Cantares 1:4 - La'aqtaqa Ñim Lo'onatac 'Enauacna 2013

⁴ ¡Aỹem 'auauec! ¡Sa ñaỹaloxonaq qome! ¡'Am nta'a, ñaq aỹem 'auauegueua'a ca 'aro'ochaqa'! So'otaq ca qantonaxac da salegaqta'a't. She'eguelaxasoxolec da seuennaqte da 'arauotaxanaqtaic, de'era 'arauotaxanaqtaic maye napacalec da lamaic na lataxa. ¡Mañaxasaco' da ỹataqta 'am nqopita na qa'ampiolec!

Cantares 1:4 Referans Kwoze

Juan 6:44

Qaica ca ishet da choche Aỹem naua'a da huo'otaq sa nauegueuo Ñim Ita'a maye Aỹem namaq; nache camaye ishet da qaltaq ñeca'alaxatec ca pa'atec na'a'q.

Oseas 11:4

Qaq Aỹem serolec co'ollaxa da huesotta ỹauotaxanaqtaic da ñaueguela't namayepi, qataq ñesoxouo, 'eeta'am ca nogotolec maye ñaq lleptac, nache ñeqateeguesop na qapa'atta maye npeetague' namayepi, nache sanem na aloq da sequia'axaatac.

Juan 12:32

Qaq qom ivita da Aỹem qaiuaxaneguet ca ñepe'enaxaqui, nache huaña qome, nache so'otec da 'enauac Aỹem qaỹa'amaqten.

Jeremías 31:3

nache Aỹem ñachaxana co'ollaq qaỹoqta. Aỹem chochaq tatec da ỹauotaxanaqtaic 'am, ỹoqo'oye nache shecto'ot da 'am sechoxoreetac.

Hebreos 12:1

¡'Enauac se'eso shiỹaxauapi nagui qomi' datataua'alo da qomi' ỹachaxaategalo da lpi'iỹaxac! Qaq ỹoqo'oye naua vi'iye maye souaqtaiguilo iuen da saxanaxañi da so'otaqtac ca qarasouaxashet, nataqa'en ño'onaxataqchigui 'enauac nam saishet da qomi' ỹalemaxa't, nache semataqo'ot Ñim Lo'onatac 'Enauacna da qanaquitaxac. Cha'aye de'era achaalataxac 'eeta'am ca qomitaxac, qaq da ñe'etaxaloxo qalaq 'eeta'am da lpattapiguilo naua qarchel da saishet da qomi' ỹashenema da ñeqalgoxosoq.

Lucas 22:19

Qaq co'ollaq ime, nache ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache icolaxachigui, nache ỹanoiguilo soomaye, nache 'enapeco': «'Ena na maiche ỹo'ocỹaxac maye qoỹaneguet da nalaataguec, souaxat da qoñiita. Qaq qauo'ocheetaco' qome damaye, yaqto' saishet da Aỹem qaucoviỹa'ai.»

Lucas 2:10

qalaxaye so lamaxashec Ñim Lo'onatac 'Enauacna 'enapeco': «Saishet da qayi'i, cha'aye aỹem qami' ñera'alo da no'on qara'axaỹaxaqui. Qaq damaye ỹo'ot qome da lta'araic da qantonaxaqui:

Mateo 25:10

Qalaxaye co'ollaq se'esoua cinco qa'añole maye qaica ca naỹamaxataxa'c, co'ollaq je'c da desheenaxaraique ca lcoỹaraxanaxa't, nache nvi' so auonaxaua. Nache soua qa'añel maye lhuotte' lỹatreuo somaye da pa'areua'a ca naronaxac. Qaq ime, nache qaỹapogui so lasom.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Isaías 63:7

Aỹem sauotaique da sa'axat da lauotaxanaqtaic Ñim Nataxala', qataq so'on na no'onecpi da qaỹo'oxoren Ñimaye souaxat na qalota ỹo'otpi Ñimaye souaxat qomi', qataq souaxat da lta'araic lauotaxanaqtaic nam llalaqpi so Israel, qataq nam ỹo'otpi souaxat da lsoxoyec qataq da lta'araic lauotaxanaqtaic.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Isaías 45:25

Qaq chegoqchigui Aỹem da 'enauac na nhuo' Israel le'ecpi, da dauegaxan qome, nache huo'o qome da na'amqaanaxac souaxat Aỹem.›»

Isaías 25:8

Ñim Nataxala' nlaxaañi qome da la'añaxac da nleuaxa, huaña nache iỹorec naua lache' 'enauac na shiỹaxauapi, qataq nqateeguesop da ne'enaguec nam lalamaxat nhuo' le'ecpi 'enauac ana 'alhua. Qaq 'era da la'aqtac Ñim Nataxala'.

