Cantares 1:6 - La'aqtaqa Ñim Lo'onatac 'Enauacna 2013

⁶ Saishet qome da qaualleetagui da ỹaueraxa, na'aictoxo' da ỹavigaxat na ỹo'oc añi nala'. So ỹaqaỹañicpi aỹem dalemataỹa co'ollaxa nache aỹem ỹamaxalec da selo'ogue so nañiguishe uva lma'pi, ¡qaq nache secoua'ai da selo'ogue ana maiche ỹañiguishe!

Cantares 1:6 Referans Kwoze

Salmos 69:8

sheeta'am ca chegaqauec da salectaigui na ỹaqaỹañicpi, sheeta'am ca ỹaqa'a ca chegaqa'ague, da salectaigui na llalaqpi aso ỹate'e.

Da na'aqtaguec so Job 30:30

Da ỹo'ocỹaxac qalaq ỹataqta naue' qataq nmetapiguiñi, qataq naua ipi'ineqa ỹataqta 'eroiguilo souaxat na ỹe'eraxa.

Gálatas 4:29

Qaq se'eso na'a'q so llalec aso Agar icaatac so Isaac maye chegoqchigui da la'añaxac So Saqcha'a Na'añaxac. Qaq nagui qalaq nache 'eeta'am: Nam huotaique da quegue da lamaxasoxonaxac nam nqataxacpi qalaq qomi' icaata'ape maye qomi' ñalaqpi maye qomi' qaỹachaxana'ape co'ollaxa.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Marcos 4:6

Qaq ỹoqo'oye aso nañiguishe ye saqaỹa'ague na lpa'a', nache co'ollaq nnoxoosheguem añi nala', nache ỹavigaxat.

Mateo 10:25

Ỹoqo'oye ca napaxaguenatac ishet qome da machiguiñi da ivi' da 'eeta'am ca napaxaguenaxala', qataq cam choche namaxashec da ivi' da 'eeta'am ca na'aco'. Cha'aye na shiỹaxauapi da huo'otaq Aỹem iỹaxana, qaq 'eetega da Aỹem pa'aguenataxanaxaic, nache, ¿chaq 'eetec ca lỹaxanataxanaxac da qoñiita maye qami' ỹapaxaguenataqa?

Mateo 10:22

Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .

Miqueas 7:6

Cha'aye cam ñalec, qaica qome ca 'enec naqa'en ca lta'a, qaq aca ñale dataỹa'aguet qome aca late'e, qataq aca nate dataỹa'aguet qome aca lachoro, nache na npa'aguenaxauapi ca shiỹaxaua nachena nam netaña ca lma'.

Lamentaciones 4:8

Qaq nagui da lataxac namayepi qalaq ỹataqta napacalec da laueraxa na napalaxa, qataq da quetague' ca nqa'aic nache saishet da qaỹauatton. Qaq na lo'oc qalaq lapaxaguet naua lpi'ineqa, qataq ỹataqta deqaqte', 'eeta'am ca nalonaxanaxat 'epaq.

Jeremías 12:6

Ye ivira'a nam 'aralamaxat 'arqaỹañecpi qataq nam 'arhuo' le'ecpi, 'am dataỹa'aguet, nache 'am ỹataxaatec da 'am isheueetac. Qaq saishet qome da 'aua'amaqten namayepi na'aictaxa da no'onaxa't naua la'aqtaqa da 'am detaqtacot.»

Jeremías 8:21

Aỹem ñeque'etaxangui da nque'eenaxac na ihuo' le'ecpi, da naquicoxo qataq da ncolanaxa aỹem loxonec.