Cantares 1:3 - La'aqtaqa Ñim Lo'onatac 'Enauacna 2013

³ Ỹataqta ama da laitaỹaxac na 'ancoraxat, qataq da qanasaxauec da 'are'enaxat nache 'eeta'am na coraxat da huaỹoxon na ama laitaỹaxac. ¡Ỹoqo'oye ỹataqta 'am nqopita na qa'ampiolec!

Cantares 1:3 Referans Kwoze

Eclesiastés 7:1

Ỹactec da ỹaỹamaqchiguiñi da no'on da na'aqtaguec cam shiỹaxaua, qaq saq 'ena'am cam ỹataqta no'on coraxat. Ỹactec da no'on cam na'a'q maye huetoigui ca nleuaxa, qaq saq 'ena'am cam na'a'q maye huetoigui da nañoxoc.

Juan 12:3

Nache aso María maye lqaỹa't soomaye, asomaye ndouo so ivi' na medio litro na coraxat maye le'enaxat nardo. Somaye ỹataqta late'erai añi lasheue, nache icoreleguete naua lapia'ate So Jesús. Ime, nache deqaxaỹaqtaxana na laue. Qaq 'enauac se'eso nỹec ỹataqta ỹe'eguelaxaigui na laita so coraxat.

Cantares 4:10

'Am ỹaqaỹole maye 'am ñauonaxaua. Ỹataqta huo'o da lamaic da 'arauotaxanaqtaic. Damaye napacalec da lamaic na lataxa, qataq na 'ancoraxat maye ama da laitaỹaxac, qataq 'enauac na laỹe 'amnaxatpi.

Apocalipsis 14:4

Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,

Filipenses 4:18

So Epafrodito aỹem ỹami' aso aỹem qanamaqỹa, qaq asomaye ỹataqta ỹapacauec. De'era qartaunaxanaxaqui ỹataqta ama da laitaỹaxac, 'ena'am da alaitaỹaxac aca nachetaqtaxanaqte maye qoỹanot Ñim Lo'onatac 'Enauacna da ỹataqta ỹamaateguet.

Salmos 133:2

'Eeta'am ca no'on coraxat maye qaicorelec na lqaic so Aarón, nache ivittaña da naguingui ana lqa' laue, anam lqa' laue somaye nache nviraña so loga't aso lapoto.

Salmos 45:14

Qataq na no'on llo'oxoraxat naua alogo da qaỹauegueua'a ñi nta'a, nache ca'attaueegue na qa'ampi maye nauochaxauapi anamaye.

Mateo 25:1

De'era lo'onataxanaxac Ñim Lo'onatac 'Enauacna, damaye 'eeta'am da 'eetec se'eso pe co'ollaq huo'o so naronaxac. Nache huo'oi soua diez qa'añole ỹaconalo soua lcoỹaraxanaxaqui' maye lca'atoxo't na aceite. Nache huaqatra'aguet ca auonaxaua.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Cantares 5:13

Naua lamelque qalaq 'eeta'ama ca nañiguishe lma' maye ama da laitaỹaxac ana lauoxo. Da lamaic na alap 'eeta'am da lamaic na laita ana lauoxo da nlaqtelec ana mirra.

2 Corintios 11:2

Cha'aye aỹem huo'o da 'eco' ica'alaxanaxac da qoñiita. Qalaxaye de'era ica'alaxanaxac, damaye chegoqtot Ñim Lo'onatac 'Enauacna. Cha'aye aỹem sauotaique da qami' saronaxanaxanegueta So Cristo, qataq sauotaique da qami' sachaxaneua'alo Somaye, da 'eeta'am ñaqa'en aca qa'añole maye saxanaxa da huaron, da huaroneguet ca 'oonolec ỹale.

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Proverbios 27:9

Ca no'on coraxat qataq nchenaxanaxat ama na laita, ỹo'o't da machiguiñi naqa'en da nquiyacteỹaxac, qataq da no'on lqataxac ca auochaxaua huo'o da lamaic naqa'en da achaalataxac.

Cantares 5:5

Huaña, nache soosheguem da sauateguet se'eso ỹauotaxat. Qaq naua ihuaxaye qataq naua ỹaxaata ñettrañi na mirra, nache ana llo'oxo taleguete so lvinaxat so lasom.

Éxodo 33:12

So Moisés 'enapega Ñim Nataxala', 'eeta': «'Am, maye aỹem 'auamaxalec co'ollaxa ne'ena nhuo' le'ecpi da saueca'aguet, qalaxaye saishet da aỹem 'aua'aqtaxanem da negue't ca aỹem itauan. Nataqa'en qonapec co'ollaxa da aỹem 'auauotec qataq aỹem 'arpe'et.

Cantares 6:8

Ivi' sesenta ana ỹoqta lhuapi so nta'a, qataq ochenta ana ỹaqauga lamoxouapi, qataq qalota na qa'ampi.

Éxodo 33:19

Qalaxaye Ñim Nataxala' 'enapeco': «Aỹem, 'am sachaxana qome 'enauac da ỹoqouagaxanaqtaic, qataq 'am sa'aqtaxanem qome da ỹe'enaxat. Qataq Aỹem sechoxoren ca taalec da sechoxoren, qataq ñeqouaguec cam taalec da ñeqouaguec.