Cantares 1:5 - La'aqtaqa Ñim Lo'onatac 'Enauacna 2013

⁵ Qami' 'alpi maye qarma'ai na Jerusalén, aỹem lairaxaale qalaxaye aỹem 'onaxai, da ỹaueraxa 'eeta'am da laueraxa na lpe'lpi na Quedar le'ecpi, da iyacỹaxac qalaq 'eeta'am da lyacỹaxac na lapoxonaxatpi so Salomón.

Cantares 1:5 Referans Kwoze

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Lucas 15:22

Qalaxaye so lta'a 'enapega so lamaxashecpi, 'eeta': ‹Sa qanaỹaloxoñi qome da qanqacheere'c caua no'o'n anogo. Ime, qaq qano'otaxanaxañi qataq qa'añiỹaigui ana llaxaata aca chiguishaqte qataq qauauo'oi caua lapela'ate.

Cantares 5:16

Ỹataqta huo'o da lamaic na alap, qataq imauec somaye huo'o da lyacỹaxac. Nache 'eetec da lataxac so ỹauotaxat, 'era da 'eetec so ỹoqopitaxat, qami' 'alpi maye qarma'ai na Jerusalén.

Cantares 5:8

Qami' 'alpi maye qarma'ai na Jerusalén, aỹem qaỹa'añim ca qara'aqtaqui: qom qauloỹalec ca ỹauotaxat, qalaq ỹataqta qoñiỹapega qome da selem da lamaic da ỹoqopitaxanaqtaic.

Cantares 2:14

«'Am ỹalamaqte qoto'ole, ¡saishet da 'anqañoxottaigui na qaỹoqotcheguemec 'anqañoxotaqa'! Aỹem ñeshetaique da sela'a da 'arashiguiỹaxac, sauotaique sa'axaỹa da 'arvilỹaxac. ¡Ỹataqta samachiguiñi da 'am ñauane'! ¡Ỹataqta huo'o da lamaic da sa'aqtega da 'arvilỹaxac!»

Cantares 2:7

Qami' 'alpi, maye qarma'ai na Jerusalén, qami' ñachoxoreetoiguilo souaxat ana ñi'imshepi qataq ana chegaxangopi maye huetauga na no'onaxa, da saishet da sa qaualemaxache da do'ocheta aye ỹauotaqte. ¡Qauaqaita'a da do'ocheta yaqto' maicheye da nlouec!

Salmos 120:5

Qaq choxoraicolec aỹem ye choche sachegaqauec da sootaña na Mesec, qataq da sootaigui na npe'lpi na Cedar.

Lucas 13:34

¡Ỹataqta qauem da qauo'oche qami' maye qoñiitaña ye Jerusalén, cha'aye qaualauache som la'aqtaxanaxanecpi Ñim Lo'onatac 'Enauacna, qataq qauasaqaitalec na coma' som lamaxashecpi maye qami' namaxalo Ñimaye! ¡Ỹataqta huo'o naxa da iyaxa da llaỹona't na 'aỹa'alaqpi, da sheeta'am aca 'olgaxa da nqapaxaalec ca llalaqpiolec, qalaq qami' saishet da qanashiñi!

Mateo 22:11

Qaq co'ollaq pa'auo so nta'a da demeenaxaneua'a som ncoyeguenatacpi, nache ila'a so 'oonolec da saishet da ỹaatrañi naua anogo maye lataxaua da qaỹalegueua'a de'era naponaxac,

Mateo 10:25

Ỹoqo'oye ca napaxaguenatac ishet qome da machiguiñi da ivi' da 'eeta'am ca napaxaguenaxala', qataq cam choche namaxashec da ivi' da 'eeta'am ca na'aco'. Cha'aye na shiỹaxauapi da huo'otaq Aỹem iỹaxana, qaq 'eetega da Aỹem pa'aguenataxanaxaic, nache, ¿chaq 'eetec ca lỹaxanataxanaxac da qoñiita maye qami' ỹapaxaguenataqa?

Ezequiel 16:14

Qataq da no'on na'aqtaguec da 'aryac, ivira'a 'enauac nam ỹotta'a't shiỹaxauapi. 'Am ỹataqta 'am 'onaxai nalochiguiñi da 'arataxac, cha'aye Aỹem 'am seyaquen co'ollaxa. Qaq 'era da ỹa'aqtac Aỹem Nataxala'.

Isaías 61:10

Aỹem ỹataqta lta'araic da ñetootapeguec Ñim Nataxala', da ñachaalataxac qalaq nlaqchigui da ntonaxac souaxat Ñim Ñatamnaxala', cha'aye Ñimaye aỹem ỹanaxanaxangui da nca'alaxa qataq aỹem napogonaxaaña da nalochiguiñi lataxac, Aỹem no'otaxanaxan sheeta'am ca auonaxaua qataq ỹauo'o ana ño'otaqtepi sheeta'am naqa'en aca auonaxaua.

