Cantares 1:8 - La'aqtaqa Ñim Lo'onatac 'Enauacna 2013

⁸ Da huo'otaq sa 'auaỹaten de'era, 'am, maye ỹataqta 'anapacalec da lyacỹaxac na laỹepi 'alpi, qaq 'am qome, no'on da qoquetegue na lapia' lliguiñi ana nlopi, nache 'aulotague' ana 'arelo quetaqpiole huaña ca naloteuga na lma'pi na laỹe qagueta lo'opi.

Cantares 1:8 Referans Kwoze

Cantares 6:1

'Am maye ỹataqta 'anapacalec da lyacỹaxac na laỹe 'alpi, ¿chaq taigo' cam 'arauotaxat? ¿Chaq hua'ague ca taigue camaye? ¡Qolaq, 'am ñenaigaqapegue' ñimitaqaique camaye!

Cantares 5:9

'Am maye ỹataqta 'anapacalec da lyacỹaxac na laỹepi 'alpi, ¿peta'a qaico' ca 'eeta'am lỹa ỹale que'eca 'arauotaxat? ¿Peta'a qaico' ca 'eeta'am lỹa ỹale que'eca 'arauotaxat ye ỹataqta qomi' 'anachoxoreetacoto da 'am sanaxam ca qara'aqtac?

1 Pedro 3:6

'Era da 'eetec co'ollaxa aso Sara, cha'aye ỹataqta ỹalaxaguet so lhua Abraham. Ỹoqo'oye asomaye da iỹaxana, qalaq 'eeta': «Ỹataxala'.» Qaq qami' nagui da qauo'oche ca ỹaỹamaqchiguiñi, qataq saishet da huo'o ca qayi'iitaique, nache qoñiita'am asomaye.

Santiago 5:10

Qoquiiteleco' qome da lataxac so la'aqtaxanaxanecpi Ñim Lo'onatac 'Enauacna soua qaỹoqteguelo vi'iye maye ỹa'axattac co'ollaq da la'aqtac Ñimaye. Qomi' ỹataqta huo'o da qara'aalaxa souaxat somayepi da ỹataqta huo'o da lhualaxavic, qataq da na'añaxateguet 'enauac nam nque'eenaxacpi. Qataq qami' iuen da qauennachiỹa'a co'ollaxa da 'eetec so Job, qataq da 'eetec co'ollaxa somaye da nala'aguet da nque'eenaxac qataq co'ollaq ime de'era, nache Ñim Lo'onatac 'Enauacna ỹataqta ỹaỹamaxatta somaye. Cha'aye Ñimaye ỹataqta soxoraic qataq ỹauotec nam huo'o da nque'eenaxac.

Santiago 2:21

So hua'au qarta'a Abraham, Ñim Lo'onatac 'Enauacna ỹataqta ỹaỹamaxareeta co'ollaxa somaye, souaxat da ỹaneuo so llalec Isaac da ỹauo'o lachetaqtaxanaxat ỹavigaxatta. Qaq Ñim Lo'onatac 'Enauacna ỹaỹamaxareeta somaye.

Hebreos 13:7

Qataq qauennachiỹa'a som qarataxala'aipi maye qami' ỹa'axatema co'ollaxa da la'aqtac Ñim Lo'onatac 'Enauacna, cha'aye somayepi huetaigui da lta'araic lpi'iỹaxac Ñimaye. Qataq saishet da qaỹa'axañiiñi da qauennacheetega somayepi qataq qoquiigue da lataxac.

Hebreos 6:12

Qataq sa saỹamaxarenaq da qavi'eguelaqaỹa da qami' hualaicpi. Nachaqrato' da saishet da huo'o ca huaña da qauqolectaxañi, qoquiitegue da lataxac som huo'o da lpi'iỹaxac Ñim Lo'onatac 'Enauacna, cha'aye da nache qoñiitec de'era, nache qauacoñiiguet dam qami' ỹachaxanapeguema Ñimaye.

