Cantares 1:7 - La'aqtaqa Ñim Lo'onatac 'Enauacna 2013

⁷ Ñaq aỹem 'aua'aqtaxanem, 'am maye 'arauotaxat da ñachaalataxac, ¿chaq hua'ague naxa ca lquia'aqa' 'anqa'en na 'ana'atetpi? ¿Chaq hua'ague naxa ca nmataqa' 'anqa'en ye na'a'q laiñi? ¿Ta'ainco' da 'anshetaique da sheeta'am aca queuoxoi, da salectaigui na na'atetpi na 'araỹepi?

Cantares 1:7 Referans Kwoze

Isaías 13:20

Nache saishet qome da qaltaq qaỹe'eguelaxa da qanayenalec, qataq yemaye qaica qome ca ishet da qaltaq nalec. Na Arabia le'ecpi saishet qome da qaltaq ỹe'eguelaxa yemaye da nalec, qaq ivira'a na qagueta lo'opi da saishet da nmataqa' naqa'en yemaye aca lalo qaguetapi.

Salmos 28:1

Nagui 'am ñachoxonnot 'Am Nataxala', maye aỹem 'ampaxattalec, saishet qome da aỹem sa 'auasateguet, cha'aye da aỹem sa 'aua'axaỹa, nache 'eeta'am da mashe salectaigui na leuaxaicpi.

Apocalipsis 7:17

Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

1 Pedro 2:7

Qami' qaua'amaqchiñi Ñim Lo'onatac 'Enauacna, ỹoqo'oye ỹataqta huo'o naq naigui qanqa'eñi se'eso coma' maye qaica ca 'ena'am da lyac. Qalaxaye nam saishet da ỹa'amaqten, nache ỹo'ot dam la'aqtaxanaxac ana nere maye huetalec na la'aqtacpi Ñim Lo'onatac 'Enauacna maye 'eeta': «So coma' maye ỹo'otan co'ollaxa som ỹo'ottac añi no'onaxanaxaqui late'erai, nacheso nagui som ỹe'eguelaxa da ỹataqta nhuenec da qaỹo'ot ca nỹec.»

1 Pedro 1:8

Qami' na'aictaxa da saishet da qanmiỹa'ai' da qauloito'ot So Jesucristo, qalaxaye qauauochec qataq qaua'amaqchiñi Somaye, qataq huo'o da qantonaxaqui ỹataqta lta'araic qataq 'onaxaic, qaq damaye saishet da qaỹañoxot da ỹataqta qaỹa'axatta.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Juan 10:11

Aỹem Nachaỹem no'on qagueta lo'o. Ca no'on qagueta lo'o, camaye ỹaalec da nachaalataxac ana qaguetapi.

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

Miqueas 5:4

Qaq camaye nachaañi qome da ilo'ogue nam lalamaxat lauo' le'ecpi, ỹauota'a da la'añaxac qataq da la'amaqchec Ñim Nataxala' maye Natamnaxala'. Qaq huaña, nache ỹataqta qaica ca machaqca namayepi, cha'aye da la'amaqchec Ñimaye ivira'a qome ca ỹataqta pa'atec ana 'alhua.

Jeremías 33:12

Ñim Nataxala' maye qaica ca Ỹaqalanapec, 'eeta': Ne'ena 'alhua maye toolec nagui, qaica ca ỹale qataq ca shiguiỹacpi, qataq 'enauac nam lalamaxat huaqta'a't nỹecpi maye ỹotta'a't na nañalo, namayepi ỹe'eguelaxa qome da huo'o na 'auaqpi, maye na qagueta lo'opi ỹauega qome ana lalo qaguetapi.

Isaías 40:11

Qaq namaye anac 'eeta'am ca qagueta lo'o da ilotague' ana lalo qaguetapi, qataq nsoqteuo da ỹachetac na qagueta llalaqpi ỹachetelec ana ltogue, qataq ntela'a da huetague' ana cheta'ague da deco'otac.

