Cantares 1:2 - La'aqtaqa Ñim Lo'onatac 'Enauacna 2013

² ¡Sauotaique da aỹem 'anapigoxoi'! Ỹataqta napacalec da lamaic na lataxa da 'arauotaxanaqtaic.

Cantares 1:2 Referans Kwoze

Cantares 4:10

'Am ỹaqaỹole maye 'am ñauonaxaua. Ỹataqta huo'o da lamaic da 'arauotaxanaqtaic. Damaye napacalec da lamaic na lataxa, qataq na 'ancoraxat maye ama da laitaỹaxac, qataq 'enauac na laỹe 'amnaxatpi.

Cantares 1:4

¡Aỹem 'auauec! ¡Sa ñaỹaloxonaq qome! ¡'Am nta'a, ñaq aỹem 'auauegueua'a ca 'aro'ochaqa'! So'otaq ca qantonaxac da salegaqta'a't. She'eguelaxasoxolec da seuennaqte da 'arauotaxanaqtaic, de'era 'arauotaxanaqtaic maye napacalec da lamaic na lataxa. ¡Mañaxasaco' da ỹataqta 'am nqopita na qa'ampiolec!

Salmos 36:7

Ỹataqta huo'o da llo'oxoyec da 'arauotaxanaqtaic, 'Am Atamnaxala', ỹoqo'oye na shiỹaxauapi deuaqtacoto naua 'araua't da yaqto' 'ampaxattalec.

Lucas 15:20

Huaña, nache jec, ỹe'eguelaxa ye lma' so lta'a. Qaq co'ollaq ña qaỹata'aguet, nache so lta'a ỹauaateguet somaye. Nache ỹataqta huo'o da lchoxonnataxanaxa. Nache nqalgoqta'aguet. Qaq co'ollaq ivireguet, nache nqapaltague' qataq napigoqtague'.

Mateo 26:26

Qaq co'ollaq ña deque'eta'ape, nache So Jesús ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache ncolaxaañi aso nauole qataq ỹanema soua lapaxaguenataqa nache, 'eeta': «Qauacoñiiguet qataq qolliqui ana'ana, anamaye nachera da ỹo'ocỹaxac.»

Isaías 25:6

Ñim Nataxala' maye Qaica ca Ỹaqalanapec huaña qome añi qasoxonaxa Sión da iqataxanai' da ỹo'ot da yaqto' ỹalegueua'a na ỹotta'at shiỹaxauapi ca nquia'axac da qanallec ca ỹataqta ama nallec, qataq qanỹomigui ca ỹataqta togoshaapec lataxa, qataq ca ỹataqta no'on nallec qataq cam ỹataqta no'on lataxa.

Cantares 7:12

Qaq da nte'etom nache saxauga ye lma' ana nañiguishe uvapi, da yaqto' semetenaq da mashe huo'o ana llaxataxa, qataq da mashe dasovi ana lauoxo, qataq da mashe huo'o ana lauoxo ana granadapi. ¡Nache huaña qome da 'am sami' da ỹauotaxanaqtaic!

Cantares 7:9

Da lamaic na 'ap 'eeta'am na lataxa, da quigui na qorap qataq naua qarhue.

Cantares 2:4

So ỹauotaxat aỹem ỹauegueua'a so huaña da nquia'axac, da aỹem ỹalleto'ot qalaq yo'oqta da lqopiche aỹem.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

Hechos 21:7

Nache sachegoxosoqchiguiña ye Tiro, choche seviraqta'a ye ñegaxasom maye naña ye nỹecpi le'enaxat da Tolemaida. Huaña yemaye, nache tachiguiña da qoyecỹaxac da qolaqtangui na 'etaxat. Qaq huaña yemaye, nache ñauanaxai' so qarqaỹañicpi, nache ñequinaqtague', nache 'oonolec so na'a'q da souaqta'aguet.

Cantares 7:6

'Am 'onaxaale, qaica ca 'ena'am da 'aryacỹaxac ỹataqta qaica ca 'ena'am da 'arauotaxanaqtaic.

Cantares 5:16

Ỹataqta huo'o da lamaic na alap, qataq imauec somaye huo'o da lyacỹaxac. Nache 'eetec da lataxac so ỹauotaxat, 'era da 'eetec so ỹoqopitaxat, qami' 'alpi maye qarma'ai na Jerusalén.

1 Pedro 5:14

Qaq ñi 'oonolec da qoñiita da nquine' ca lỹa qalaq ỹataqta napigoxoi'. Qaq aỹem seỹaxaatacot Ñim Lo'onatac 'Enauacna da qami' ỹanema ca qarlagaxayiqui qami' maye qami' lalamaqa'ate So Cristo.

Génesis 45:15

Qaq ime, nache so José napigoxoi'salo 'enauaque soua lqaỹa't, nache nỹeetac co'ollaq nqapalta'ai'salo soomaye. Qaq co'ollaq ime de'era, nache soua lqaỹa't ishet da detaxairapegue' somaye.

Génesis 29:11

Qaq ime, nache iquin qataq napigoxoi', nache nỹen.