Efesios 5:27

Yaqto' qom ivita da nachaalataxaneuo Somaye na 'amqaanataxanaxaicpi, qalaq ỹataqta huo'o da lyacỹaxac, qataq qaica ca lshepaxanaxa, huo'otaq ca 'eco' lvigaxataxa, huo'otaq ca lỹa 'eeta'am de'era. Nachaqrata da ỹataqta qui'itta qataq nalochiguiñi.

1 Corintios 11:1

Qami' qoquiitelec qome da ỹataxac, 'eeta'am da sheetec da shectelec da lataxac So Cristo.

Juan 21:15

Qaq co'ollaq ime da lquia'axa'c, nache So Jesús inat so Simón Pedro, 'eeta': –'Am Simón maye 'am llalec so Jonás, ¿peta'a ỹoqta Aỹem 'arauotaxat, qaq saishet da qoneta'am ne'ena 'araỹepi? Nache so Pedro 'enapeco': –Aja', 'am Ỹataxala', 'am 'auaỹaten mque' da 'am sauotec. Nache So Jesús 'enapego' somaye, 'eeta': –'Antela'a qone' na ilopi qagueta llalaqpi.

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Cantares 4:10

'Am ỹaqaỹole maye 'am ñauonaxaua. Ỹataqta huo'o da lamaic da 'arauotaxanaqtaic. Damaye napacalec da lamaic na lataxa, qataq na 'ancoraxat maye ama da laitaỹaxac, qataq 'enauac na laỹe 'amnaxatpi.

Cantares 4:7

¡Ỹataqta 'am 'onaxaale, 'am ỹoqopitaqte, ỹataqta ivirañi da 'aryacỹaxac, imauec da 'aro'ocỹaxac 'onaxaic! ¡Qaica da huo'otaq huo'o ca sa ỹaỹamaxañi!

Cantares 4:1

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! Naua 'ara'ai'tolqa 'onaxaiqa 'eeta'ama caua qoto'olqa, naamaye 'eco' nqañoxottaiguilo na lapoxot na 'arqaic. Na 'araue 'eeta'am na laue ana quetaq lairaxai, maye parenaxaata'ague ana qasoxonaxapi ye Galaad.

Cantares 2:10

So ỹauotaxat aỹem 'eetega, 'eeta': «¡'Am ỹoqopitaqtole, qoñisheguem, qolaq!

Cantares 1:15

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! ¡Naua 'ara'ai'tolqa ỹataqta 'onaxaiqa 'eeta'ama caua qoto'olqa!

Proverbios 8:34

Machiguiñi qome ca shiỹaxaua maye aỹem na'axaỹaxana, qataq ca 'enauaque naua na'axa'te da deuataxaatac da hueta'a ñi lasom ñi ima'.

Salmos 45:13

Qaq ana llale ca nta'a mashe nnoxoneuo lỹateuo da lyacỹaxac, ỹaatrañi naua alogo maye chegaqaigui na oro.

Salmos 45:11

cha'aye ñi'iñi nta'a ỹataqta nqopita da 'aryacỹaxac, qaq ñimaye nacheñi ñi 'arataxala', qaq no'on da 'aualaxaguet qome ñimaye.

Salmos 16:3

Na atamnaxala'pi maye huetalec ne'ena 'alhua ỹataqta 'añaxaicpi, cha'aye nache 'enapec na ỹo'oxoreetac namayepi,

Santiago 2:25

Qaq 'era nataqa'en da 'eetec aso Rajab maye quisheguetaxai. Ñim Lo'onatac 'Enauacna ỹaỹamaxareeta asomaye souaxat dam ỹaỹamaqchiguiñi ỹo'ote'c soua namaxa'she co'ollaq ivildeua'a so lma', qataq ỹoxooyiñi soomaye. Qataq nataqa'en souaxat da itaua'n soomaye da naneltaxa'n, ỹaqa'a ca tateugalo nqa'aic naqa'e'n.