Isaías 26:9

Qaq ỹataqta imauec ye pe da 'am seuennatega, qataq yem ỹataqta pa'auo ivilỹaxac 'am nmittaique. Qaq qom 'anmit ana 'alhua, nache na shiỹaxauapi ỹaỹaten qome da nalochiguiñi lataxac.

Isaías 5:1

Nagui so'onaxan souaxat so ñauochaxaua, so'on dam no'onec maye ỹa'axat so lanaxanaqa' uva lma' so ñauochaxaua. So ñauochaxaua huo'o co'ollaxa so lanaxanaqa' uva lma', maye huaña so ỹataqta no'on 'alhua.

Cantares 8:13

¡Ñaq aỹem 'aua'aqta'a da sa'aqtega da 'arvilỹaxac 'am maye qoneta'am na nañiguishe lma'! ¡Na ỹaỹepi iuatta'a da 'am na'axaỹaxana!

Cantares 6:3

Aỹem lalamaqte so ỹauotaxat, qataq somaye ỹalamaxat. Somaye nqopita da ỹalectaigui ana lauoxo ana nañiguishe.

Cantares 5:16

Ỹataqta huo'o da lamaic na alap, qataq imauec somaye huo'o da lyacỹaxac. Nache 'eetec da lataxac so ỹauotaxat, 'era da 'eetec so ỹoqopitaxat, qami' 'alpi maye qarma'ai na Jerusalén.

Cantares 5:10

So ỹauotaxat ỹataqta 'onaxaic qataq lta'araic qaica ca 'eeta'am da ỹalectaigui na qalota ỹalleppi.

Cantares 5:8

Qami' 'alpi maye qarma'ai na Jerusalén, aỹem qaỹa'añim ca qara'aqtaqui: qom qauloỹalec ca ỹauotaxat, qalaq ỹataqta qoñiỹapega qome da selem da lamaic da ỹoqopitaxanaqtaic.

Cantares 2:16

So ỹauotaxat ỹataqta ỹalamaxat, qataq somaye aỹem lalamaqte. Da ilotague' ana lalo nache nqopita da ỹalectaigui ana lauoxo ana huouepi.

Cantares 2:3

So ỹauotaxat da ỹalectaigui na laỹe ỹalleppi, nache 'eeta'am ana qo'oipaq da huo'o ana ala da ỹalectaigui ana laỹe huauec qo'oipaqpi. Ỹataqta 'onaxaic ñaqa'en da ñeso'oto'ot na lpaqal, qataq ỹataqta ñaman ana ala.

Salmos 116:1

Aỹem sauotec Ñim Nataxala', cha'aye Ñimaye hua'axaỹa da ñachoxonnaxac,

Salmos 80:1

'Am, maye 'aulotague' na Israel le'ecpi, maye 'auauecta'aguet co'ollaxa so José 'eeta'am 'anqa'en ana qagueta. 'Am maye ca 'aro'onataxanaqa' da 'am nta'a, nache hueta'alo soua ne'enaqtaqa querubines maye huo'oi naua laua't, ñaq qomi' 'aua'axaỹalo qataq qomi' 'auachaxanalo da 'ara'añaxac,

Salmos 18:1

'Am Nataxala', aỹem ỹataqta 'am sauotec, cha'aye nache 'am ỹa'añaxac.

Génesis 37:16

Nache so José 'enapeco': «Ñimittrapigui caua ỹaqaỹa't.» ¿Ishet peta'a da aỹem 'aua'aqtaxanem ca huetra'ague caamaye da ilotrague' aca qaguetapi?

Cantares 6:2

So ỹauotaxat mashe huetaigui na lañiguishe lma', ana lañiguishe maye ỹataqta ama da laitaỹaxac ana lauoxo. Qataq nqopita da nqapaxaataigui nam nañiguishe lma' nache napoctac ana lauoxo anamaye.

Rut 2:21

Nache aso Rut maye Moab lashe, 'enapeco': Somaye nataqa'en aỹem 'enapega da nache shecto'ot da salectaigui aso lo'onataxanaxanapi, nache ivitta'a da ime da qanqattac na ala na lañiguishec.