Isaías 60:7

Qataq 'enauac ana qaguetapi maye lalopi na lma' ye Quedar 'aralamaqtepi qome, nam qagueta lhuaraicpi ye Nebaiot, qalaq 'am qoỹanem qome da yaqto' 'aỹa'anot Ñim Nataxala', nache Ñimaye ỹo'ot qome da ỹactec naqa'en da lyac añim 'onaxai lalamaqte atamnaxaqui.

Cantares 6:4

'Am ỹoqopitaqte, 'am 'onaxaale qataq lta'araic da 'aryacỹaxac 'eeta'am ye huaqta'a't nỹecpi ye Jerusalén qataq ye Tirsa, qataq qoneta'am da llo'oxoyec ana huaqaañipi.

Cantares 4:3

Na 'ap qalaq togaxaraic 'eeta'am na nqo'oilliguishec, qataq huo'o da lamaic naua 'ara'aqtaqa. Naua 'aramelque tocaleguete 'eeta'ama ana ala ana granada, 'eco' nqañoxottaiguilo na lapoxot na 'arqaic.

1 Juan 3:1

¡Ña qauloỹa! Ñim Lo'onatac 'Enauacna maye Nta'a ỹataqta lta'araic da lauotaxanaqtaic da shenaqta, ỹoqo'oye na shiỹaxauapi da qomi' iỹaxanalo, nache qomi' llalqa Ñimaye, qaq damaye ỹoqta 'eesa. Qaq ỹoqo'oye na 'etaxaloxoicpi maye netalec ana 'alhua saishet da qomi' ỹauatto'n, cha'aye nataqa'en saishet da ỹauatton Ñim Lo'onatac 'Enauacna.

Efesios 5:26

Ỹo'ot Somaye de'era, cha'aye ỹauotaique da iqui'itaxatta na 'amqaanataxanaxaicpi, irolec na 'etaxat da iỹo qataq da la'aqtac.

Gálatas 4:26

Qalaxaye aso Sara naigui da dalaxaic aỹamaxataxac, qaq ỹoqo'oye qomi' qaralamaxat ye Jerusalén maye hueta'ague da piguem, qomi' maye ỹataqta qomi' huesochiyiñi.

Isaías 53:2

Ñim Nataxala' maiche lhuennataxa co'ollaxa da ñim lamaxashec 'eeta'am da lañaxataxac aca nañiguishe da saxanaxa da da'añi maye naua lpa'aye taiguilo cam deqaqta 'alhua. Nache qaica ca lyac qataq ca llo'oxoyec, da lataxac qalaq saishet da qaiqopittaua'a,

Cantares 8:4

Qami' 'alpi maye qarma'ai na Jerusalén: Aỹem qaỹa'añim ca qara'aqtaqui. Saishet qome da sa qaualemaxache da lo'ochaxa ye ỹauotaqte. ¡Qaua'aqaita'a da do'oche maicheye da nlouec!

Cantares 3:10

Naua lauoqtel nache ỹo'oxoolec na lcat plata, qaq so la'axasoxola' ỹo'oxoolec na oro, qaq so nso'onaxala' qaq ỹo'oxoolec na qagueta laue togaxaraic qataq 'enauac na pa'auo qalapaxalec na lo'oc na 'atet, lo'onatac na 'alpi maye lma' ye Jerusalén.

Cantares 3:5

Qami' 'alpi, maye qarma'ai na Jerusalén, qami' ñachoxoreetoiguilo souaxat ana ñi'imshepi qataq ana chegaxangopi maye huetauga na no'onaxa, da saishet da sa qaualemaxache da do'ocheta aye ỹauotaqte. ¡Qauaqaita'a da do'ocheta yaqto' maicheye da nlouec!

Salmos 149:4

Cha'aye Ñim Nataxala', ỹamaateguet na lalamaxat nhuo' le'ecpi, qataq no'on naqa'en da lca'alaxa ca qaica ca la'amaqchec.

Salmos 90:17

Qaq da lsoxoyec Ñim Nataxala' maye Qanatamnaxala', qomi' huetaleguete qome. Qataq nache 'eetai' qome da na'attañi naqa'en de'era qaro'onataxanaxac, Aja', nache 'eetai' qome na'attañi naqa'en de'era qaro'onataxanaxac.

Salmos 45:9

Qaq ca 'aro'onataxanaqa' da 'am nta'a nache hueta'a ana llale na nta'alpi, qaq na pa'aỹa'ague na 'oic nache hueta'a aca nate'e, ỹaatañi ca no'otaxat maye chegaqaigui na oro.

Isaías 21:16

Qaq Ñim Nataxala' aỹem 'enapega, 'eeta': «Qom inoxonec ca 'oonolec vi'i, maye 'eeta'am ca vi'i maye qoỹanem da do'onataxan ca 'onataxanaxaic, qaq nache 'eetec qome da imeuo 'enauac da la'amaqchec ye Quedar.

Ezequiel 27:21

Qaq ye Arabia qataq 'enauac na nataxala'pi ye Quedar qalaq 'anmenaxauapi co'ollaxa: Qaq da 'am isheeten naxa nache desheetenaxana na qagueta llalaqpi, peenaqpi qataq ana quetaqpi.