Cantares 3:4

Qaq can choche sheca'ai somayepi, nache sanata som lauotaxat da ñachaalataxac. Nache sacona na lhuaq somaye, nache saishet da saxanec, nache sauegueua'a ye lma' aso ỹate'e, yem lo'ochaqa' asomaye, nache huaña da ỹataqta ỹalamaxat.

Salmos 149:2

Qami' Israel le'ecpi, qantoñeetapeguec qome Ñim qami' lo'onataqa, qami' Sión lashe', qantoñiitapeguec qome Ñim Qarta'ai.

Efesios 2:6

Ñim Lo'onatac 'Enauacna co'ollaq nca'alaxateeguesop da nleuaxa So Cristo Jesús, nache nataqa'en qomi' nca'alaxatre'c, nache qomi' nso'onaxana'ai'salo naqa'en Somaye.

Sofonías 3:14

¡Qauo'onaxañi qami' huaqta'a't nỹecpi maye qoviita'a na Sión! ¡Qanlamaxareñi souaxat da qantonaxaqui, qami' Israel le'ecpi! ¡'Antonapigui', 'Am Jerusalén, ỹataqta imauec da 'arquiyaqteỹaxac da 'antonapigui'!

Salmos 119:60

Nache ỹataqta seỹalapigui', saishet da ñaỹaloxon, da yaqto' sepacchiguilo naua 'aramaxasoxonaxaco.

Salmos 119:32

Aỹem ỹataqta seỹalapigui' da shectegue da llecỹaxac naua 'aramaxasoxonaxaco, cha'aye 'anlaxatchigui añi iquiyaqte da ñetonaxac.

Salmos 111:4

Qataq ỹo'ot da nhuennataxat da llo'oxoyec. Ñim Nataxala' ỹataqta hualaxaunaxaic qataq choxonnataxanaxaic.

Salmos 63:5

Qataq ỹataqta machiguiñi da ñachaalataxac, sheeta'am ca chectac ca ỹataqta no'on nallec, qataq da setaqa qalaq samachiguiñi, da 'am sho'oxoreetac.

Salmos 48:9

'Am Qanatamnaxala', naxa da souaqtaigui na pa'auo añi atamnaxaqui maye 'aralamaqte, qalaq tachigui qarhuel de'era 'arsoxoyec.

Salmos 42:4

Qaq naxa da tachigui ye iuel se'eso hua'au, nache ỹataqta nỹen da ivilỹaxac co'ollaq shectaigui so shiỹaxauapi da sauectaua'a añi atamnaxaqui maye lalamaqte Ñim Lo'onatac 'Enauacna, ỹataqta ỹa'alaqtagui da ntonaxac da ỹaatac da na'achec. Qaq ỹataqta lta'araic da ño'oxonnataxanaxac se'eso na'a'q.

1 Pedro 1:8

Qami' na'aictaxa da saishet da qanmiỹa'ai' da qauloito'ot So Jesucristo, qalaxaye qauauochec qataq qaua'amaqchiñi Somaye, qataq huo'o da qantonaxaqui ỹataqta lta'araic qataq 'onaxaic, qaq damaye saishet da qaỹañoxot da ỹataqta qaỹa'axatta.

Filipenses 4:4

Qaq ỹataqta qantoñiitapeguec So Qarataxala' 'enauaque naua na'axa'te. Qaq de'era ỹa'aqtac ỹataqta she'eguelaxattalec da ỹataqta qantoñiitapigui' qome.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Efesios 6:24

Qaq Ñim Lo'onatac 'Enauacna, ỹanem qome ca no'on 'enauac nam saishet da ỹalat da lauoche So Qarataxala' Jesucristo.

Cantares 4:10

'Am ỹaqaỹole maye 'am ñauonaxaua. Ỹataqta huo'o da lamaic da 'arauotaxanaqtaic. Damaye napacalec da lamaic na lataxa, qataq na 'ancoraxat maye ama da laitaỹaxac, qataq 'enauac na laỹe 'amnaxatpi.