Cantares 2:1 - La'aqtaqa Ñim Lo'onatac 'Enauacna 2013

¹ Aỹem sheeta'am aca lauoxo maye hualec ye nalochiguiñi 'alhua ye Sarón, aỹem lauoxo maye huauga na no'onaxa ca'amapega't.

Cantares 2:1 Referans Kwoze

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Oseas 14:5

Nache sheeta'am qome ca 'aỹa da talec na Israel le'ecpi, nache namayepi 'eeta'am qome ana lache late'e da huo'o ana lauoxo, qataq ỹataqta ỹa'areñi na lpa'a'pi, 'eeta'am ana cedropi ye Líbano.

Cantares 5:13

Naua lamelque qalaq 'eeta'ama ca nañiguishe lma' maye ama da laitaỹaxac ana lauoxo. Da lamaic na alap 'eeta'am da lamaic na laita ana lauoxo da nlaqtelec ana mirra.

Cantares 6:3

Aỹem lalamaqte so ỹauotaxat, qataq somaye ỹalamaxat. Somaye nqopita da ỹalectaigui ana lauoxo ana nañiguishe.

Salmos 85:11

Ana 'alhua qalaq ñaxaalec qome da 'eesa lataxac, qaq da nalochiguiñi lataxac qalaq chegoqtot qome na piguem da lmeenaxanaxac.

Cantares 2:16

So ỹauotaxat ỹataqta ỹalamaxat, qataq somaye aỹem lalamaqte. Da ilotague' ana lalo nache nqopita da ỹalectaigui ana lauoxo ana huouepi.

1 Crónicas 5:16

Qaq 'enauac somayepi, da netalec co'ollaxa ye Galaad, ye Basán qataq na lauoreuapi nma'piolec maye huaigui yemaye, qataq nam no'onaxapi maye lquia'aqa' na na'atetpi maye huaigui ye Sarón, nache ivitta'a na loga'tpi yemaye.

Cantares 6:2

So ỹauotaxat mashe huetaigui na lañiguishe lma', ana lañiguishe maye ỹataqta ama da laitaỹaxac ana lauoxo. Qataq nqopita da nqapaxaataigui nam nañiguishe lma' nache napoctac ana lauoxo anamaye.

Isaías 33:9

Ana 'alhua huasootac qataq daquicotac, ye Líbano qalaq huo'o da lcoxo nache deqaqa, qaq ye ca'amegue ye Sarón qalaq 'eeta'am ca toolec 'alhua, ye Basán qataq añi qasoxonaxa Carmelo qalaq deqat da lyac na huetalec.