Cantares 1:9 - La'aqtaqa Ñim Lo'onatac 'Enauacna 2013

⁹ 'Am maye 'am ỹoqopitaqte, ỹataqta 'am 'eeta'am ñaqa'en da lyacỹaxac aca nlo caaỹo maye lauegaxalate aca laigona so faraón.

Cantares 1:9 Referans Kwoze

Cantares 2:13

Mashe ỹe ana ala ana higo, qataq ana nañiguishe uva mashe huaỹoxon da laitaỹaxac ana lauoxo. ¡'Am ỹoqopitaqtole, qoñisheguem, qolaq!»

Cantares 2:10

So ỹauotaxat aỹem 'eetega, 'eeta': «¡'Am ỹoqopitaqtole, qoñisheguem, qolaq!

Isaías 31:1

¡Qaq choxoraxaso' nam taỹa ye Egipto da nmitaique ca ntaunaguec, nam pe'etega na qalota caipi qataq naquittega ana qalota naigonapi, qataq nam qalota alleppi maye nalaataxala' na caipi, qalaxaye sa ỹamato'ot Ñim Qui'itta Natamnaxala' na Israel le'ecpi, qataq saishet da nmitaique Ñim Nataxala'!

Cantares 5:2

Aỹem so'ocheta, qalaxaye añi iquiyaqte saishet da do'oche. 'Eco' sa'aqtega so ỹauotaxat da deỹaxaatac, 'eeta': «¡Aỹem 'auauateguet, 'am ỹoqopitaqte ỹaqaỹole, 'am qoto'ole maye nalochiguiñi! ¡Ten na 'aỹa mashe ỹapapiaxatta na ỹaqaic! ¡Na 'aỹa maye anactañi da pe qalaq mashe queueegue na ỹaue nache ñettañi!»

Cantares 4:7

¡Ỹataqta 'am 'onaxaale, 'am ỹoqopitaqte, ỹataqta ivirañi da 'aryacỹaxac, imauec da 'aro'ocỹaxac 'onaxaic! ¡Qaica da huo'otaq huo'o ca sa ỹaỹamaxañi!

Cantares 2:2

Aso ỹoqopitaqte da ỹalectaigui na laỹepi 'alpi, nache 'eeta'am ana lauoxo da ỹalectaigui ana huo'o ana lepi.

Cantares 1:15

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! ¡Naua 'ara'ai'tolqa ỹataqta 'onaxaiqa 'eeta'ama caua qoto'olqa!

Cantares 6:4

'Am ỹoqopitaqte, 'am 'onaxaale qataq lta'araic da 'aryacỹaxac 'eeta'am ye huaqta'a't nỹecpi ye Jerusalén qataq ye Tirsa, qataq qoneta'am da llo'oxoyec ana huaqaañipi.

Cantares 4:1

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! Naua 'ara'ai'tolqa 'onaxaiqa 'eeta'ama caua qoto'olqa, naamaye 'eco' nqañoxottaiguilo na lapoxot na 'arqaic. Na 'araue 'eeta'am na laue ana quetaq lairaxai, maye parenaxaata'ague ana qasoxonaxapi ye Galaad.

1 Reyes 10:28

Qaq so lalo caipi so Salomón, nache qaỹachegoxottega ye Egipto, cha'aye so lmenaxanaxanecpi so nta'a nache ỹachegoxottapiguiña yemaye da desheenaxana.

Génesis 50:9

Nataqa'en so shiỹaxauapi maye huota'a aso nnaigonapi qataq so huota'a so lalo caipi, nnaictague' co'ollaxa so José. Qaq ỹataqta saqalota so shiỹaxauapi.