'o da lhuogoxo, qataq 'am ỹe'eguenot da huo'o na lta'araic la'at, qataq 'am lpe'l da huo'o na lta'araic ntap. Qalaxaye naua la'a'che na qauemaic shiỹaxauapi 'eeta'am na lta'araic la'at ye latomaxa,

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Ezequiel 47:12

Qaq naua dos loiguiye so tala qalaq ñaxaalec qome ana ỹotta'a't qo'oipaqpi maye huo'o ana ala. Qaq ana laue qalaq saishet qome da naañi, qataq saishet da vi'iiguet ana ala. Qataq nacheye ye 'oonolec ca'agoxoic da huo'o ana ala, cha'aye icottalec qome na 'etaxat maye chegoqtegueua'a añi atamnaxaqui. Qaq ana ala qalaq ishet qome da qanallec, qaq ana laue qalaq natannaxanaqte.

Isaías 4:6

da yaqto' lpe'l ye na'a'q da npaxateguet na le'eraxa añi nala', qataq lpaqtaxanaxat da huo'o ca auot qataq da huo'o ca la'at lta'araic.

Isaías 4:2

Qaq que'eca na'a'q, nache aca llaxataxa maye nañaxat qome naqa'en Ñim Nataxala', nachaca aca llo'oxoraqte qataq llo'oxoyec cam lca'alaxaicpi Israel le'ecpi, qaq cam ala ca nañiguishec maye chegaqaigui ana 'alhua, nacheca qome ca ỹo'ot da llo'oxoyec qataq huo'o naq 'enec naqa'en camayepi.

Cantares 5:16

Ỹataqta huo'o da lamaic na alap, qataq imauec somaye huo'o da lyacỹaxac. Nache 'eetec da lataxac so ỹauotaxat, 'era da 'eetec so ỹoqopitaxat, qami' 'alpi maye qarma'ai na Jerusalén.

Cantares 4:16

'Am la'at quenaquiaxaic, ¡ña 'anlouec! 'Am la'at nte, ¡ña 'auanac! ¡Ña 'auasheerelec ye ỹañiguishe lma' nache huaỹoxonec 'anqa'en na ama laitaỹaxac! ¡Anac qome ca ỹauotaxat da nauga ye lañiguishe lma', nache chec ana ala maye qaica ca 'ena'am da lamaic!

Cantares 2:5

¡Ñaq aỹem qaua'añaqchichi, aỹem qaỹa'añim qome ana deqaqta ala ana uvapi, qataq aỹem qauquia'axañec ana manzana, cha'aye huotaique selem da lamaic da ỹoqopitaxanaqtaic!

Salmos 91:1

Ca shiỹaxaua maye huetaigui da ltelaqtaxanaxac Ñim Nataỹaña 'enauacna, nache Ñim Qaica ca Ỹaqalanapec ipelteetalec camaye.

Salmos 89:6

Cha'aye ¿negue'tom ca neto'ot na piguem da ishet da 'am qanaloqneguet, 'Am Nataxala'? Qataq ¿negue'tom ca 'am 'eeta'am nam llalaqpi na 'añaxaicpi?

Salmos 57:1

¡Ñaq aỹem 'auchoxoren qome 'Am Ñatamnaxala', ñaq aỹem 'auchoxoren qome! Cha'aye nache 'amta da 'am sepe'etega, aỹem she'eguenot qome na lpaqal naua 'araua't, choche ivitta'a da inoxonec na lchecpi.

Salmos 45:2

Da 'aryacỹaxac ỹataqta napacalec na laỹe ỹalleppi, qaq na 'ap qalaq chegaqaiguilo naua no'oñi na'aqtaqa, ỹoqo'oye Ñim Lo'onatac 'Enauacna nache 'eetai' da 'am huetalec naqa'en da lchoxonnataxanaxa.

Jueces 9:15

Qalaxaye asa'aso ỹaxat 'enapego' aso qo'oipaqpi, 'eeta': Da ỹoqta 'eesa da qauauoitaique da aỹem qarta'ai, nache qauanaqui da qoviỹo'ot na ipaqal. Qalaxaye da saishet da aỹem qaualaqaiguet, huaña qome nache aỹem chegaqaigui ca norec, maye ỹavigaxat 'enauac aye cedropi maye huaña ye Líbano.

Cantares 1:16

¡Ỹataqta 'am 'onaxaicolec, 'am ỹauotaxat, ỹataqta 'am 'onaxaicolec! ¡Na darala 'auaqpi nache qaracanec!

Cantares 4:13

Qataq qoneta'am ca nañiguishe lma' maye ñaxaalec ana granada maye qaica ca 'ena'am da lamaic ana ala, nañiguishe lma' maye nlaqtelec ana lauoxo ana alheña.

Cantares 7:13

Ana lauoxo ana mandrágoras mashe huaỹoxon da laitaỹaxac. Qaq ñi qarma' huetaña ana ỹotta'a't ala ana qo'oipaq maye ishet da qanallec, huo'o ana hua'auñi ala qataq ana dalaxai, seỹotauga da yaqto' 'aralamaqte, 'am ỹauotaxat.

Cantares 8:11

So Salomón huo'o co'ollaxa so maiche lañiguishe lma' naña ye Baal Gamón. Nache huo'oi soua ỹanema da iloregue se'eso nañiguishe lma', qaq naxa da ivita ye laloxoqui da qanqat ana ala somaye, nache qoỹami' ñi 'oonolec somayepi ana mil anom plata.

Cantares 8:12

Ana'ana mil anom plata 'am qoỹami' Salomón, qaq ana doscientos qalaq qoỹami' na ilotague' na nañiguishe lma', qalaxaye aỹem maiche selotague' ana maiche ỹañiguishe lma'.

Joel 1:12

Qataq deqaqa ana nañiguishe uvapi qataq ana hiigopi, nataqa'en ana nañiguishe granadapi, chaicpi qataq ana manzaanapi. Qataq 'enauac anam nañiguishepi na no'onaxa deqaqa. Huaña nache qaica ca l-lagaxayec nam llalaqpi na shiỹaxauapi.

Salmos 45:3

¡Ñaq 'auo'ogoxona da 'ara'amaqchec qataq da 'ayo'oxoyec, da 'ana'achigui ca 'ainec 'am 'añaxaic! ¡Cha'aye nachera da ỹo'ot da 'ayo'oxoyec!