Cantares 2:13 - La'aqtaqa Ñim Lo'onatac 'Enauacna 2013

¹³ Mashe ỹe ana ala ana higo, qataq ana nañiguishe uva mashe huaỹoxon da laitaỹaxac ana lauoxo. ¡'Am ỹoqopitaqtole, qoñisheguem, qolaq!»

Cantares 2:13 Referans Kwoze

Cantares 2:10

So ỹauotaxat aỹem 'eetega, 'eeta': «¡'Am ỹoqopitaqtole, qoñisheguem, qolaq!

Isaías 61:11

Cha'aye da 'eetec ana 'alhua da ñaxatsheguem naqa'en ana nañiguishe, qataq ñaxatec naqa'en ana dalaxai llaxataxa na nanaxanaqa'piolec, qaq nache 'eetec qome Ñim Nataxala' da ñaxat naqa'en da lauegaxanaxac, qataq 'enauac nam ỹotta'a't shiỹaxauapi ỹo'on qome ca no'onec da yo'oxonnataxan.

2 Corintios 5:20

Qaq ỹoqo'oye nache qomi' la'aqtaxanaxanaqa So Cristo, qaq chegoqchiguilo naqa'en qomi' Ñim Lo'onatac 'Enauacna da 'eeta'am da qami' ñachoxorenaqtoiguilo. Qaq chegoqchigui So Cristo da qami' ñachoxorenaqtoiguilo, shenaqta': qanmañi' qome Ñim Lo'onatac 'Enauacna.

Lucas 19:42

Nache 'eeta': –¡Ỹataqta lta'araic da iyaxa, da nagui qami' qauaỹaañi ca naigui da qoviitaigui da qarlagaxayiqui! Qalaxaye qami' saishet da qauaỹaañi.

Mateo 24:32

Qanapaxagueñiỹa qome da lataxac ana higo lcheyec. Da anamaye da ivita da ñaxatec ana lcouepi qataq dalaxai ana lauepi, nache qami' qauaỹaañi da mashe saqaỹapigui naua nta'api.

Hageo 2:19

Qaq no'on da qauloichigui, da nache chegoqchiguiña nagui da saishet qome da qui'itchigui na laỹe'pi na nañiguishec. Qaq nagui na'aictaxa da saxanaxa da ỹe ana ala ana uva, qataq ana hiigo, qataq ana granado, qataq ana oliivo, qalaxaye nache chegoqchiguiña nagui da sanem da no'on lañaxataxac.›»

Oseas 14:6

Qataq ỹataqta qalochiguiñi ana lcouepi, nache da lyacỹaxac 'eeta'am ana oliivo, qataq da no'on laitaỹaxac 'eeta'am ana cedropi ye Líbano.

Isaías 18:5

Cha'aye qom saxanaxa da ivita da qanqat aca ala ana uva, qataq qom mashe naañi aca lauoxo qataq mashe ỹe aca ala, qalaq hua'auñi qome da qaicheguec aca lcouepi qairota'a ca ỹeelonec, qaicheguec qome nache qaỹasaxauec.

Cantares 7:8

Qaq aỹem sauotaique da shiguisheguemec aca chaic, nache sacona 'enauac ana ala. Qaq naua 'artetel qalaq 'eeta'ama ñaqa'en ana ltaxale ana ala ana uva, qaq na 'ara'at nache 'eeta'am na laita ana manzana.

Cantares 6:11

Saigui qome ye lma' ana nañiguishe nogalpi, semeten da mashe nsala ana lauepi ana qo'oipaqpi na no'onaxa ca'amapega't, qataq mashe huo'o ana llaxataxa ana nañiguishe uvapi qataq ana lauoxo ana granadapi.

Cantares 1:15

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! ¡Naua 'ara'ai'tolqa ỹataqta 'onaxaiqa 'eeta'ama caua qoto'olqa!

Cantares 2:15

Ña qauacoñiiua'a ana huaxaỹaxapiole, cha'aye huotaique nlaxaañi ana qorañiguishi uvapi maye mashe dasovitac.